Lipoti

aū faataamilo-lanumeamata

Pe na ou tausia ea a’u tautinoga?

Taimi:Seti le taimi i le 10 minute mo na o le itulau lenei (e le o le vaega atoa o le Lipoti).

Faataitai:Sei o tatou lipotia atu a tatou tautinoga. O i latou o e na tausia uma a latou tautinoga, faamolemole ia tutulai. (Patipati).

Faitau:Ia, tutu uma tagata uma. E tatau ona tatou taumafai e tausia uma a tatou tautinoga. O se tasi na o mausa autu o tagata ola tutoatasi. Sei o tatou toe fai faatasi mai a tatou faamatalaga autu.

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Faatasi ai ma le faatuatua i le Alii, ua tatou galulue faatasi ina ia ola tutoatasi.

Faitau:Tatou saofafai i lalo.

Talanoaina:O le a se mea sa e aoaoina a o e tausia au tautinoga i lenei vaiaso? E te manaomia soo se fesoasoani mai le vaega?

O le a se mea sa ou aoaoina i le sauniaina o la’u fuafuaga tau tupe?

Taimi:Seti le taimi i le 40 minute mo na o le itulau lenei.

itulau mo fuafuaga tau tupe

Faataitai:

Ua tatau nei ona faaaluina e tagata taitasi o vaega le itiiti ifo ma le tolu minute e tuuina mai ai lana fuafuaga tau tupe i le vaega.

A uma lau vaega, talosaga atu mo ni manatu faaalia. Tusi i lalo ia manatu faaalia sa e mauaina. Faaaoga le avanoa o i lalo e tusi ai ia faamatalaga.

Faapupuu mai ia manatu faaalia ina ia maua ai e tagata uma le avanoa e lipoti mai ai i totonu o le taimi faatapulaa.

Talanoaina:Na e maua ni manatu mai lipoti e fesoasoani ai i au faaiuga? Tusi ou manatu i lalo.