Lesona 4: O Le Tusi a Mamona—O Le Maa‘au‘au o Lo Tatou Faatuatuaga
Lesona 4
O Le Tusi a Mamona—O Le Maa’au’au o lo Tatou Faatuatuaga
Folasaga
O le Tusi a Mamona o le maa’au’au o lo tatou faatuatuaga, ma o le faamaoniga o le toefuataiina mai lea e le Atua o le talalelei a Iesu Keriso i le lalolagi i o tatou aso. O Peresitene Ezra Taft Benson (1899–1994) na aoaoina mai e faapea, o le Tusi a Mamona “o le maaa’u’au lea i la tatou molimau ia Keriso. O le maa’au’au o la tatou aoaoga faavae. O le maa’au’au o le molimau” (“O le Tusi a Mamona—O Le Maa’au’au o lo Tatou Faatuatuaga,” Liahona, Ian. 1987, 5). A o faalauteleina e tamaiti aoga a latou molimau o le Tusi a Mamona, e mafai ona faamalolosia i latou, agai ia i latou o loo sailia le le faamaoniaina o lona moni a’ia’i.
Faitauga Faaopoopo
Ezra Taft Benson, “O Le Tusi a Mamona—O Le Maa’au’au o lo Tatou Faatuatuaga,” Liahona, Ian. 1987, 4–7.
Jeffrey R. Holland, “Saogalemu mo le Agaga,” Ensign po o le Liahona, Nov. 2009, 88–90.
“Book of Mormon and DNA Studies,” Gospel Topics, lds.org/topics.
O le Tusi a Mamona o le faamaoniga lea e faapea, ua toefuatai mai e le Atua le talalelei i o tatou aso
A o lei amataina le vasega, tusi aso nei ma mea na tutupu i le laupapa.
1820 Maua le Uluai Faaaliga
1823 Amata le asiasiga a Moronae
1829 Toefuatai mai le Perisitua
Iuni 1829 Maea le faaliliuina o le Tusi a Mamona
Aperila 6, 1830 Faatulagaina le Ekalesia
O le a se mea e mafai ona tatou aoaoina mai i le faasologa o nei mea, e uiga i le matafaioi o le Tusi a Mamona i le Toefuataiga o le talalelei? (O le Tusi a Mamona sa tatau ona maea ae lei toefuataiina le Ekalesia. O le a ia faia se matafaioi taua i le faasalalauina o le talalelei.)
Faamatala atu e faapea, ina ua faatulagaina le Ekalesia ia Aperila i le 1830, o le lolomiina o le Tusi a Mamona na faatoa faamae’aina, ma na faasalalauina le tusi mo le faatauina atu e le itiiti ifo ma le lua vaiaso na muamua atu. Fai i tamaiti aoga e faitau le leoa le Mataupu Faavae ma Feagaiga 20:8–12, ma vaai mo mea o loo i ai i le Tusi a Mamona ma mea ua faamaonia mai e le Tusi a Mamona. Atonu e te manao e fautua atu i tamaiti aoga ina ia faailoga mea ua latou maua. (Manatua: I lenei kosi atoa, e mafai ona e uunaia tamaiti aoga e faailoga upumoni taua na latou mauaina ia latou tusitusiga paia.) A o faitau tamaiti aoga, tusi le faamatalaga e le’i mae’a lenei i le laupapa :
O le Tusi a Mamona ua faamaonia atu i le lalolagi e faapea …
A maea se taimi talafeagai, fai atu i tamaiti aoga fesili nei:
E faalagolago i mea na e faitauina, e faapefea ona e faaumaina le faamatalaga o loo i le laupapa? (E mafai ona faaaogaina e tamaiti aoga ni upu eseese, ae ia mautinoa latou te faailoa mai le upumoni lenei:O le Tusi a Mamona ua faamaonia i le lalolagi le moni o tusitusiga paia, o le Atua e na te uunaia ma valaauina tagata e fai Lana galuega i o tatou aso, ma e le feliuliuai le Atua.)
E faapefea ona faamaonia e le Tusi a Mamona le uunaia ma valaauina e le Atua o tagata e faia Lana galuega i o tatou aso?
Pe a oo ina iloa e se tagata le moni o le Tusi a Mamona, o le a se malamalamaaga o le a maua e se alii po o se tamaitai e uiga i le Perofeta o Iosefa Samita?
O a mea o loo tutusa ai nei fuaiupu e lua? (O le folafolaga a le Alii i le moni o le Tusi a Mamona.)
O le a se taua ia te oe o le iloaina o le Alii na folafolaina atu Lana molimau i le moni o le Tusi a Mamona?
O le Tusi a Mamona o le maa‘au‘au o lo tatou tapuaiga
Tusi le upumoni lenei i le laupapa: O le Tusi a Mamona o le maa’au’au o lo tatou tapuaiga.
O le a sou manatu i le uiga o lenei faamatalaga?
Faaali atu le fuaitau lenei mai ia Peresitene Ezra Taft Benson (1899–1994), ma valaaulia se tamaitiiti aoga e faitau leotele:
Ata
Peresitene Ezra Taft Benson
“O loo i ai ala e tolu ua avea ai le Tusi a Mamona ma maa’au’au o lo tatou faatuatuaga. O le Tusi a Mamona o le maa’au’au’ o la tatou molimau ia Keriso. O le Tusi a Mamona o le maa’au’au o la tatou aoaoga faavae. O le maa’aa’u o le molimau” (“O le Tusi a Mamona—O le Maa’au’au o lo Tatou Faatuatuaga,” Liahona, Nov. 1986, 5).
Vaevae le vasega i ni vaega toalaiti. Tofi vaega taitasi e talanoaina se tasi o autu nei: le ala ua avea ai le Tusi a Mamona ma “le maa’au’au o lo tatou molimau ia Keriso,” le ala ua avea ai ma “le maa’au’au o lo tatou aoaoga faavae,” po o le ala ua avea ai ma “le maa’au’au o le molimau.” (Atonu e te manao e tofi autu taitasi i le sili atu ma le tasi le vaega.) Saunia mo vaega taitasi se kopi o lenei pepa e tufa atu ma fai atu ia i latou e faaaoga le faamatalaga e faatatau i la latou autu i a latou talanoaga.
O Le Tusi a Mamona—O Le Maa’au‘au o lo Tatou Faatuatuaga
O Faavae o le Toefuataiga—Lesona 4
“O le Maa’au’au o lo Tatou Molimau ia Keriso”
Ata
Peresitene Ezra Taft Benson
“O le Tusi a Mamona o le maa’au’au lea o la tatou molimau o Iesu Keriso, o Le o le maatulimanu o mea uma tatou te faia. Ua molimauina e le Tusi a Mamona Lona moni i le mana ma le manino atoatoa. … Ua manino atoatoa ma le le nenefu ma tumu i le mana lana molimau o le Matai. … Ua teena e le toatele o le lalolagi Kerisiano o ona po nei le paia o le Faaola. Ua latou masalogia Lona fanau mai ma le atoatoa o Lona soifuaga, ma le moni o Lona toetu mai mamalu. Ua aoao mai e le Tusi a Mamona i upu manino ma le le masalogia e uiga i le moni o ia mataupu. Ua tuuina mai ai foi se faamalamalamaga atoatoa o le mataupu o le Togiolaina.” (Ezra Taft Benson, “O le Tusi a Mamona—O le Maa’au’au o lo Tatou Faatuatuaga,” Liahona, Ian. 1987, 5).
“O Le Maa’au’au o Lo Tatou Faatuatuaga”
Ata
Peresitene Ezra Taft Benson
“O loo maua i le Tusi a Mamona le atoatoa o mataupu tatou te maua ai le faaolataga. Ma ua aoao manino ai ini auala faigofie e oo i fanau laiti e mafai ona latou aoao ia iloa ai ala i le faaolataga ma le faaeaga. E tele mea ua aoaoina mai i le Tusi a Mamona e faalautele ai lo tatou malamalamaaga o mataupu o le faaolataga. A aunoa ma le Tusi a Mamona, o le a le manino ma taua le tele o mataupu ua aoaoina i isi tusitusiga paia” (Ezra Taft Benson, “O Le Tusi a Mamona—O Le Maaauau o lo Tatou Faatuatuaga,” Liahona, Ian. 1987, 5).
“O Le Maa’au’au o le Molimau”
Ata
Peresitene Ezra Taft Benson
“O le Tusi a Mamona o le maa‘au‘au o la tatou molimau. E faapei ona pau le faitotoa faataliolio faaafamasina pe a aveese le maaauau, e faapea foi mea uma lava ua aoaoina ma faia e le Ekalesia faatasi ma le moni o le Tusi a Mamona. (Ezra Taft Benson, “O le Tusi a Mamona—O le Maaauau o lo Tatou Faatuatuaga,” Liahona, Ian. 1987, 5).
A uma se taimi talafeagai, ona valaaulia lea o vaega e faasoa mai i le vasega mea na latou talanoaina.
Faaiu lenei vaega o le lesona i le fai atu i tamaiti aoga, e faasoa mai o latou lagona e uiga i le Tusi a Mamona ma faasoa mai le ala ua avea ai ma maa’au’au o a latou lava molimau.
Ua taumafai le fili ina ia le faamaonia le Tusi a Mamona
Valaaulia se tamaitiiti aoga e faitau leotele le saunoaga lenei a Elder Jeffrey R. Holland o le Korama a Aposetolo e Toasefululua:
Ata
Elder Jeffrey R. Holland
“Ua [sili atu ma le 180] tausaga o suesuea pea lenei tusi ma osofaia, faafitia ma faavasega taitasitasi ona vaega, faasinosinomia ma faitioina atonu e le faapei o se isi lava tusi i le talafaasolopito faalelotu i ona po nei—atonu foi e leai lava se isi tusi i soo se talafaasolopito faalelotu. Ae o la lava e tumau. E lei manuia, ni manatu na laga e uiga i lona faapogai na laga ma toe mou atu foi—mai ia Ethan Smith e oo atu ia Solomon Spaulding, pe ose tagata ua leaga le mafaufau, po o se fatuga foi a se poto faitogafiti. E leai lava se tasi o nei tali e manino le vaivai e faatatau i lenei tusi, na tatalia le suega aua e leai lava se isi tali nai lo le tali na tuu atu e Iosefa, o ia o le faaliliutusi talavou e lei lava se aoaoga. O lenei mea, ma te tutu ai faatasi ma lou lava tamamatua, o le na fai mai se faaupuga faigofie, ‘E leai se tagata amioleaga e mafai ona tusia se tusi e pei o lenei, ma e leai foi se tagata lelei na te tusia, sei vagana ua moni ma ua poloaiina ai e le Atua e fai.” (“Saogalemu mo le Agaga,” Ensign po o le Liahona, Nov. 2009, 89).
Aisea e taua ai le manatuaina e faapea o fili i ona po nei o le Ekalesia e taumafai pea lava pea e faaleaogaina le Tusi a Mamona?
E faapefea e le saunoaga a le tama o le tama matua o Elder Holland ona lagolagoina le moni o le Tusi a Mamona?
O se faataitaiga, atonu e te manao e faamatala atu o se tasi o auala o loo taumafai ai fili o ona po nei o le Ekalesia e faaleaogaina le Tusi a Mamona, o le faaaogaina lea o le suesueina o le DNA e taumafai ai e faaleaoga soo se sootaga i le va o tagata o le Tusi a Mamona ma Initia Mumu o Amerika. Afai e i ai ni fesili a tamaiti aoga e uiga i lenei mataupu, uunaia i latou e faitau le Gospel Topics i le “Book of Mormon and DNA Studies,” lea e maua i le lds.org/topics.
Pipii mau i mea e te iloaina e moni
Fai i tamaiti aoga e vaai faalemafaufau e faapea, na fai mai se uo na faalogo se alii po o se tamaitai i mea na foliga mai e feteenai ma le moni o le Tusi a Mamona.
O le a se fautuaga o le a e tuuina atu i lau uo?
E mafai faapefea e lau molimau i le moni o le Tusi a Mamona, ona fesoasoani ia te oe pe a feagai oe ma ni faitioga o le Tusi a Mamona?
Valaaulia se tamaitiiti aoga e faitau leotele le saunoaga lenei a Elder Jeffrey R. Holland o le Korama a Aposetolo e Toasefululua:
Ata
Elder Jeffrey R. Holland
I taimi o le … atuatuvale po o le le mautonu po o taimi e fesouaiina ai, tausisi i le faatuatua lena ua ia te oe, tusa lava pe itiiti lena faatuatua. … A alia’e mai na taimi ma oo mai faafitauli, ma a le vave ona maua se vaifofo, ia taofi mau i mea ua uma ona outou iloa ma tutu malolosi seia oo mai se isi malamalama” (“Le Alii e, ua ou Faatuatua,” Ensign po o le Liahona, Me 2013, 93–94).
E mafai faapefea ona e faaaogaina le saunoaga a Elder Holland pe a feagai oe ma fesili e uiga i le moni o le Tusi a Mamona? (E mafai ona fautuaina tali eseese mai i tamaiti aoga, ae atonu e te manao e faamamafa atu le mataupu faavae lenei: Pe a tatou feagai ma ni fesili po o ni masalosaloga e uiga i le talalelei, e tatau ona tatou pipii mau i mea ua tatou iloaina e moni, ma talitonu e mafai ona tatou mauaina se tali e ala i le suesue atili, po o le a faaali mai e le Atua le tali i se taimi o i luma.
O a upumoni ua uma ona e iloaina e uiga i le Tusi a Mamona ma mataupu faavae o loo i ai? Na faapefea ona e mauaina lena malamalama?
Faaiu le lesona i le faaali atu o le saunoaga lenei e Peresitene Ezra Taft Benson ma valaaulia se tamaitiiti aoga e faitau leotele:
Ata
Peresitene Ezra Taft Benson
“O tagata taitoatasi o le Au Paia o Aso e Gata Ai, e mafai ona suesue i lenei tusi o se galuega faifaipea o le olaga. A le o lena, ua ia tuuina atu lona agaga i le leaga ma le le faia o se mea, e mafai ona tuuuina atu ai le faaleagaga ma le faaletino atoatoa i lona olaga atoa. E i ai le eseesega i le va o se tagata liliu mai, o le fausia i luga o le papa o Keriso e ala i le Tusi a Mamona ma piimau i lena ai uamea, ma se tasi e le faapena” (“O Le Tusi a Mamona O Le Afioga a le Atua,” Liahona, Me. 1988, 5).
Ua faapefea e le suesueina soo o le Tusi a Mamona, ona puipuia oe mai ia i latou o loo mananao e faaumatia lou faatuatua?
Molimau atu i le moni o le Tusi a Mamona. Valaaulia tamaiti aoga e mafaufau pe na faapefea e le Tusi a Mamona ona i ai sona aafiaga i o latou olaga: Fai atu ia i latou, e mafaufau e uiga i mea e tatau ona latou faia e faamuamua atili ai le suesueina o le Tusi a Mamona. Faamanatu i tamaiti aoga le folafolaga a Moronae, o loo maua i le Moronae 10:3–5, e faapea o i latou o e mananao e faamalosia a latou molimau o le Tusi a Mamona, e mafai ona latou faia e ala i le suesueina o le tusi ma tatalo e uiga i lona faamaoni.