Դասվարների համար
Հանդիպման օրը.
-
Հաղորդագրություն ուղարկեք կամ զանգահարեք խմբի անդամներին, եթե ունեք նրանց կոնտակտային տվյալները: Հարցրեք, թե արդյոք նրանք պատրաստվում են գալ հանդիպման: Հրավիրեք նրանց ժամանել 10 րոպե առաջ՝ հաճախումների գրանցում կատարելու համար:
-
Նախապատրաստեք հանդիպման նյութերը.
-
Խմբի յուրաքանչյուր անդամի համար բերեք այս աշխատանքային ձեռնարկի, ինչպեսև Իմ հիմքը. սկզբունքներ, հմտություններ, սովորություններ գրքույկի մեկական օրինակ:
-
Նախապատրաստեք տեսաֆիլմեր ցուցադրելու, եթե հնարավոր է:
-
Չունե՞ք գրքերը կամ տեսանյութերը: Դուք կարող եք դրանք ձեռք բերել առցանց՝ srs.lds.org կայքից:
-
Բերեք Ինքնապահովման ծառայությունների նախընտրելի ցանկերը. (1) Նախընտրելի աշխատանքների ցանկը և (2) Նախընտրելի հաստատությունների ու ծրագրերի ցանկը: Վերցրեք ցանկը ձեր ցցի ինքնապահովման կենտրոնում՝ ինքնապահովման մասնագետից կամ կայքից srs.lds.org/pef:
-
Հանդիպումից 30 րոպե առաջ.
-
Աթոռները դասավորեք սեղանի շուրջ, որպեսզի բոլորը մոտ լինեն միմյանց:
-
Դասվարը չի կանգնում հանդիպման ընթացքում եւ չի նստում սեղանի գլխին: Դասվարը չպետք է լինի ուշադրության կենտրոնում, այլ պետք է օգնի, որ խմբի անդամները կենտրոնանան միմյանց վրա:
-
Հանդիպումից 10 րոպե առաջ.
-
Ջերմորեն ողջունեք մարդկանց, երբ ժամանում են: Սովորեք ուսանողների անունները:
-
Խմբի անդամներին մի թուղթ փոխանցեք և խնդրեք գրել իրենց անուն ազգանունը, ծուխը կամ ճյուղը և ծննդյան ամսաթիվը (օրը և ամիսը. տարեթիվը պետք չէ գրել):
-
Խմբից մեկին նշանակեք հետևել, որ ժամանակը պահպանվի: Խնդրեք նրան սահմանել ժամանակաչափը՝ ըստ գրքի հրահանգների:
-
Օրինակ` դուք կկարդաք հրահանգներ, որ ասում է. «Ժամանակ. Սովորել բաժնի համար սահմանեք 60 րոպե ժամանակ»: Ժամանակին հետևողը ժամ կդնի հեռախոսի, ժամացույցի կամ այլ ժամանակացույցի վրա և ժամանակն ավարտվելիս կտեղեկացնի խմբին: Ապա խումբը կորոշի՝ անցնել հաջորդ բաժնին, թե մի քանի րոպե ևս շարունակել քննարկումը:
-
Հանդիպումից հետո.
-
Խմբի հանդիպումից հետո այցելեք srs.lds.org/report կայքէջը և հետևեք խմբի անդամներին գրանցելու հրահանգներին:
-
Առաջին հանդիպումից հետո մասնակիցների ցուցակով կիսվեք խմբի անդամների հետ:
Դասի սկզբին.
-
Ասացեք. «Բարի գալուստ ինքնապահովման մեր խումբ»:
-
Խնդրեք բոլորին անջատել իրենց հեռախոսները և այլ սարքերը:
-
Ասեք հետևյալը.
-
«Սա ինքնապահովման խումբ է, որը կոչվում է «Կրթություն հանուն ավելի լավ աշխատանքի»: Այստեղ բոլորը ավելի շատ կրթություն ստանալու նպատակով են, այդպես չէ՞:
-
Եթե դուք Կրթության մշտական հիմնադրամի վարկի կարիք չունեք, հրաշալի է: Իսկ եթե դուք այստեղ եք ԿՄՀ վարկից օգտվելու համար, դուք պատրաստ կլինեք սկսել ձեր դիմումի գործընթացը չորրորդ հանդիպումից հետո:
-
Մենք կհանդիպենք 12 անգամ: Յուրաքանչյուր հանդիպում կտևի երկու ժամ: Մեզ անհրաժեշտ կլինի նաև ամեն օր մեկից երկու ժամ հատկացնել մեր պարտավորությունները կատարելու համար, որոնք կօգնեն մեզ կրթություն կամ վերապատրաստում ստանալ: Դուք պատրա՞ստ եք պահել ժամանակի այս պարտավորությունը»:
-
-
Ասեք բացման աղոթքը (և օրհներգը, եթե ցանկանում եք):
-
Ասեք հետևյալը.
-
«Ամեն հանդիպման սկզբում մենք մի թեմա ենք քննարկում Իմ հիմքը. սկզբունքներ, հմտություններ, սովորություններ գրքույկից: Այս գրքույկը մեզ օգնում է սովորել սկզբունքներ, հմտություններ և սովորություններ, որոնք տանում են դեպի հոգևոր և նյութական ինքնապահովում»:
-
-
Իմ հիմքը գրքույկի թեմայի համար սահմանեք 20 րոպե ժամանակ:
-
Կարդացեք Առաջին Նախագահության ներածական նամակը Իմ հիմքը գրքույկի 2-րդ էջում: Ապա ավարտեք գրքույկի 1-ին սկզբունքը և վերադարձեք այս աշխատանքային ձեռնարկին: