Aoao
O le a le mea o le a tatou faia i lenei vaega?
-
Taimi:Seti le taimi i le 60 minute mo le vaega Aoao.
-
Faitau:Ina ia malamalama i le faamoemoega o lenei vaega mo le ola tutoatasi, susue totonu o le faavaa i luma o lenei api galuega ma faitau le faatonuga.
Ua matou i ai iinei e fesoasoani le tasi i le isi ia maua aoaoga ma faaleleia a tatou galuega. Ua i ai foi se tatou sini sili atu: ina ia ola tutoatasi ma ia lelei atili lo tatou feauaunaai i le tasi ma le isi.
-
Maimoa:“Aoaoga mo le Ola Tutoatasi” (Leai se vitio? Faitau le itulau 18.)
-
Talanoaina:O le a se mea sa e aoaoina pe lagonaina mai le vitio?
-
Faitau:Ia tatou feauauai i le faitauina o faamatalaga nei:
-
Tatou te fia mananao e avea ma tagata ola tutoatasi.
-
Ae tatou te le o maua ni tomai i le taimi nei e maua ai se galuega lelei pe fai ai se pisinisi lelei.
-
O lea la, tatou te manaomia se aoaoga po o ni aoaoga faalematata e faaleleia a tatou tomai.
-
O nei tomai o le a taitaiina i tatou i galuega lelei ma tele le totogi.
-
Ma o le tele o le totogi ma le tele o le faatuatua o le a fesoasoani ia i tatou ina ia ola tutoatasi atili!
-
-
Talanoaina:O se aotelega lelei lenei o le mafuaaga ua tatou i ai iinei?
-
Faitau:O le a tatou tali i fesili nei i vaiaso taitasi i la tatou vaega.
Vaiaso 1
Vaiaso 2
Vaiaso 3
Vaiaso 4
Vaiaso 5
Vaiaso 6
O le a le ituaiga galuega o le a fesoasoani ia te au ina ia ola tutoatasi?
O le a se aoaoga o le a faaagavaaina a’u mo la’u galuega?
E faapefea ona ou totogiina la’u aoga?
E tatau ona ou talosaga mo se nonogatupe a le Tupe Faaagaga mo Aoga?
E faapefea ona faamanuiaina a’u i totonu o le potuaoga?
E faapefea ona faamanuiaina a’u i fafo atu o le potuaoga?
-
Talanoaina:Aisea e te manatu ai tatou te amata i lenei vaiaso i le filifiliina o le galuega tatou te mananao i ai ae tatou te lei filifili i le aoaoga tatou te mananao i ai?
-
Faitau:O le sini o le aoaoga o le maua o se galuega lelei. I le aluga o vaiaso muamua e ono o le a tatou aoao e uiga i le aoaoga. I vaiaso 7-12 o le a tatou aoao e uiga i le auala e maua ai se galuega lelei ma faamanuiaina ai:
Vaiaso 7
Vaiaso 8
Vaiaso 9
Vaiaso 10
Vaiaso 11
Vaiaso 12
E faapefea ona ou maua ni avanoa mo ni galuega sa’o?
E faapefea ona ou faailoa atu lou tagata ma le mana faatauanau?
E faapefea ona ou maua le maketi o galuega e le mailoa.
E faapefea ona ou tu matilatila atu o se filifiliga manino?
E faapefea ona ou faateleaiina la’u sailiga galuega?
E faapefea ona ou lelei i le galuega ma faaauau pea ona faamanuiaina?
-
Faitau:O le galulue faatasi, o le a tali ai nei fesili ma faamanuiaina!
O le a se mea e tatau ona ou ofoina atu?
-
Faitau:Sei o tatou vaai pe faapefea ona tatou galulue faatasi o se vaega.
-
Maimoa:“‘Alu ma Fai’ le Aoaoina” (Leai se vitio? Faitau le itulau 20.)
-
Talanoaina:O le a tatou fesoasoaniai le tasi i le isi e “alu ma fai.” O le a se mea taua i lena vitio? E faapefea e lenei auala o le aoaoina ona ese mai vasega masani i le aoga po o le lotu?
-
Faataitai:Vaevae i ni au laiti e taitolu tagata. Mei a outou nofoa e faafesagai le tasi i le isi, ma fai gaoioiga nei.
-
Faasilasila faapuupuu atu oe—lou igoa ma le aiga. Tau atu se mea na ausia. Mo se faataitaiga: “Sa ou maua se taui faaleauaunaga i le galuega,” po o le “sa ou auauna atu i se misiona,” po o le “sa ou tausia se fanau e toatolu.”
-
Ia, e tatau i le isi toalua ona faamatala vave atu ia te oe po o a ni tomai e manaomia e ausia ai lena mea. Afai sa e fai atu, “Sa ou auauna atu i se misiona,” e tatau ona fai mai isi, “O oe o se tagata lototoa, o se tagata faigaluega malosi, o se taitai ma se faiaoga, ma e lelei i le va ma tagata.”
-
Toe fai mo tagata taitasi.
-
Toe tuufaatasi ma le vaega atoa. Faasoa atu nisi mea na ausia e tagata o le vaega ma nisi o o latou tomai.
-
-
Faitau:O tomai ma taleni uma ua tatou maua o se vaega o le faleteuoloa o le Alii. Faitau le mau i le itu taumatau.
-
Talanoaina:E mafai faapefea e la tatou vaega ona galulue faatsi e fesoasoaniai le tasi i le isi?
-
Faataitai:Sei o tatou faia o se vaega la tatou galuega muamua. Sei o tatou faaaluina ni minute se lima ma filifili po o le a le igoa o le a valaau ai la tatou vaega.
Tusi igoa o vaega i lalo:
O le a se galuega i le lumanai e tatau ona ou filifilia?
-
Faitau:I le aluga o lenei vaiaso, o le a tatou filifili i le ituaiga o galuega e mafai ona tatou faia ina ia ola tutoatasi atili ai. Ona tatou toe foi mai lea ma lipoti mai.
O le fesili ma le faatinoga lenei o le vaiaso o le a taitaia la tatou talanoaga ma tautinoga?
-
Faitau:FESILI O LE VAIASO—O le a le ituaiga galuega o le a fesoasoani ia te au ia ola tutoatasi atili ai?
FAATINOGA O LE VAIASO—Sailiili i a’u filifiliga faalegaluega i le lumanai, aoao e uiga i galuega mai isi tagata, ma saunia se fuafuaga faalegaluega.
-
Faataitai:Tusi le aofai o le totogi e te manaomia i masina taitasi ina ia ola tutoatasi ai (mai le faavasegaga mo le ola tutoatasi i O Lo’u Auala):
Ou te manaomia le aofia i masina taitasi ina ia ola tutoatasi ai.
O le tamaitusi O Lo’u Auala e mafai ona fesoasoani ia te oe e faia nei filifiliga.
-
Faitau:Ia, o le a le ituaiga galuega tatou te mananao i ai i le lumanai o le a maua ai le aofai o lenei totogi?
-
Maimoa:“O Le Lisi O Mea e Fiafia i Ai a le TFA” (Leai se vitio? Faitau le itulau 21.)
-
Faataitai:E tatau i le tagata e faagaoioia ona tuu atu ia tofu tagata o le vaega ma se kopi o le Lisi o Galuega e Fiafia i Ai.
-
Liliu lou nofoa e faasaga i le isi tagata o le vaega. Vaavaai faatasi i le Lisi o Galuega e Fiafia i Ai lea na tuuina atu ia te oe e le tagata e faagaoioia.
-
Ia tali fesili nei:
-
O a galuega na pueina lou mafaufau? O i ai [ni galuega] na foliga mai e tutusa ma ou malosiaga po o poto masani?
-
O fea o galuega e lelei le totogi?
-
O fea [o galuega] e manaomia atili ai ni aoaoga?
-
E mafai faapefea e lenei lisi ona fesoasoani ia te oe?
-
-
-
Faitau:Matou te mauaina loa se tonu i galuega o le a fetaui ma o matou manaoga faaletotogi, ma e manaomia tele, e tatau ona matou aoao atili e uiga i filifiliga ma le faia o se filifiliga. O le a fesoasoani se “fuafuaga faalegaluega” tatou te filifili i se galuega i le lumanai po o se pisinisi.
-
Faitau:I le gasologa o le vaiaso, o le a tatou fatuina se fuafuaga faalegaluega (tagai itulau 24). O le a fesoasoani lenei faataitaiga ia tatou aoao ai i le auala e faia ai lena mea, i lea laasaga ma lea laasaga!
-
Faataitai:Faasaga lou nofoa i se isi tagata o le vaega ma faia faatasi le faataitaiga lenei.
Laasaga 1. Faitau ia faataitaiga e lua. Ona, tusi lea e na o le faataitai ai, o se galuega se tasi o loo e mafaufauina i le pusa o loo avanoa i lalo o le “O Lau Faataitaiga.” I le laina e sosoo ai, tusi igoa o tagata e mafai ona e fesili i ai e uiga i lena ituaiga o galuega.
O LA’U FUAFUAGA FAALEGALUEGA: O LE A SE GALUEGA E MAFAI ONA FESOASOANI IA TE AU INA IA OLA TUTOATASI AI?
Faataitaiga 1
Faataitaiga 2
O Lau Faataitaiga
Lisi ni ituaiga galuega se tolu o le a e mafaufauina.
Enisinia Taavale
Tagata e Faafoeina Tekinolosi Faafomai
O AI E SILAFIA SE MEA E UIGA I LENEI ITUAIGA GALUEGA?
Lisi ni tagata se toa 3-5 e talanoa i ai e uiga i galuega taitasi.
Miguel, uo enisinia taavale
Roberto, faatauina taavale
Carlos, tamaloa o lo’u aiga
Naomi, e galue i le falemai
Dorine, teine tausima’i pasi
Naomi, tomai i komepiuta
Laasaga 2. Faitau ia fesili ma faataitaiga nei. Faatumu ia pusa mo “Ou Faataitaiga”. Mo lenei faataitaiga, atonu e manaomia ona e mate.
O A FESILI O LE A OU TUUINA ATU I NEI TAGATA?
Faataitaiga 1 (Enisinia Taavale)
Faataitaiga 2 (Tagata e Faafoeina Tekinolosi Faafomai)
O Lau Faataitaiga
E fia se totogi e mafai ona ou faamoemoe i ai i masina taitasi pe a ou amata? E fia se totogi faalemasina e mafai ona ou faamoemoe i ai pe a atoa se tausaga o faigaluega?
Totogi amata: 3500
Pe a mavae le tausaga e tasi: 4500
Totogi amata: 4200
Pe a mavae le tausaga e tasi: 5000
E faapefea ona ou agavaa mo ituaiga o galuega taitasi?
Aoga faaenisinia taavale, 8 masina
1 tausaga o le poto masani
Iloa se tagata, maua fesootaiga
Aoga faafomai, 2.5 tausaga
1.5 tausaga le poto masani
Pasi le numera, vasega saienisi
O i ai ni aoga i le lotoifale?
Ioe
Ioe
O i ai se manaoga faatupulaia mo lenei ituaiga o galuega?
Tuai le tuputupu ae, feoloolo le manaomia
Televave le tuputupu ae, maualuga le manaomia
O le a le tau e amata ai?
6000 mo meafaigaluega
4000 mo suega faamaonia
Laasaga 3. Faitau faataitaiga ona aotele mai lea o au tali i le koluma lona tolu. Manatua, ua na o se faataitaiga le mea lenei. O le a tatou aoina mai nisi faamatalaga sa’o i le vaiaso lenei. A uma oe, toe foi i le vaega toatele.
O A FEA LE GALUEGA E FOLIGA MAI E SILI ONA MAUA AI SE TOTOGI MA TUTUSA MA O’U MALOSIAGA MA TOMAI?
Faataitaiga 1 (Enisinia Taavale)
Faataitaiga 2 (Tagata e Faafoeina Tekinolosi Faafomai)
O Lau Faataitaiga
O a ni mea ua ou aoaoina mai nei filifiliga? O fea e foliga e sili ona lelei mo a’u?
Le umi le aoga, laitiiti le tau, lava ma totoe le totogi e tausia ai manaoga, itiiti mea e manaomia.
Tele le taimi e faaagavaa ai, umi le aoga, taugata, lelei le totogi, tele mea e manaomia.
-
Faitau:A uma ona ao mai faamatalaga i lenei vaiaso o le a manaomia ona faia ni a tatou filifiliga. E mafai ona tatou tatalo ma faitau a tatou faamanuiaga faapeteriaka e fesoasoani ia i tatou. Manatua: (1) Tatou te amata ma le fia le totogi e manaomia e ola tutoatasi ai. (2) Ona tatou filifili lea o le galuega tatou te mananao i ai i le lumanai lea o le a maua ai lena totogi. (3) A mavae lena, e mafai ona tatou filifili i le aoga po o le aoaoga lea o le a faaagavaaina i tatou mo lena galuega.
E faapefea ona ou tuuina atu la’u fuafuaga faalegaluega?
-
Faitau:I le vaiaso e sosoo ai, o le a tatou faaleoina atu la tatou fuafuaga faalegaluega i le vaega. Ia tatou matamata la i lenei faataitaiga ona faatinoa loa lea.
-
Maimoa:“O La’u Fuafuaga Faalegaluega i le Tolu Minute” (Leai se vitio? Faitau itulau 22.)
-
Faataitai:Tu i luga ma faatasi atu ma se tasi e te lua lei faatinoina faatasi i le aso. Tuu atu le faataitaiga lenei o le fuafuaga faalegaluega (i itulau 7–9) e pei o oe e anaina. Mulimuli i faataitaiga i le vitio. Afai e te lei mauaina nisi o faamatalaga, faaoga ou lava mafaufauga.
-
Faaaoga se minute se tasi e faamatala ai au filifiliga faalegaluega ma po o ai na e fesili i ai e uiga i galuega.
-
Faaaoga se minute se tasi e faasoa mai tali i fesili na e fesiligia.
-
Faaaoga se minute se tasi e tau mai ai po o fea o vaega o faataitaiga faalegaluega nei e te filifiliina ma faamatala pe aisea.
-
Ona faaaoga lea o ni minute se lua e talosaga ai ni manatu faaalia mai se isi tagata. Fesili atu: E faapefea ona ou faaleleia atili la’u fuafuaga faalegaluega? E faapefea ona ou tuuina atu ma le anoa atili?
-
Fesuiai matafaioi ma tuu atu i le isi tagata e faia le faatinoga.
-
-
Talanoaina:Faatasi ai ma le vaega atoa, talanoa e uiga i le auala o le a e aoina ai faamatalaga i le faagasologa o le vaiaso ma le auala o le a tuuina atu ai au fuafuaga faalegaluega i le vaiaso e sosoo ai. Fai atu ni fesili ma faasoa atu ia manatu.
-
Faitau:I le faagasologa o le vaiaso, ao mai faamatalaga ma tuu i totonu o le fuafuaga faalegaluega i le itulau e sosoo ai. Talanoa i le toatele o tagata e mafai ona e talanoa i ai. Fai atu ni fesili se tele! Afai e te manaomia nisi avanoa e tusi ai, e mafai ona e faaaogaina se isi fuafuaga faalegaluega i le itulau 24.
O LA’U FUAFUAGA FAALEGALUEGA: O LE SE GALUEGA E MAFAI ONA FESOASOANI IA TE A’U IA OLA TUTOATASI?
Lisi mai ni ituaiga galuega se tolu o le a e mafaufau i ai.
O AI E SILAFIA SE MEA E UIGA I LENEI ITUAIGA O GALUEGA?
Lisi mai ni tagata se toa 3-5 e talanoa i ai e uiga i galuega taitasi.
O A FESILI O LE A OU FESILI AI I NEI TAGATA?
E fia se totogi ou te faamoemoe i ai i masina taitasi pe a ou amata? E fia se totogi faalemasina ou te faamoemoe i ai pe a atoa se tausaga o faigaluega?
E faapefea ona ou agavaa mo ituaiga o galuega taitasi?
O i ai ni aoga i le lotoifale?
E i ai se manaoga tuputupu ae mo lenei ituaiga o galuega?
O le a le tau e amata ai?
Isi fesili?
O FEA GALUEGA E FOLIGA MAI E SILI ONA MAUA AI SE TOTOGI MA E TUTUSA MA O’U MALOSIAGA MA TOMAI?
O a ni mea ua ou aoaoina mai nei filifiliga? O fea e foliga e sili ona lelei mo a’u?
E mafai faapefea ona ou pulea ma le atamai a’u tupe?
-
Faitau: O le ola tutoatasi e aofia ai le faaitiitia o le faaaoga nai lo mea ua tatou maua ma le i ai o ni tupe i teugatupe. O teugatupe e mafai ona fesoasoani ia i tatou e taulimaina ai ni pili oso faafuasei pe fesoasoani e tausia ai i tatou lava ma o tatou aiga pe afai e laitiiti atu o tatou totogi nai lo tatou faamoemoe. I le avea ai ma se tasi o lenei vaega, ua tatou tautino e teu tupe i vaiaso taitasi, pe tasi sene pe lua.
-
Talanoaina: I nisi eria, o se manatu lelei le sefe o tupe i totonu o le faletupe. I nisi eria, e le o se manatu lelei, e pei o se atunuu ua maualuga. O lelei tulaga e teu ai ni tupe i se faletupe i la outou eria? O fea faletupe e lelei ia pasene ma fesuiaiga of tupe mo teugatupe?
-
Faitau: O le isi vaega o le ola tutoatasi o le saoloto mai aitalafu patino. O nonogatupe patino e faaaoga e faaalu atili ai le tupe nai lo le mea e mafai ona tatou totogia. Na fautuaina i tatou e perofeta e aloese mai aitalafu patino, ma a o tatou ola tutoatasi atili o le a tatou faaitiitia ma aloese mai aitalafu patino (e ui o aitalafu tau pisinisi e ono atamai i nisi tulaga).
O faalavelave faafuasei tau ma’i e masani lava ona tutupu mai ai ni avega tautupe. O inisiua ma polokalama o le tausiga o le soifua faalemalo e mafai ona fesoasoani e puipuia mai nei avega. O le lesitala mo inisiua po o polokalama faafomai faalemalo e mafai ona avea ma se vaega taua o lo tatou auala i le ola tutoatasi.
-
Talanoaina: O nisi ituaiga o inisiua (e pei o inisiua tau le soifua maloloina ma inisiua o le ola) e sili ona avanoa ma sili na aoga nai lo isi ituaiga o inisiua. O nisi tagata fai inisiua e lelei o nisi e le faamaoni. O a vaega o inisiua e sili ona lelei i la outou eria?
Aisea e finagalo ai le Alii ia tatou ola tutoatasi?
-
Talanoaina: Aisea e finagalo ai le Alii ia tatou ola tutoatasi?
-
Faitau: Faitau le upusii i le itu taumatau.
-
Talanoaina:E mafai faapefea e a tatou taumafaiga ina ia maua se galuega ona avea ma se “faamoemoega paia,” e pei ona saunoa mai Elder Christofferson?
-
Faitau:Ua i ai i le Alii le mana e fesoasoani ia i tatou ina ia ola tutoatasi. Na Ia fetalai mai, “Aua faauta, o A’u o le Atua; ma o A’u o se Atua o vavega” (2 Nifae 27:23). A o tatou tuuto atu, pe faapaiaina, a tatou taumafaiga ina ia faamanuiaina i a tatou galuega i le faamoemoega paia o le ola tutoatasi, o le a taitaia i tatou e le Alii e ala atu i musumusuga. A o tatou faaali atu lo tatou faatuatua e ala i le faalogologo mo ma usiusitai i Ana uunaiga, o le a faatino e le Alii Ana vavega ma avea a tatou taumafaiga ma vaega sili nai lo le tatou faia mo i tatou lava.