Ադամն ու Եվան զոհաբերություններ են մատուցում, Քեյթ Լարսոն

Դաս 6․ Դասարանի նախապատրաստական նյութ

Խորհրդանիշների միջոցով ավելի լավ հասկանալ Քրիստոսի քավող զորությունը

Նկատե՞լ եք, թե որքան հաճախ են սուրբ գրություններն օգտագործում խորհրդանիշներ՝ մեզ Հիսուս Քրիստոսի մասին ուսուցանելու համար: Օրինակ՝ Նա համեմատվել է ջրի հետ (տես Հովհաննես 4․14), հացի հետ (տես Հովհաննես 6․48), լույսի հետ (տես Հովհաննես 8․12), վեմի հետ (տես Հելաման 5․12), արևի հետ (տես Մաղաքիա 4․2), և հովվի հետ (տես Սաղմոս 23․1)։ Նույնիսկ Իր ծնվելուց առաջ Եհովան խորհրդանիշներ օգտագործեց, որպեսզի օգնի Իր հետևորդներին սպասել Նրա գալուստին և փրկագնող զորությանը։ Այս դասի որոշ օրինակներ ուսումնասիրելիս մտածեք, թե սուրբ գրությունների խորհրդանիշներն ինչպես կարող են խորացնել ձեր Քավչի հանդեպ ձեր հասկացողությունն ու սերը:

Բաժին 1

Հիսուս Քրիստոսի մասին ի՞նչ կարող եմ սովորել կենդանիների զոհաբերության խորհրդանիշի միջոցով

Ինչպես նշում է խորհրդանիշի ուժի մասին հոդվածներից մեկը. «Ավետարանի խորհրդանիշը կարող է լինել առարկա, իրադարձություն, գործողություն կամ ուսմունք, որը ներկայացնում է հոգևոր ճշմարտություն: … Խորհրդանիշները մեզ հնարավորություն են տալիս հայեցակարգային ձև սահմանել գաղափարների և զգացմունքների համար, որոնք հակառակ դեպքում կարող էին ենթակա չլինել բառերի ուժին: Նրանք մեզ բարձրացնում են բառերի սահմաններից վեր և մեզ տալիս են պերճախոսություն՝ զգացմունքների արտահայտման մեջ» [Joseph Fielding McConkie and Donald W. Parry, Guide to Scriptural Symbols (1990), 1]” (“Why Symbols?,” Ensign, Feb. 2007, 13, 14)։

Սուրբ գրություններում Փրկչի առաջին հզոր խորհրդանիշներից մեկը կենդանիների զոհաբերությունն է: Երբ Ադամն ու Եվան կերան արգելված պտուղը և ստիպված եղան լքել Եդեմի պարտեզը, նրանց պատվիրվեց երկրպագել Տիրոջը և որպես զոհ Նրան մատուցել մի գառ:

մարդը գառան հետ

պատկերակ, ուսումնասիրել

Ուսումնասիրեք դասին նախապատրաստվելիս

Կարդացեք Մովսես 5.4–8-ը և խորհեք, թե անմեղ, անարատ գառ մատուցելու խորհրդանիշը մեզ ինչ կարող է սովորեցնել Աստծո սիրո և Հիսուս Քրիստոսի զոհաբերության մասին: (Նշում․ Նմանությունը համեմատություն կամ խորհրդանիշ է։)

Կենդանիների զոհաբերության խորհրդանիշի վրա հիմնվելով՝ Պետրոս առաքյալը վկայեց, որ մենք կարող ենք փրկագնվել միայն «Քրիստոսի պատվական արիւնովը, ինչպէս մի անբիծ եւ անարատ գառի» (Ա Պետրոս 1․19, տես նաև Ալմա 34․36)։

Ադամն ու Եվան զոհաբերություններ են մատուցում, Դել Փարսոն

Տիրոջ ուխտի ժողովուրդը պահում էր կենդանիների զոհաբերության օրենքը՝ որպես Հիսուս Քրիստոսի զոհաբերության խորհրդանիշ, և այդ զոհաբերությունը հիշեցում էր, որ Նա կքավեր նրանց մեղքերը: Դա օգնեց նրանց անհամբեր սպասել այդ օրվան:

Տասներկու Առաքյալների քվորումից երեց Ջեֆրի Ռ. Հոլլանդն ուսուցանել է.

Երեց Ջեֆրի Ռ. Հոլլանդ

Զոհաբերելով իրենց փոքր խորհրդանշական գառները մահկանացու կյանքում, Ադամը և նրա սերունդը արտահայտում էին իրենց հասկացողությունը և իրենց կախվածությունը Հիսուս Օծյալի քավող զոհաբերությունից: («Ահա Աստծո Գառը», Լիահոնա, մայիս 2019, 44)

պատկերակ, խորհել

Խորհեք դասին նախապատրաստվելիս

Հասկանալով կենդանիների զոհաբերության խորհրդանշականությունը, ինչպե՞ս կարող եք խորացնել ձեր սերն ու երախտագիտությունը ձեզ համար կատարած Հիսուս Քրիստոսի քավիչ զոհաբերության հանդեպ:

Բաժին 2

Ինչպե՞ս կարող են Զատիկի խորհրդանիշները ոգեշնչել ինձ փնտրել Փրկչի քավիչ զորությունը իմ կյանքում

Անդրանիկ գառների զոհաբերությունը շարունակվել է ամբողջ Հին Կտակարանի ժամանակներում: Այս սովորույթը հատկապես կարևոր դարձավ իսրայելացիների համար, երբ նրանք ազատվեցին եգիպտացիների ստրկությունից։

Եգիպտական գերությունից Իսրայելի ազատման պատմությունը կօգնի մեզ հասկանալ, թե ինչպես է Տերը փրկում մեզ՝ մեր կյանքի գերության տարբեր ձևերից: Թեպետ իսրայելական ստրկությունը հիմնականում ֆիզիկական ստրկության ձև էր, սակայն Տասներկու Առաքյալների Քվորումից երեց Քվենթին Լ. Քուքն ուսուցանել է, որ մենք կարող ենք նաև ստրկության ենթարկվել՝ մեղքի, կախվածության կամ կեղծ գաղափարների պատճառով (see “Lamentations of Jeremiah: Beware of Bondage,” Liahona, Nov. 2013, 88–91)։

Իսրայելացիները Եգիպտոսում ստրկության մեջ մնացին մոտ 400 տարի։ Բայց Տերը չմոռացավ նրանց։ Նա գիտեր նրանց վիշտը և լսում էր նրանց աղաղակները: Նա եկավ նրանց ազատելու և օգնության կանչեց Մովսեսին։ Իսրայելի ազատման նախօրեին Տերը ներկայացրեց Զատիկը, որը լի էր խորհրդանիշներով, որոնց նպատակն էր ուսուցանել Փրկչի զորության մասին՝ փրկելով բոլոր նրանց, ովքեր կհետևեին Իրեն:

գառ

պատկերակ, ուսումնասիրել

Ուսումնասիրեք դասին նախապատրաստվելիս

Կարդացեք Ելից 12.3–13 հատվածները (և, եթե հնարավոր է, դիտեք «Զատիկը» տեսանյութը [3:07]) և բացահայտեք այն խորհրդանիշները, որոնք ուսուցանում են Հիսուս Քրիստոսի փրկող զորության մասին, և թե ինչպես ստանալ այդ զորությունը:

պատկերակ, գրել

Գրի առեք ձեր մտքերը

Հաջորդ աղյուսակում գրի առեք, թե ձեր կարծիքով, ինչ է նշանակում Զատիկի խորհրդանիշներից յուրաքանչյուրը: Մտածեք, թե այս խորհրդանիշներն ինչ կարող են մեզ սովորեցնել Փրկչի քավիչ զորության մասին, և ինչպես կարող ենք օգտվել դրանից: Դուք կարող եք ուսումնասիրել աջակցող սուրբ գրությունները՝ լրացուցիչ գաղափարներ ձեռք բերելու համար։

Զատիկի խորհրդանիշները

Հատված	Խորհրդանիշ	Հնարավոր իմաստները	Աջակցող սուրբ գրություններ*
Հատված 3	Խորհրդանիշ Յուրաքանչյուր տուն զոհաբերեց մեկ գառ	Հնարավոր իմաստները Հիսուս Քրիստոսի քավիչ զորությունը բոլորի համար է:	Աջակցող սուրբ գրություններ* 2 Նեփի 26․25-28, 33
Հատված 5	Խորհրդանիշ Անարատ արու գառ	Հնարավոր իմաստները	Աջակցող սուրբ գրություններ* Հովհաննես 1․29, Եբրայեցիս 5․8–9
Հատված 7	Խորհրդանիշ Յուրաքանչյուր տան դռան սյունին արյուն էր քսվում	Հնարավոր իմաստները	Աջակցող սուրբ գրություններ* Մոսիա 4․2, Ալմա 5․21
Հատված 8	Խորհրդանիշ Բաղարջ (հաց՝ առանց խմորիչի, որը փչացնում կամ բորբոսեցնում է հացը)	Հնարավոր իմաստները	Աջակցող սուրբ գրություններ* Հովհաննես 6․35, 48, 57–58, Ա Կորնթացիս 5․7–8
Հատված 8	Խորհրդանիշ Լեղի խոտեր	Հնարավոր իմաստները	Աջակցող սուրբ գրություններ* Ալմա 41․11, Վարդապետություն և Ուխտեր 19․18
Հատված 11	Խորհրդանիշ Գոտիները մեջքին, կոշիկները ձեռքերին, շտապելով ուտել	Հնարավոր իմաստները	Աջակցող սուրբ գրություններ* Ալմա 34․32–33

• Նշում. Աջակցող հատվածները նախատեսված են Զատիկի ժամանակ օգտագործվող խորհրդանիշների վերաբերյալ լրացուցիչ պատկերացում կազմելու համար և նախատեսված չեն դրանք վերջնական պարզաբանելու համար:

Հետևյալ ուղեցույցները կօգնեն ձեզ ավելի լավ հասկանալ, թե ինչպես մեկնաբանել սուրբ գրությունների խորհրդանիշները․

• Փորձեք հասկանալ խորհրդանիշը հատվածի համատեքստում:

• Օգտագործեք ուսումնասիրության օժանդակ նյութերը, օրինակ՝ ծանոթագրությունները, Սուրբ գրքերի ուղեցույցը և Աստվածաշնչի բառարանը:

• Բացահայտեք, թե հին կամ ժամանակակից մարգարեներն ինչպես են մեկնաբանել հատվածները և դրանց խորհրդանիշները:

• Մտածեք, խորհեք և աղոթեք տվյալ հատվածի և դրա խորհրդանիշների մասին:

Ավետարանի խորհրդանիշները հասկանալու լրացուցիչ օգնության համար, “Understanding Scriptural Symbols,” Ensign, Oct. 1986, 22–27։

Բաժին 3

Հին Կտակարանի ուրիշ ի՞նչ խորհրդանիշներ կարող են ինձ սովորեցնել Փրկչի քավիչ զորության մասին

Տասներկու Առաքյալների Քվորումից երեց Բրյուս Ռ. Մակքոնկին ուսուցանել է.

Երեց Բրյուս Ռ. Մակքոնկի

Աստծո կողմից կարգված յուրաքանչյուր աստվածային արարողություն կամ իրադարձություն, յուրաքանչյուր զոհաբերություն, խորհրդանիշ և նմանություն … [ստեղծվել է]՝ … վկայելու [Հիսուս Քրիստոսի] մասին: …

Օգտակար և տեղին է ամենուր փնտրել Քրիստոսի նմանությունները և դրանք բազմիցս օգտագործել՝ նրան ու նրա օրենքները մեր մտքում բարձր պահելու համար: (The Promised Messiah: The First Coming of Christ [1978], 28, 453)

մարդը ուսումնասիրում է սուրբ գրությունները

պատկերակ, ուսումնասիրել

Ուսումնասիրեք դասին նախապատրաստվելիս

Հին Կտակարանը լի է շատ գեղեցիկ խորհրդանիշներով, որոնք վկայում են Փրկչի քավիչ զորության մասին: Ձեր հասկացողությունը խորացնելու համար կարդացեք ստորև բերված հատվածներից որևէ մեկը և այնուհետև խորհեք ուսումնասիրությանը հաջորդող հարցերի շուրջ:

• Իսրայելը երկնքից հաց է ստանում. Ելից 16․1–4, 14–16, 35 (տես նաև Հովհաննես 6․5–14, 48–51)

• Ջուր է բխում ժայռից․ Ելից 17․1–6 (տես նաև Հովհաննես 4․7–15)

• Քավության օրը․ Ղևտացոց 16․2–6, 17 (տես նաև Եբրայեցիս 9․6–12, 10:11–12)

• Իսրայելացիները փրկվում են օձերից․ Թվոց 21․4–9 (տես նաև Հովհաննես 3․14–15, Ալմա 33․19–21)

Ուսումնասիրության հարցեր

• Որո՞նք են Հիսուս Քրիստոսի հնարավոր խորհրդանիշները այս հատվածում (այլ կերպ ասած, ո՞ր առարկան, իրադարձությունը, հանգամանքը կամ անձինք են ցույց տալիս կամ խորհրդանշում Նրան):

• Ի՞նչ կարող են այս խորհրդանիշները ներկայացնել և սովորեցնել մեզ Հիսուս Քրիստոսի աստվածային առաքելության մասին:

• Այս խորհրդանիշների ըմբռնումն ինչպե՞ս կարող է ամրացնել իմ հավատքը Հիսուս Քրիստոսի և ինձ փրկելու Նրա զորության հանդեպ։

Ցանկանո՞ւմ եք ավելին իմանալ (Ոչ պարտադիր)

Հին Կտակարանում որո՞նք են սուրբ գրությունների լրացուցիչ խորհրդանիշները, որոնք կօգնեն ինձ ավելին իմանալ Հիսուս Քրիստոսի մասին:

Ահա սուրբգրային խորհրդանիշների մի քանի օրինակներ, որոնք ուսուցանում են Փրկչի մասին.

• Աբրահամը զոհաբերում է իր որդի Իսահակին. Ծննդոց 22․1–13 (տես նաև Հակոբ 4․5)

• Եսայիան հրավիրում է խմել, ովքեր ծարավ են․ Եսայիա 55․1–2 (տես նաև 2 Նեփի 9․50–51)

• Կետը կուլ է տալիս Հովնանին․ Հովնան 1․17, 2․10 (տես նաև Մատթեոս 12․38–40)

Որտեղի՞ց կարող եմ ավելին սովորել սուրբ գրությունների խորհրդանիշների իմաստների մասին:

««Սուրբ գրություններում օգտագործվող խորհրդանիշների օրինակներ» գլխում, (որը գտնվում է Scripture Study—The Power of the Word Teacher Manual, հասանելի՝ ChurchofJesusChrist.org) թվարկված են սուրբգրային մի շարք խորհրդանիշներ և այն՝ ինչ դրանք կարող են ներկայացնել:

Արդյո՞ք հին կենդանիների զոհաբերությունները ներում էին շնորհում մեղքին:

Մարգարե Ջոզեֆ Սմիթն ուսուցանել է, որ Փրկիչն է ներման միակ աղբյուրը: Այնուամենայնիվ, հին ժամանակներում կենդանիների զոհաբերություն կատարողին հիշեցնում էին աստվածային այս պարգևի մասին.

Մարգարե Ջոզեֆ Սմիթը

Անշուշտ, կենդանիների արյունը հեղելը չէր կարող լինել ի օգուտ մարդու, բացառությամբ, եթե դա արվել էր՝ նմանակելով կամ բացատրությամբ [կամ խորհդանիշով], թե այդ ընծայի միջոցով ինչ պետք է առաջարկվեր Աստծուն, և այն կատարվել էր հավատքով ու այն մեծ Զոհաբերության զորության սպասումով, որը մեր մեղքերի փրկագնման համար էր։ (Եկեղեցու նախագահների ուսմունքները. Ջոզեֆ Սմիթ [2007], 48)