Mo Tagata e Faagaoioia

O le aso o le fonotaga:

Tesi pe valaau atu i tagata uma o le vaega. Valaaulia i latou ia taunuu vave mai i le 10 minute e lipoti mai a latou tautinoga.
Ia saunia anomea o le fonotaga. E leai ni tusi po o ni vitio? E mafai ona e mauaina mai le srs.lds.org.
Afai e te lei tuuina atu ia tofu tagata o le vaega ma se kopi o Lisi o Auaunaga o le Ola Tutoatasi e Fiafia I Ai i le vaiaso ua tuanai, ia saunia e tuuina atu ia i latou se kopi i le asō. Tapa ni lisi mai la outou nofoaga autu o le siteki mo le ola tutoatasi, mai se tagata faapitoa o le ola tutoatasi, pe i luga o le initoneti i le srs.lds.org/pef.

Seti nofoa faataamilo i se laulau ina ia vavalalata tagata uma.
Tusi le siata lenei o le tautinoaga i luga o le laupapa faatasi ai ma igoa o tagata i la outou vaega (tagai i le faataitaiga lenei).

Igoa o tagata o le vaega	Na talanoa i ni tagata e le itiiti ifo ma le toalima e uiga i la’u galuega (Tusi #)	Na saunia le tuuina atu o le fuafuaga faalegaluega (Ioe/Leai)	Faataitaia se mataupu faavae o le Faavae ma aoao atu i le aiga (Ioe/Leai)	Faaopoopo i teugatupe (Ioe/Leai)	Lipotia atu i le soa galue (Ioe/Leai)
Gloria	8	I	I	I	I

Faafeiloai atu ma le alofa ia tagata ao latou taunuu mai.
A o taunuu mai tagata o le vaega, fai atu ia i latou e faatumu le siata o le tautinoga o loo i luga o le laupapa.
Tofi se tagata e vaaia le taimi.

Faasoa atu ia kopi o faamatalaga a tagata o le vaega e faafesootai ai (mai le fonotaga mulimuli).
Talosaga atu i tagata e tape a latou telefoni ma isi masini.
Fai se tatalo amata (ma se pese, pe a manaomia).
Talosaga atu ma le filemu ia i latou o e na tuai ona taunuu e tape a latou telefoni ma faatumu le siata o le tautinoga ao faaauau pea ia talanoaga faalevaega.
Seti le taimi le 20 minute mo O Lo’u Faavae.
Faamaea le mataupu faavae 2 i le O Lo’u Faavae. Ona toe foi lea i le api galuega lenei ma faaauau ona faitau i le itulau e sosoo ai.