Դասվարների համար

Հանդիպման օրը.

• Հաղորդագրություն ուղարկեք կամ զանգահարեք խմբի անդամներին: Հրավիրեք նրանց ժամանել 10 րոպե առաջ՝ զեկուցելու իրենց պարտավորությունները կատարելու վերաբերյալ:

• Նախապատրաստեք հանդիպման նյութերը:

• Ցցի ձեր ինքնապահովման կենտրոնից վերցրեք ԿՄՀ տեղական գրքույկի մեկական օրինակ խմբի յուրաքանչյուր անդամի համար: Բերեք դրանք այսօրվա հանդիպմանը:

• Բերեք ԿՄՀ վարկի մարման վերաբերյալ հրահանգները ձեր երկրի համար (դրանք հասանելի են ցցի ինքնապահովման ձեր կենտրոնում կամ առցանց՝ srs.lds.org/pef): Մեկական օրինակ պատրաստեք խմբի յուրաքանչյուր անդամի համար:

Հանդիպումից 30 րոպե առաջ.

• Աթոռները դասավորեք սեղանի շուրջ, որպեսզի բոլորը մոտ լինեն միմյանց:

• Գրատախտակին գծեք պարտավորությունների հետևյալ գծապատկերը:

  Խմբի անդամի անունը	Աշխատել եմ ընտանիքի հետ, որպեսզի գրանցեմ իմ եկամուտն ու ծախսերը (այո/ոչ)	Գրանցել եմ կրթության ծախսերը. ուսումնասիրել եմ ֆինանսական աղբյուրները (այո/ոչ)	Պատրաստ եմ ներկայացնելու իմ ֆինանսական ծրագիրը (այո/ոչ)	Կիրառել եմ Հիմքը ձեռնարկի սկզբունքները և ուսուցանել եմ իմ ընտանիքի անդամներին (այո/ոչ)	Գումար եմ ավելացրել իմ խնայողություններին (այո/ոչ)	Զեկուցել եմ աշխատանքային ընկերոջս (այո/ոչ)
  Գլորիա	Ա	Ա	Ա	Ա	Ա	Ա

Հանդիպումից 10 րոպե առաջ.

• Ջերմորեն ողջունեք մարդկանց, երբ ժամանում են:

• Խմբի անդամները ժամանելիս խնդրեք նրանց լրացնել պարտավորությունների աղյուսակը գրատախտակին:

• Խմբից մեկին նշանակեք հետևել ժամանակին:

Դասի սկզբին.

• Խնդրեք բոլորին անջատել իրենց հեռախոսները և այլ սարքերը:

• Սկսեք բացման աղոթքով (և օրհներգով, եթե ցանկանում եք):

• Ուշացողներին հանգիստ խնդրեք անջատել իրենց հեռախոսները եւ լրացնել պարտավորության աղյուսակը, մինչ խումբը շարունակում է քննարկումը:

• Իմ հիմքը գրքույկի սկզբունքի համար սահմանեք 20 րոպե ժամանակ:

• Ավարտեք 4-րդ սկզբունքը Իմ հիմքը գրքույկի: Ապա վերադարձեք այս աշխատանքային ձեռնարկին և շարունակեք կարդալ հաջորդ էջը: