Aoao

E faapefea ona ou sauniuni i fafo atu o le vasega?

Taimi:Seti le taimi i le 60 minute mo le vaega Aoaoina.

Faitau:O le vaiaso ua tea, na matou talanoaina ai pe faapefea ona aoao e ala i le faatuatua ma pe faapefea foi ona aoao e ala i le suesue i totonu o le potuaoga. O le vaiaso lenei, o le a tatou taulai atu i le auala tatou te sauniuni ai i fafo atu o le potuaoga.

Vaiaso 1	Vaiaso 2	Vaiaso 3	Vaiaso 4	Vaiaso 5	Vaiaso 6
O le a le ituaiga o galuega o le a fesoasoani ia te au ina ia ola tutoatasi?	O a aoaoga o le a faaagavaaina a’u mo la’u galuega?	E faapefea ona ou totogiina la’u aoga?	E tatau ona ou talosaga mo se nonogatupe o le Tupe Faaagaga mo Aoga?	E faapefea ona faamanuiaina a’u i totonu o le potuaoga?	E faapefea ona faamanuiaina a’u i fafo atu o le potuaoga?

Faitau:O lenei vaiaso, o le a tatou saili ai ni tali i le fesili lenei ma o le a tatou faia le faatinoga lenei:

Faitau:FESILI O LE VAIASO—E faapefea ona faamanuiaina au i fafo atu o le potuaoga?

FAATINOGA O LE VAIASO—Faamalosia a’u sauniuniga faaleagaga ma faaleleia o’u tomai ma mausa suesue, e aofia ai le galulue faatasi ma isi ma faamaeaina ia galuega atofaina.

E faapefea ona ou saunia faaleagaga?

Faitau:E tele se faamanuiaga mo i tatou a o tatou saili atu i aoaoga. E mafai ona tatou mulimuli i le Agaga Paia, o le silafia le moni o mea uma lava! E tusa lava pe tatou te pisi tele, e tatau lava ona tatou faaaluina se taimi i aso taitasi e saunia ai faaleagaga. Ona mafai lea ona fesoasoani mai le Agaga ia i tatou ia vave ona aoao ma faateleina ona manatua.

“Ua ta i ai i lenei lalolagi e saunia mo le faavavau, ina ia aoao le auala e aoaoina ai, ia aoao i mea e le tumau le taua ma e taua le tumau, ma ia fesoasoani i isi e aoaoina le poto ma le upumoni [tagai MF&F 97:1].”

David A. Bednar, “Learning to Love Learning,” Ensign, Feb. 2010, 27

Maimoa:“Spiritually Prepared” (E leai se vitio? Faitau le itulau 112.)

Talanoaina:E faapefea ona tatou agavaa mo le taitaiga a le Agaga? E faapefea ona fesoasoani le Agaga ia i tatou ia aoao?

Faitau:O nisi nei o ki i sauniuniga faaleagaga:

• Tatalo i le taeao ma le po: tatalo ao lei amataina pe ua faamaeaina a tatou suesuega; ole atu i le Tama Faalelagi e faamanuia o tatou mafaufau ma a tatou taumafaiga.

• Faitau tusitusiga paia i aso uma.

• Usiusitai i poloaiga; ia tausia i tatou lava ia mama ma lē pona.

• Auauna atu i isi; fesoasoani i isi e aoao faatasi ma i tatou.

Faataitai:O loo lisiina atu i siata o i lalo ni mataupu faavae lea o le a fesoasoani ia te oe e saunia ai faaleagaga ma faamanuiaina i au suesuega.

Mafaufau pe o a mai oe i eria nei. Tusi ni auala e faaleleia ai.

Ou te lagona le fesoasoani mai o le Agaga ia te a’u ma galue e ala mai ia te a’u.
Ua faateleina lo’u naunau e aoao, lo’u fiafia mo le aoaoina, ma o lo’u tomai e aoao ai ua faateleina.
Ou te usiusitai i poloaiga a le Atua ma ou te faaaogaina ia mataupu faavae o le aoaoina lelei.
Ou te suesue i aso uma; ou te fuafuaina lo’u taimi ma mulimuli i la’u fuafuaga; e vave ona ou faia ia galuega atofaina.
Ou te atinaeina ia uiga mama faaKeriso ma fesoasoani atu i isi ia faia foi faapea.

Talanoaina:O a tautinoga e mafai e i tatou taitoatasi ona faia e faaleleia ai a tatou sauniuniga faaleagaga? E faapefea ona tatou fesoasoani atu i le tasi ma le isi e tausia nei tautinoga?

E faapefea ona ou sauniuni i fafo atu o le potuaoga?

Faitau:O ki nei e fa ina ia faamanuiaina a o tatou sauniuni i fafo atu o le potuaoga. O le a tatou aoao e uiga i le tasi ma le isi.

Aoao i le suesue: sauniuni i fafo atu o le potuaoga

Fuafua mo le aoaoina lelei

Galulue ma aoao faatasi ma isi

Faitau ina ia malamalama ma manatua

Ia vave ona faatinoina ia galuega atofaina

E faapefea ona ou fuafua mo le aoaoina lelei?

Talanoaina:Aisea e taua ai le fuafua o le mea o le a e suesue ai ma po o afea? Aisea e taua ai le puleaiina ma le faaeteete o lou taimi?

Faataitai:Faatasi atu ma se isi tagata o le vaega: Fesoasoani i le tasi ma le isi e filifili po o afea ma po o fea foi o le a e suesue ai pe a oo i le taimi e amata ai lau aoga.

1. E mafai ona e sailia se nofoaga e suesue ai i aso taitasi e mama ma filemu? O fea o le a e suesue ai?

2. E mafai ona e fuafua e suesue i se taimi faapitoa i aso taitasi?

Aso Gafua Aso Lua Aso Lulu

Aso Tofi Aso Faraile Aso Toonai

Faataitai:Faatasi ai ma se isi tagata o le vaega, lisi mai soo se faafitauli e mafai ona taofia mai oe mai le suesue i aso taitasi. Filifili i le taimi nei pe faapefea ona e fofoina nei faafitauli.

O LE A SE MEA E MAFAI ONA TAOFIA MAI OE MAI LE SUESUE?	E FAAPEFEA ONA E FOFOINA LENEI MATAUPU?
O le pisapisao o tuaoi	Talosaga atu ma le agamalu ia i latou e taofi (le pisapisao) mai le 3-5 i le afiafi.

E faapefea ona ou sauniuni i fafo atu o le potuaoga?

Faitau:O nisi o tagata e sili ona lelei le aoao i se vaega. O latou vaega mo le ola tutoatasi o se faataitaiga sili?

Talanoaina:O le a le mea ua avea ai la tatou vaega mo le ola tutoatasi ma se nofoaga sili e aoao ai? E faapefea ona fesoasoani la tatou vaega ia te oe e faatino ma tali atu?

Faitau:Pe a tatou aoao i le aoga, e masani lava ona i ai ni a tatou uo aoga o siomiaina i tatou. O loo latou taumafai foi e aoao. Afai tatou te maua ni tagata sa’o, e mafai ona latou fesoasoani ia i tatou ma e mafai ona tatou fesoasoani ia i latou.

Talanoaina:Talanoa atu e uiga i ki nei i vaega o aoaoina lelei. Talanoa e uiga i se taimi sa tele se mea sa e mauaina mai se vaega suesue. Talanoa e uiga i se taimi sa le tele se mea sa e mauaina. O le a le eseesega?

• Saili ni tamaiti sili ona lelei e galulue faatasi—aemaise lava i latou o e ua matua tautino e pei o oe.

• Seti se taimi masani e suesue faatasi ai.

• Ina ia amata se vasega suesue taitasi, ia ioe i se sini patino.

• Faaiu ia vasega suesue taitasi i le faia o ni tautinoga—o le a se mea o le a tou taitasi ma faia ma o afea o le a outou faia ai?

• Ia fiafia faatasi ae ia taulai tumau atu.

• Ia saunia ma faia lau vaega. Fesoasoani atu i tagata o lau vaega e aoao. Aoao mea uma e te mafaia mai ia i latou.

Faataitai:E faapefea ona e faaaogaina ia vaega faalesuesuega e faatele ai le lelei o lou aoao? Tusi i lalo ni ou manatu ona faia lea.

E faapefea ona ou malamalama ma manatua mea sa ou faitauina?

Faitau:E foliga mai o le a tele ni mea tatou te faitauina i le aoga. E tele mea e mafai ona tatou faia e malamalama ma manatua ai mea sa tatou faitauina.

Talanoaina:Talanoa e uiga i laasaga nei lea o le a fesoasoani ia te oe e malamalama ai, manatua, ma faaaoga mea sa e faitauina.

1. Tatalo. Ole atu mo le Agaga ina ia fesoasoani ia te oe ia malamalama ma manatua.

2. Fai se otootoga. Tusi ia manatu autu sa e faitau i ai. Ona faaopoopo lea o ni manatu lagolago, mea moni, ma fuainumera. Toe iloilo ia faamatalaga nei i lena aso, i se vaiaso mulimuli ane, ma se masina mulimuli ane.

3. Afai e i ai sau api o le vasega, vase pe faasesega ia upu autu ma ni upu fou; tusi uiga i avanoa i autafa.

4. Tusi ni faamatalaga i avanoa i autafa; faaali mai ni fesootaiga ma ni faiga; faafesotai atu ia faamatalaga fou i mea ua uma ona e iloa.

5. Fai sau suega; saili ni auala ma faaaoga le faamatalaga lenei.

Faataitai:I le avea ma se vaega, tagai i le tusiga lenei. Na faapefea ona faaaoga e le tagata faitautusi ia manatu uma o i luga? Iloilo le otootoga suesue a le tagata faitautusi i le itulau e sosoo ai. O le a le mea ua e aoaoina e uiga ia faitauina ma le lelei?

O R E TOLU O FILIFILIGA

Peresitene Thomas S. Monson

Na ou mafaufau talu ai nei lava e uiga i filifiliga ma o latou taunuuga. …Ina ua ou mafaufau loloto i elemene eseese o le filifiliga, sa ou tuuina i ni faavasegaga se tolu: muamua, o le aia tatau o le filifiliga; lua, o le tiutetauave o le filifiliga; ma le lona tolu, o taunuuga o le filifiliga. …

Ou te ta’ua muamua le aia tatau o le filifiliga. Ou te matua faafetai lava i se Tama Faalelagi alofa mo Lana meaalofa o le faitalia, po o le aia tatau e filifili ai. …Ua tatou iloa sa i ai lo tatou faitalia a’o lei faia lenei lalolagi, ma sa taumafai Lusifelo e aveesea mai ia i tatou. …O i tatou o e na filifilia le fuafuaga a le Faaola, sa iloa o le a tatou ulu atu i se faigamalaga faigata ma le matautia, aua tatou te aofia ai i gaoioiga faalelalolagi, ma agasala tautevateva, ma motusia mai ai i tatou mai lo tatou Tama. Peitai, o le Ulumatua na Fanaua i Agaga, na Ia ofoina atu o Ia lava e avea ma taulaga e togiolaina agasala a tagata uma. … Po o le a lava le faatuaoia o o tatou tulaga, o le a i ai pea lava pea ia i tatou le aia tatau e filifili ai.

Tatalo: E foliga mai ou te manaomia lenei savali.

O le “faitalia” o le aia tatau e filifili ai.

E mafai e le Togiola ona toe faaleleia ia filifiliga leaga pe afai ou te salamo.

O R E TOLU O FILIFILIGA (FAAAUAUINA)

O le isi, faatasi ai ma le aia tatau e filifili ai, ua i ai le tiutetauave e filifili ai. …E le’i auina mai ia i tatou e lo tatou Tama Faalelagi i la tatou faigamalaga mo le faavavau, e aunoa ma le saunia o ni auala e mafai ai ona tatou maua mai ia te Ia le taitaiga mai le Atua e fesoasoani ai i lo tatou toe taliu saogalemu atu i le iuga o le olaga faitino. Ou te talanoa atu e uiga i le tatalo. Ou te talanoa atu foi e uiga, i le musumusuga mai lena leo malu, itiiti o i totonu o i tatou taitoatasi, o loo ou tautala atu foi e uiga i tusitusiga paia, na tusia e tautai na latou folau i manū i ogasami po o faigata o le olaga lea e tatau foi ona tatou laasia. … O faaiugae fuafua ai le taunuuga. …

O le mea mulimuli … ou te tautala atu e uiga i taunuuga o filifiliga. O a tatou filifiliga uma lava e i ai taunuuga. … O outou o se tupulaga tautupu. O le ola e faavavau i le malo o lo tatou Tama o la outou sini lea. O lena sini e le mafai ona ausia i se taumafaiga mamalu se tasi, ae o le taunuuga o le ola amiotonu i le olaga atoa, o se faaputuga o filifiliga poto, o le tumau faamaoni i le faamoemoega. …

Ia faatumuina i tatou i le lotofaafetai mo le aia tatau e filifili ai, talia le tiutetauave o filifiliga, ma ia mataala i taunuuga o filifiliga. …O loo tatou punouai i le galuega a le Alii o Iesu Keriso. O i tatou, ua faapei o aso anamua, ua tali atu i Lana valaau. Ua tatou i ai i Lana feau. Ensign po o le Liahona, Nov. 2010, 67-70

E tatau ona ou faalogo lelei atili pe a ou tatalo.

Sa ou aoaoina lenei mea i la’u misiona.

E faapefea ona fesootai lenei mea ma a’u sini?

SUESUE LE OTOOTOGA (I LE API TALAAGA MO SUESUEGA)

1. Aia tatau e filifili ai

   Ua tatou maua le faitalia; na tuu mai ia i tatou e le Alii se filifiliga

2. Tiutetauave e filifili ai

3. Taunuuga o a tatou filifiliga.

   Ausia ia sini i le faia o ni filifiliga lelei i le aluga o taimi

4. Taunuuga o a tatou filifiliga.

   Ausia ia sini i le faia o ni filifiliga lelei i le aluga o taimi

Faataitai:I la oe lava taimi, susue i le itulau 113 ma faitau i le “Saili le Aoaoina e ala i le Faatuatua.” Galue malosi ina ia malamalama ma manatua. Fai uma laasaga e lima o loo i le itulau 104.

E aunoa ma le toe susueina o le tusiga, fai le suega lenei e uiga i mea sa e faitauina. Na e faitau ina ia malamalama ma manatua?

1. O le a le mea e tatau ona tatou faia e saili ai le aoaoina e ala i le faatuatua?

2. Aisea e taua ai le tatou sailia taitasi o le aoaoina e ala i le faatuatua?

3. Na faapefea ona faaalia e Iosefa Samita lona manao e aoao e ala i le faatuatua?

Talanoaina:E faapefea ona e faaaogaina ia laasaga suesue nei e lima e fesoasoani ia te oe ina ia manatua lelei ia faamatalaga?

E faapefea ona ou faamaeaina ia galuega atofaina?

Faitau:E faapefea ona tatou malamalama ma faamaea ia galuega atofaina i le taimi tonu? E faapefea ona tatou faia le mea sili tatou te mafaia? O fesili nei o loo fetaiai ma tamaiti taitasi.

Talanoaina:O le a se mea na e faia ina ia malamalama ai i galuega na atofaina atu? O le a se mea na fesoasoani ia te oe e faamaea lelei ai galuega na atofaina atu ma aumai ai i le taimi sa’o?

Faitau:E fesoasoani le manatuaina o se amataga lelei e masani lava ona taitai atu ai i se faaiuga lelei. Pe a tatou mauaina se galuega na atofaina atu, e lelei lava le fuafua ma vave amata!

Faataitai:Siaki oe ma lenei gaoioiga. Tuu se faailoga “X” i se tasi o pusa e fa i laina taitasi e faaali atu ai pe o faapefea mai oe i nei eria. Toe fai e tai vava vaiaso ina ia faaleleia ai.

Na ou fesili seia oo ina ou malamalama atoa i le galuega na atofaina mai.	Lei faia lava	O nisi taimi	Tele o taimi	Taimi uma
Pe a ou maua se galuega atofaina po o se galuega faatino, ou te tuuina le aso e faagata ai i luga o le kalena ma ou fuafuaina ia laasaga e faamaea ai.	Lei faia lava	O nisi taimi	Tele o taimi	Taimi uma
Ou te faamautinoaina ua ou iloa le auala o le a togiina ai a’u, ma ou te aoao ma faia mea uma ina ia faamanuiaina ai.	Lei faia lava	O nisi taimi	Tele o taimi	Taimi uma
Ou te galue agai i le faamaeaina o a’u galuega atofaina e aunoa ma le tuai. Ou te le faatuai.	Lei faia lava	O nisi taimi	Tele o taimi	Taimi uma
Afai e mafai, ou te faasoaina atu lo’u alualu i luma i le faiaoga ma maua mai ai se fesoasoani pe a tatau aia o leioo i le taimi e faagataina ai galuega atofaina.	Lei faia lava	O nisi taimi	Tele o taimi	Taimi uma

Tautinoga ma maelega

Faitau:Pe o tatou tautino atu e aoao “e ala lea i le suesue ma le faatuatua foi” (MF&F 88:118)? Pe ua tatou tautino atu ia taumafai pea ma aua nei faavaivai?

Pe ua tatou talitonu o le Agaga Paia e mafai ona faalauaiteleina i tatou pe afai tatou te agavaa? Pe o tatou aoao ina ia mafai ai ona tatou o atu ma auauna atu?

Talanoaina:E faapefea ona tatou fesoasoani i le tasi ma le isi ina ia faamanuiaina?

Faataitai:I le fale, siaki au sauniuniga ina ia faamanuiaina i le itulau 114.

Pe ua ou ola tutoatasi atili ea?

Taimi:Seti le taimi i le 15 minute mo na o le itulau lenei.

Faitau:O la tatou sini o le ola tutoatasi, i le faaletino ma le faaleagaga. O le mauaina o se aoaoga ma se galuega ua na o se vaega o lena sini. O le faateleina o lo tatou faatuatua ma le tuputupu ae faaleagaga o le isi na vaega.

Talanoaina:Pe ua sili atu lou ola tutoatasi a o e faataitaia ma aoao atu ia mataupu faavae O Lo’u Faavae?

Faataitai:O le a le tulaga o i ai le ola tutoatasi mo oe ma lou aiga i lenei vaitaimi? Tatala lau tamaitusi O Lo’u Auala mo le Ola Tutoatasi i se Faavasegaga mo le Ola Tutoatasi e le o i ai ni mea o tusia ai. Fai laasaga nei. Faaaoga ni minute se tolu e mafaufau loloto ai i mea nei:

Pe ua e nofouta atili i le taimi nei i au tupe faaalu? E mafai ona e tali mai i le taimi nei i le “e faatele” po o le “i taimi uma” i le tele o na fesili? Pe ua e mauaina atili le toafimalie i le aofaiga na e setiina e avea ma ou totogi mo le ola tutoatasi? Pe ua e tau lalata atu i le ausiaina o lou totogi mo le ola tutoatasi?

Faitau:O la tatou sini o le ola tutoatasi, i le faaletino ma le faaleagaga. O le mauaina o se aoaoga ua na o se vaega o lena sini. E amata foi ona tatou ola tutoatasi e ala i le ola ai i mataupu faavae O Lo’u Faavae ma i le mauaina o se galuega lelei.

Mo isi fonotaga e ono ia e sosoo ai, o le a faaauau pea ona tatou faataitaia ia mataupu faavae o loo i le O Lo’u Faavae. O le a tatou faamaeaina ia mataupu faavae o totoe ma faauma le galuega faatino mulimuli.

O le a tatou faataitai i le mauaina o se galuega lelei i le faaaogaina o le api galuega o le O La’u Sailiga Galuega.