Lipoti

āu faataamilo-lanuenaena

Pe na ou tausia o’u tautinoga?

Taimi:Seti le taimi i le 10 minute mo na o le itulau lenei (e le o le vaega o le Lipoti atoa).

Talanoaina:Faitau le upusii i le itu taumatau. E faapefea ona faatatau lenei mea i la tatou vaega?

“Pe a fuaina le faatinoga, ona faaleleia lea o le faatinoga. Pe a fuaina ma lipoti atu le faatinoga, o le a televave le faaleleia”

Thomas S. Monson, i le Conference Report, Oct. 1970, 107

Faataitai:Sei o tatou lipotia atu o tatou tautinoga. O i latou o e na tausia uma a latou tautinoga, faamolemole ia tutu i luga. (Patipati mo i latou o e na tausia uma a latou tautinoga.)

Faitau:Ia, tutu uma i luga tagata uma. E tatau ona tatou taumafai e tausia uma a tatou tautinoga. O se tasi na o mausa autu o tagata ola tutoatasi.

A o latou tutu ai pea, sei o tatou toe faia faatasi la tatou faamatalaga autu. O nei faamatalaga e faamanatu maia ia i tatou le faamoemoega o la tatou vaega?

“Ma o loʼu faamoemoe o le faia lea o mea mo laʼu au paia, aua o mea uma e a aʼu.”

Mataupu Faavae ma Feagaiga 104:15

Faatasi ai ma le faatuatua i le Alii, o loo tatou galulue faatasi ina ia ola tutoatasi.

Faitau:Sei o tatou saofafai.

Ia o le a tatou fefautuaai faatasi ma fesoasoani le tasi i le isi i a tatou fuafuaga mo aoaoga mo se galuega lelei. O se talanoaga sili ona taua lenei o lenei fonotaga!

Talanoaina:O le a se mea sa e aoaoina ao e tausia au tautinoga i lenei vaiaso? E te manaomia se fesoasoani mai le vaega?

O le a se mea sa ou aoaoina i le sauniaina o la’u fuafuaga faalegaluega?

Taimi:Seti le taimi i le 40 minute mo na o le itulau lenei.

Faitau:Sei o tatou matamata i le vitio lenei e faamanatu mai ia i tatou le auala e faia ai la tatou polokalama.

Maimoa:“My Work Plan in Three Minutes.” (Leai se vitio? Faitau le itulau 22.)

itulau o le fuafuaga o le galuega

Faataitai:

Ua tatau nei i sui o vaega taitasi ona faaaoga le itiiti ifo ma le tolu minute e faia ai lana fuafuaga o le galuega i le vaega.

A maea lau polokalama, fesili atu mo se manatu faaalia. Tusi i lalo manatu faaalia sa e mauaina. Faaaoga le avanoa o i lalo e faia ai ni tusitusiga.

Ia matua faapuupuu mai ia manatu faaalia ina ia maua e tagata uma se avanoa e lipoti mai ai i totonu o le taimi faatapulaaina.

Talanoaina:O a ni manatu sa e maua mai lipoti ina ia fesoasoani ia te oe i au filifiliga po o faaiuga? Tusi i lalo ou manatu.