Lesona 6: Ituaiga, Ataata, ma Faatusa o Iesu le Keriso
Lesona 6
Ituaiga, Ataata, ma Faatusa o Iesu le Keriso
Folasaga
Ua folafola mai e perofeta o aso nei faapea o Iesu Keriso “na faatuina le faamanatuga e avea ma faamanatu o Lana taulaga togiola sili” (“O Le Keriso Soifua: O Le Molimau a le Au Aposetolo,” Ensign po o le Liahona, Ape. 2000, 2). I le faaopoopo atu i le sauniga o le faamanatuga, ua tau mai e tusitusiga paia ia i tatou le tele o mea na tutupu, tulaga, mea faitino, ma tagata na fuafua e faamanatu mai ia i tatou ma faatonuina i tatou i le misiona ma le galuega a Iesu Keriso. O lenei lesona o le a fesoasoani i tamaiti aoga e mafaufau ai i nisi o nei ituaiga, ataata, ma faatusa faaletusitusigapaia na e faasinoina i tatou i le Faaola.
Faitauga Faaopoopo
Russell M. Nelson, “I Lenei Nuu Paia,” Tambuli, Fep. 1991, 10–19.
“Vaega Faatamaoaigaina I: Faatusaga ma Ituaiga i le Feagaiga Tuai,” Feagaiga Tuai Tusi Lesona A Tamaiti Aoga: Kenese–2 Samuelu, lom. 3 (Aoaoga a le Ekalesia tusi lesona, 2003), 111–15.
Faaali atu ni nai ata o faailoga lauiloa po o faatusa e pei o mea nei:
Ata
faatusa mo nofoafaataavalevale, vaalele, sa le ulaula, faleletaua
A uma ona faailoa mai e tamaiti aoga le uiga o faailoga taitasi, fesili ia i latou mo ni faataitaiga o isi faailoga po o faatusa e iloa gofie.
Vaevae tamaiti aoga i ni paga. Valaaulia paga taitasi e suesue ma faatusatusa le 2 Nifae 11:4 ma le Mose 6:63. Fai atu ia i latou e talanoaina mea e tutusa ai nei fuaitau ma mea ua latou aoaoina e uiga ia Iesu Keriso ma le faamoemoega o foafoaga a le Atua. A uma ona talanoaina e paga mea na latou maua, fesili i le vasega:
E faapefea ona e faamatalaina se mea moni autu o loo faamaumauina i nei fuaitau faaletusitusigapaia? (E tatau i tamaiti aoga ona faailoa mai le upumoni lenei: O mea uma na foafoaina e molimau ia Iesu Keriso.
O a nisi faataitaiga o mea na “tuu mai e le Atua” o ni “faatusatusaga o” (2 Nifae 11:4), po o faatusa o, Iesu Keriso?
Tau i tamaiti aoga o tusitusiga paia uma e i ai ituaiga, ataata, faatusa ma faatusatusaga o Iesu Keriso. Faamatala atu o ituaiga, ataata, faatusa ma faatusatusaga o ni suitulaga o isi meamoni sili atu. Mo se faataitaiga, o le Liahona o loo taua i le Tusi a Mamona o se suitulaga i upu a Keriso. I lenei vaega o le lesona, o le a tatou taulai atu i ituaiga ma ata o loo maua i le Feagaiga Tuai. O le tele o nei ata e i tulaga o tagata, mea faitino, mea na tutupu, ma tulaga (atonu e fesoasoani le tusi o nei vaega i le laupapa). Kopi le lisi lenei o mau fesootai i le laupapa, pe tuuina atu i tamaiti aoga o ni pepa e tufa atu:
Tofi se tamaitiiti aoga se toatasi pe sili atu e suesue seti taitasi o fuaitau faaletusipaia ma saunia e faamatala mai le faatusa o le Feagaiga Tuai ma le ala e faasino ai ia Iesu Keriso. A maea se taimi talafeagai, fai i tamaiti aoga e lipoti mai mea na latou mauaina.
A lava se taimi, mafaufau e talanoaina nisi o faatusa o Keriso ua faailoaina mai e Elder Russell M. Nelson o le Korama a Aposetolo e Toasefululua i lana tusiga “I Lenei Laueleele Paia” (Liahona, Fep. 1991, 10–19).
Talanoaina fesili nei, faatasi o se vasega:
Aisea i lou manatu ua foafoaina ai mea uma e suitulaga pe faatusa i le Faaola?
O le a le taua o le faaauauina o le sailiga ia iloa le ala ua molimau ai mea uma ia Iesu Keriso? (Ia mautinoa ua malamalama tamaiti aoga i le mataupu faavae lenei: E mafai ona tatou aoao atili ia Iesu Keriso a o tatou iloaina le ata faatusa, o ituaiga, ma faatusa na e molimau ia te Ia.)
Na faapefea e se mea lena e faatusa i le Faaola ona faamalosia lou faatuatua ia te Ia?
O le a se mea e mafai ona e faia e iloa ai Keriso i faatusa ua tuuina mai ia i tatou?
O faatusa ma ata faatusa o Keriso i feagaiga ma sauniga o le talalelei
Faamatala atu o lenei vaega o le lesona o le a taulai atu i se vaaiga ese o le talalelei a Iesu Keriso e maua ai faatusa ma ata o Keriso. Valaaulia tamaiti aoga e suesue le 2 Nifae 11:2–6 ma vaai mo na mea na fiafia i ai Nifae. Atonu e te manao e fautua atu latou te faailoga mea na latou maua.
O a mea na fiafia i ai Nifae?
Faasino atu le fuaitau “feagaiga a le Alii” i le fuaiupu 5. Faamatala atu o feagaiga ma sauniga o se vaega taua o le talalelei faavavau a Iesu Keriso. E tele elemene o feagaiga ma sauniga na e faafaatusa ma aoao mai ma taitaia i tatou ia Iesu Keriso. Faaali atu le saunoaga lenei a Elder Bruce R. McConkie (1915–85) o le Korama a Aposetolo e Toasefululua, ma fai i se tamaitiiti aoga e faitau leotele:
Ata
Elder Bruce R. McConkie
“O sauniga po o gaoioiga paia taitasi ua faauuina e le Atua, o taulaga, faatusa, ma faatusatusaga uma; o mea uma lava na tuuina atu e le Atua i ona tagata—o mea uma na faauuina ma faatuina i se ala e molimau ai i lona Alo ma totonugalemu i le faatuatua o tagata e talitonu ia te ia ma le faaolaina na muai faauuina ai o ia e fai” (O le Mesia Folafolaina: O le Afio Muamua mai o Keriso [1978], 28).
O le a le aoaoga po o le mataupu faavae o loo aoaoina i lenei saunoaga? (O se tali talafeagai o le, o le a tatou vaai i faatusa o Keriso i sauniga o le talalelei pe a tatou saili i ai.
E mafai faapefea e lenei malamalama ona fesoasoani a o tatou auai i sauniga o le talalelei?
Valaaulia tamaiti aoga e suesue le leoa le Roma 6:3–6 ma le 3 Nifae 18:7, 11, ma vaai mo faatusa na e faatatau i le Faaola. Ona fesili atu lea:
O a nisi o auala ua aoao mai e feagaiga ma sauniga o le talalelei e uiga i le Faaola ma fesoasoani ia te oe e manatua o Ia?
Ina ia fesoasoani i tamaiti aoga e lagona le moni ma le taua o le aoao ia iloa ituaiga ma faatusa o Keriso, fai atu fesili nei:
O le a se faatusa o le Faaola e i ai se uiga maoae ia te oe?
E faapefea ona e mautinoa ua e matauina lenei faatusa?
Ua faapefea ona faamanuiaina lou olaga i lou vaaia o lea mea o se faatusa o Keriso?
Valaaulia tamaiti aoga e faaaoga mataupu faavae i lenei lesona e ala i le valaaulia o i latou e tusi i lalo le ala e mafai ai ona latou iloa gofie ituaiga, ataata, ma faatusa o le Faaola i tusitusiga paia, i sauniga o le talalelei, ma o latou olaga i aso uma. Uunaia i latou e filifili se aso i se taimi o lata mai lea o le a latou saili ai ma le mafaufau i ai mo ata faatusa, mea faitino, po o mea e tutupu na e faamanatu ai ia i latou le Faaola. Uunaia i latou e tausia se lisi o mea latou te maua ma faasoa a latou lisi i se tagata o le aiga po o se uo pe atonu foi e ala i faasalalauga faaleagafesootai.