Punaoa

Totogiina o La’u Aoga

Filifili ni matafaioi ma faatino ia mea nei.

MEKALA: Oka. Na tele ni mea sa ou aoaoina i lenei vaiaso e uiga i aoga eseese.

CONSUELO: Pe ana e vaai la ia te ia. Sa ia faasasao atu lava ma talanoa i na tagata uma. Na le mafai ona ou mulimuli i ai.

ROBERT: Ua i ai sau filifiliga faaiu?

MEKALA: Leai, ae ua ou faaitiitia i le lua filifiliga.

CONSUELO: O a’u lea ua tolu ni filifiliga lelei lava.

KWAME: Lelei tele outou. Te manatu o a’u e leai se mea.

ROBERT: O le a le uiga o lau tala?”

KWAME: Oi, o lea e fai lava si ou le mautonu. Masalo o le fefe. E lei oo lava le aoga a se tagata o lo’u aiga e silia ma le vasega amata. Na ou talanoa i aoga eseese e lima ma na lofituina. Na foliga mai e faigata mea e manaomia faapea ma le totogiina—ou te le mauaina se na tupe tele.

ROBERT: E le o le lagona lena na e mauaina i le amataga o lau misiona?

KWAME: Ioe, a mafaufau i ai. O lena.

CONSUELO: Ae na matua faamanuiaina oe.

KWAME: Na fai si umi, ae na matua faamanuiaina a’u. Ma sa ou tuputupu ai.

MEKALA: E fai foi si nai ou fefe. E faigata mea tau tupe. Peitai sa ou talanoa i se tamaitai i la’u uarota lea sa na faia mea uma na te mafaia ma maua ai se nonogatupe e totogi ai le vaega o totoe. O se nonogatupe a le TFA. Masalo a faaauau pea ona tatou fesoasoani i le tasi ma le isi, o le a sologa lelei ia faamatalaga.

ROBERT: Ma e i ai se uso i la’u uarota na totogiina le tausaga muamua ma maua se sikolasipi mo le tausaga lona lua.

CONSUELO: O loo ma taumafai ma lo’u toalua e fuafua pe faapefea ona ma sefeina sina tupe itiiti, ma e i ai se alii o le matou aiga e mafai ona ia fesoasoani mai.

KWAME: Ia, e leai se alii mauoa i lo’u aiga. Peitai ua tele so matou aafiaga ma e le mafai ona taofi lou moemiti i ai. Atonu e sa’o oe, Mekala. O le a ou faamoeina mo ni nai vaiaso, pe afai lena tou te faamalosiau mai pea ia te au.

Toe foi i le itulau 45