Սովորեք

Անհրաժե՞շտ է, որ ես վարկ վերցնեմ Կրթության մշտական հիմնադրամից:

Ժամանակ.Սովորել բաժնի համար սահմանեք 30 րոպե ժամանակ

Կարդացեք.Մենք մտածել ենք մեր կրթության համար վճարելու ուղիների մասին: Տարբերակներից մեկը Կրթության մշտական հիմնադրամի (ԿՄՀ) վարկի համար դիմելն է:

Շաբաթ 1	Շաբաթ 2	Շաբաթ 3	Շաբաթ 4	Շաբաթ 5	Շաբաթ 6
Ի՞նչ կարգի աշխատանքը կօգնի ինձ ինքնապահով դառնալ:	Ի՞նչ կրթություն կորակավորի ինձ իմ աշխատանքի համար:	Ինչպե՞ս եմ ես վճարելու իմ կրթության համար:	Անհրաժե՞շտ է, որ ես վարկ վերցնեմ Կրթության մշտական հիմնադրամից:	Ինչպե՞ս հաջողակ ուսանող լինեմ դասարանում:	Ինչպե՞ս հաջողակ ուսանող լինեմ դասարանից դուրս:

Կարդացեք.Այս շաբաթ մենք կգտնենք հետևյալ հարցի պատասխանները և կկատարենք հետևյալ գործողությունը.

Կարդացեք.ՇԱԲԱԹՎԱ ՀԱՐՑԸ – Անհրաժե՞շտ է, որ ես վարկ վերցնեմ Կրթության մշտական հիմնադրամից:

ՇԱԲԱԹՎԱ ԳՈՐԾՈՂՈՒԹՅՈՒՆԸ – Որոշել իմ ընտանիքի օգնությամբ, թե արդյոք ես դիմելու եմ ԿՄՀ վարկի համար, թե ոչ: Եթե ԿՄՀ վարկը ճիշտ որոշում է ինձ համար, ես կլրացնեմ վարկի դիմումը:

Ի՞նչ է Կրթության մշտական հիմնադրամի վարկը:

Դիտեք.«Ի՞նչ է ԿՄՀ վարկը» (Եթե տեսանյութը մատչելի չէ, կարդացեք սցենարը 68 էջում):

Քննարկեք.

Ի՞նչ մտքեր կամ զգացումներ ունեցաք տեսանյութի բովանդակությունից:

Կիրառեք․Կազմեք երկու կամ երեք հոգուց բաղկացած թիմեր: Հերթով կարդացեք Գորդոն Բ. Հինքլիի կատարած հետևյալ հայտարարությունները նրանց մասին, ովքեր ԿՄՀ վարկ են ստանում:

«[Նրանք] պահանջարկ ունեցող հմտություններ կսովորեն: … Աշխատանքի լավ հմտությունների շնորհիվ երիտասարդ այս տղաներն ու աղջիկները… կհաղթահարեն աղքատությունը: … Կրթությունը հնարավորությունների բանալին է» («The Perpetual Education Fund», Ensign, May 2001, 52–53):

«Նրանք կամուսնանան և կյանքում առաջ կգնան, ունենալով ունակություններ, որոնք թույլ կտան լավ վաստակել և իրենց տեղը զբաղեցնել հասարակության մեջ, որտեղ նրանք կկարողանան էական ներդրում կատարել» («The Church Goes Forward», Ensign, May 2002, 6–7):

«Նրանք այս աշխատանքի ղեկավարներ կդառնան իրենց հայրենի երկրում: Նրանք տասանորդ և նվիրատվություններ կվճարեն, որը հնարավոր կդարձնի, որ այս աշխատանքը տարածվի աշխարհով մեկ» («Reaching Down to Lift Another», Ensign, Nov. 2001, 53–54):

«Նրանք կվերադարձնեն գումարը և երբ նրանք այդ անեն, նրանք ազատության հրաշալի զգացում կվայելեն, որովհետև բարելավել են իրենց կյանքը: … Անկախության ոգով նրանք կարող են իրենց գլուխը բարձր պահել» («The Perpetual Education Fund», Ensign, May 2001, 53):

Քննարկեք.Նշված խոստումներից որո՞նք են կարևոր ձեզ համար: Ինչպե՞ս կփոխվեր կյանքը ձեր և ձեր ընտանիքի համար, եթե այս խոստումները իրականանային:

Ո՞վ կարող է ԿՄՀ վարկ ստանալ:

Կարդացեք.Նախկինում ԿՄՀ վարկերը հասանելի էին միայն 18–30 տարեկան վերադարձած միսիոներների համար: Այժմ դրանք հասանելի են 18-ից բարձր Եկեղեցու բոլոր անդամներին: Եկեք ծանոթանանք պահանջներին: (Անսովոր կարիքների դեպքում քահանայության ղեկավարները կարող են հաստատել բացառություններ հիմնական պահանջներից):

Կիրառեք․Ձեր աթոռը շրջեք դեպի խմբի մեկ այլ անդամը: Միասին կարդացեք ներքևի վանդակի ձախ կողմի պահանջները: Ապա գծով միացրեք աջ կողմում գրված խոսքերին, որոնք լրացնում են նախադասության միտքը: Մեկ օրինակ ցուցադրված է:

ՊԱՀԱՆՋՆԵՐ ԿՄՀ ՎԱՐԿԻ ԾՐԱԳՐԻ ՄԱՍՆԱԿՑԻ ՀԱՄԱՐ
Եկեղեցու ակտիվ անդամ, ով ծառայում է եկեղեցական :	ինստիտուտ
Քահանայության ղեկավարների կողմից երաշխավորվել է որպես արժանավոր, ֆինանսական օժանդակության կարիք ունեցող և իր նպատակներին հասնելու համար նվիրված անդամ:	18 և ավելի բարձր տարիքի
Տարիքը :	կոչում
Սովորում է ուսումնական ծրագրում կամ հաստատությունում, որը :	Կրթություն հանուն ավելի լավ աշխատանքի
Նախապատրաստված է մասնակցելով խմբում և ավարտել է ԿՄՀ վարկային ծրագիրը:	տաճար
Բնակվում է, աշխատում և կրթություն է ստանում այն տարածքում, որտեղ :	նախընտրելի ուսումնական հաստատությունների և ծրագրերի ցանկում է:
Պատասխանատու և ազնիվ է ինքնապահովման հարցում, :	խորհրդատուի հետ
Համագործակցում է , ով մասնակիցներին օգնում է հաջողության հասնել ուսման մեջ, աշխատանքում և վարկը վճարելիս:	ԿՄՀ վարկերը հաստատված են
Հաճախում է , եթե երիտասարդ ամուրի է:	որ ամբողջովին ետ վճարի վարկը

Պահանջները հասկանալու համար կարդացեք 69 էջը:

Ինչպե՞ս է գործում ԿՄՀ վարկը:

Նշում դասվարի համար. Մասնակիցներին տվեք ԿՄՀ ուղեցույցների տեղական գրքույկը, որ նախատեսված է ձեր տարածքի համար:

Քննարկեք.Համառոտ կարդացեք ԿՄՀ տեղական գրքույկը, որտեղ ԿՄՀ վարկի վերաբերյալ ուղեցույցներ կան ձեր տարածքի համար: Ի՞նչ եք սովորում:

Կարդացեք.Երբ մեզ լավ ենք դրսևորում, հնարավոր է զեղջերի հնարավորություն ունենանք վարկի մարման համար: Վարկի վճարման ենթակա ընդհանուր գումարը կարող է նվազել, եթե մենք (1) լավ գնահատականներ ունենք, (2) ավարտում ենք ուսումը, (3) իրականացնում ենք աշխատանքի մեր նպատակները և (4) վարկի վճարումները ժամանակին ենք կատարում: Երբ կատարում ենք այս քայլերը, մենք հաշվենիշ ենք վաստակում արդյունավետ աշխատանքի համար և մեր պարտքի գումարը նվազում է:

ԿՄՀ վարկերի վերաբերյալ լրացուցիչ տեղեկության համար՝ տես 70 էջը: Տանը ևս մեկ անգամ մանրակրկիտ կարդացեք այս տեղեկությունը: Հարցերի դեպքում դուք կարող եք կապ հաստատել նաև ձեր ինքնապահովման կենտրոնի հետ:

Քննարկեք.Դուք ունե՞ք այլ պատասխաններ, որին խումբը կարող է պատասխանել:

Ինչպե՞ս կարող եմ դիմել:

Կարդացեք.ԿՄՀ վարկի համար դիմելու քայլերը հետևյալն են. Միացեք մի գործընկերոջ հետ և տեղեկացեք, թե ինչ պետք է անեք յուրաքանչյուր քայլի համար: Բացեք թվարկված քայլերի յուրաքանչյուր էջը և հերթով կարդացեք (բայց մի լրացրեք այդ էջերի տեղեկությունները): Այնուհետև վերադարձեք այս էջը և ստուգման նշան դրեք տվյալ քայլի վանդակում:

1. Ընտրեք մի աշխատանք, ուսումնական ծրագիր կամ հաստատություն ԻԾ նախընտրությունների ցանկից (տես 11, 14, 33, 34 էջերը):

2. Լրացրեք կրթության ֆինանսական ծրագիր (տես 50 էջը):

3. Ընտրեք ԿՄՀ վարկային խորհրդատու (տես 71–72 էջերը):

4. Լրացրեք ԿՄՀ վարկային ծրագրի թերթիկը (տես 73–74 էջերը):

5. Ստացեք քահանայության ղեկավարի երաշխավորությունը (տես 73–74 էջերը):

6. Լրացրեք ԿՄՀ վարկային դիմումի առցանց օրինակը հետևյալ կայքում. srs.lds.org/pef (տես 77 էջը):

Քննարկեք.Դուք ունե՞ք տեղեկություն բոլոր քայլերը լրացնելու համար: Եթե ոչ, ապա ինչպես կարող եք ձեռք բերել այն:

Ի՞նչ է տեղի ունենում դիմումը լրացնելուց հետո:

Կարդացեք.Ահա թե ինչ է տեղի ունենում դիմումը լրացնելուց հետո:

¹Դուք լրացնում եք դիմումը

²ԿՄՀ անձնակազմը և ղեկավարները ստուգում են դիմումը

³Եթե վարկը հաստատվում է, դուք ստանում եք վարկի համաձայնագիրը ԿՄՀ կայքում

⁴ԿՄՀ մասնագետը հեռախոսով հարցազրույց է անցկացնում ձեզ հետ և ձեր խորհրդատուի հետ

⁵Դուք գրանցվում եք ուսումնական հաստատությունում և հաստատությանը վճարելու հայց եք ներկայացնում

Քննարկեք.Լրացուցիչ հարցեր կա՞ն: Եթե դուք չգիտեք պատասխանները, ապա այցելեք մոտակա ինքնապահովման կենտրոն:

Հանդիպումից հետո, եթե ձեր դասվարը համացանցի կապ ունի, նա կարող է բացել ԿՄՀ վարկային դիմումի կայքը և ցույց տալ՝ ինչպես օգտագործել այն:

Ինչպե՞ս եմ կատարում վարկի մարման վճարները:

Կարդացեք.ԿՄՀ վարկը դրամաշնորհ չէ և մեզանից պահանջվում է այն ետ վճարել: Մենք ետ վճարելու պարտավորություն ենք ստանձնում: Մենք ստանձնում ենք այդ պարտավորվածությունը քահանայության մեր ղեկավարի հետ ԿՄՀ վարկային երաշխավորության հարցազրույցի ժամանակ և վարկի դիմումը առցանց լրացնելիս:

ԿՄՀ վարկային մարումները հնարավորություն են տալիս, որ ուրիշները ևս ԿՄՀ վարկ ստանան ապագայում, այդ թվում ձեր ցցի կամ շրջանի մյուս անդամները: Եթե մենք չվճարենք, ապա ԿՄՀ վարկի գումարները ապագայի համար կքչանան:

Կարդացեք աջ լուսանցքի մեջբերումը:

«Շահառուները կվերադարձնեն գումարը և երբ նրանք այդ անեն, նրանք ազատության հրաշալի զգացում կվայելեն, որովհետև բարելավել են իրենց կյանքը ոչ թե դրամաշնորհի կամ դրամական նվերի շնորհիվ, այլ պարտք վերցնելու և վերադարձնելու միջոցով: Անկախության ոգով նրանք կարող են իրենց գլուխը բարձր պահել: Իրենց կյանքի ընթացքում հավատարիմ ու ակտիվ մնալու հավանականությունը շատ բարձր կլինի»:

Gordon B. Hinckley, «The Perpetual Education Fund», Ensign, May 2001, 53

Քննարկեք.Ինչո՞ւ է կարևոր ԿՄՀ վարկը վերադարձնել: Մտածեք հետևյալ պատճառների մասին.

• Պատվենք պարտավորությունները և բարձրացնենք ուխտերը պահելու կարողությունը:

• Հնարավորություն ապահովել, որ ուրիշները ևս վարկ ստանան:

• Ստանաք ձեզ և ձեր ընտանիքին խոստացված օրհնությունները:

• Մեծացնեք Հիսուս Քրիստոսի հանդեպ ձեր հավատքը և դառնաք ինքնապահով:

Կարդացեք.Որպեսզի համոզվենք, որ մենք գիտենք, թե ինչպես կարելի է կատարել վարկային մարումները, մենք պետք է կատարենք մեր առաջին վարկային վճարումը նախքան մեր ուսումնական հաստատության գումար ստանալը:

Նշում դասվարի համար. Բաժանեք վճարման մասին տեղեկությունները ձեր երկրի համար:

Միասին, համառոտ վերանայեք ձեր երկրի համար նախատեսված վճարման հրահանգները:

Ի՞նչ է հարկավոր ԿՄՀ վարկի հարցում հաջողության հասնելու համար:

Դիտեք.«Ես երկու ձեռք ունեմ աշխատելու համար» (Եթե տեսանյութը մատչելի չէ, կարդացեք սցենարը 78 էջում):

Քննարկեք.Մեկ խոսքով նկարագրեք, թե ինչ զգացիք տեսանյութի բովանդակությունից: Կիսվեք ձեր խոսքով:

Ձեր ունեցած ներկայիս գիտելիքներով դուք ընտրո՞ւմ եք դիմել ԿՄՀ վարկի համար: Ի՞նչ կարող եք անել շաբաթվա ընթացքում, որպեսզի լավ որոշում կայացնեք այս տարբերակի վերաբերյալ:

Կարդացեք.Երբ առաջ ենք գնում, մենք միայնակ չենք: Եկեք հիշենք. «Ամեն բան կարող եմ ինձ զորացնող Քրիստոսով» (Փիլիպպեցիս 4.13):