Օժանդակ նյութեր
Իմ կրթության համար վճարումը
Նշանակեք դերեր և բեմականացրեք հետևյալ սցենարը.
ՄԻՔԱԼԱ. Ջա՜ն: Այս շաբաթ մի քանի հաստատությունների մասին շատ բաներ եմ իմացել:
ՔՈՆՍՈՒԵԼՈ. Պետք է իրեն տեսնեիք: Նա անմիջապես գնաց ու խոսեց բոլոր այդ մարդկանց հետ: Ես չէի հասցնում նրա ետևից:
ՌՈԲԵՐՏ. Դու վերջնական ընտրություն կատարե՞լ ես:
ՄԻՔԱԼԱ. Դեռ ոչ, բայց ցուցակս հասցրել եմ երկուսի:
ՔՈՆՍՈՒԵԼՈ. Իսկ ես կանգնել եմ երեք լավ տարբերակի վրա:
ՔՈՒԱՄԻ. Լավ գործ եք անում, երեխեք: Իմ կարծիքով ես առաջ չեմ գնում:
ՌՈԲԵՐՏ. Ի՞նչ ի նկատի ունես:
ՔՈՒԱՄԻ. Ցավո՜ք, ես դեռ շփոթված եմ: Կամ գուցե պարզապես վախենում եմ: Մեր ընտանիքում ոչ ոք դպրոցից բացի ուրիշ կրթություն չի ստացել: Ես խոսել եմ հինգ տարբեր հաստատությունների հետ և դա ճնշող էր: Պահանջները շատ խճճված են թվում, իսկ ծախսերը՝ ես երբեք այդքան գումար չեմ գտնի:
ՌՈԲԵՐՏ. Իսկ միսիայի սկզբում նման զգացմունքներ չե՞ս ունեցել:
ՔՈՒԱՄԻ. Դե՜հ, այո, այդ մասին չէի մտածել: Ունեցել եմ:
ՔՈՆՍՈՒԵԼՈ. Բայց դու հաջողակ միսիոներ ես եղել:
ՔՈՒԱՄԻ. Ժամանակ պահանջվեց, բայց, ես շատ օրհնվեցի: Եվ ես աճեցի հաջողության համար:
ՄԻՔԱԼԱ. Ես էլ եմ մի փոքր վախեցած: Ֆինանսականը անհնարին է թվում: Բայց ես խոսեցի իմ ծխի մի քրոջ հետ, ով ամեն ինչ արել էր, ինչ կարող էր, իսկ հետո վարկ էր վերցրել ու վճարել էր մնացած մասը: Նա օգտվել էր ԿՄՀ վարկից: Գուցե, եթե միմյանց օգնենք, ապա մանրամասները կլուծվեն:
ՌՈԲԵՐՏ. Իսկ իմ ծխում մի եղբայր կա, որ վճարել էր առաջին տարվա համար, իսկ երկրորդ տարին, լավ սովորելով, անվճար բաժին էր անցել:
ՔՈՆՍՈՒԵԼՈ. Ամուսինս և ես մտածում ենք, թե ուրիշ ինչի վրա կարող ենք մի քիչ տնտեսել, և ես քեռի ունեմ, որ հնարավոր է օգնի ինձ:
ՔՈՒԱՄԻ. Ավա՜ղ, ես հարուստ քեռի չունեմ: Բայց մենք այսքան քայլ ենք արել, և ես չեմ դադարի երազել: Պետք է որ դու ճիշտ լինես, Միքալա: Ես կաշխատեմ ևս մի երկու շաբաթ, եթե դուք շարունակեք ինձ քաջալերել:
Վերադարձեք 45-րդ էջը