Ha’api’ira’a a te mau Peresideni
Haapotoraa Aamu

Haapotoraa Aamu

E ere teie buka i te hoê buka aamu, e haaputuputuraa râ no te mau parau tumu o te evanelia tei haapiihia mai e te Peresideni Harold B. Lee. Area râ, no te faatuatiraa i te mau haapiiraa i niʻa i te tereraa o te aamu, i horoʻahia’tu ai te tabula i muri nei, ei haapotoraa no te tahi mau ohipa taaʻe tei tupu i roto i to’na oraraa, e mai roto mai hoi i te reira i mahuti mai ai ta’na mau haapiiraa.

28 no Mati 1899:

Ua fanau o Samuel Marion raua o Louisa Emeline Bingham Lee ia Harold Bingham Lee, i te oire no Clifton, te Mataeinaa no Oneida, i Idaho.

9 no Tiunu 1907:

Ua bapetizohia oia e Lester Bybee, Clifton, Idaho (8) Te mau numera i roto i te paruru (8), o te matahiti ïa o Harold B. Lee).

1912, tau haapoheraa raau:

Ua haere atu oia i te fare haapiiraa no te Tĭtĭ no Oneida, i Preston, i Idaho, e o Ezra Taft Benson to’na hoa i reira (13).

1916, i te tau mahanaha:

Ua haere atu oia i te Fare Haapiiraa Toroa Orometua Haapii no Albion, i Idaho (17).

1916–17, i te tau toetoe:

Ua haapii oia i te Fare Haapiiraa no Silver Star, tapiri mai iaWeston, i Idaho (17).

1918–20:

Faatere rahi no te fare haapiiraa mataeinaa i Oxford, i Idaho (18–21).

1920–22:

Misionare i te Misioni no Western States, i Denver, Colorado (21–23).

1923, i te tau mahanaha:

Ua haere atu oia i te Fare Haapiiraa Tuatoru no Utah. I muri aʻe, ua faaoti oia i ta’na tau haapiiraa na roto i te haapiiraa i te fare iho, e na roto i te raveraa i te tahi atu mau haapiiraa na rapae (24).

14 no Novema 1923:

Ua faaipoipo oia ia Fern Lucinda Tanner i roto i te hiero no Salt Lake City.(24)

1923–28:

Faatere rahi no te Fare Haapiiraa no Whittier e no Woodrow Wilson i Salt Lake City (24–29).

26 no Atopa 1930:

Ua faataahia oia ei peresideni no te Tĭtĭ no Pioneer,1930–37 (31).

7 no Novema 1933:

Ua maitihia oia ei melo i roto i te apooraa oire no Salt Lake City; ua tavini oia i reira mai te 1933–37 (34).

20 no Eperera,1935:

Ua faaue te Peresideniraa Matamua ia Harold B. Lee ia faaineine oia i te hoê faanahoraa tauturu i te feia navai ore (36).

18 no Eperera 1936:

Ua piihia oia ei taata faatere no te faanahoraa paruru a te Ekalesia (i muri aʻe, ua parauhia te reira: te Faanahonahoraa Totauturu a te Ekalesia) (37).

16 no Eperera,1939:

Ua tiʻa mai te fare haaputuraa taoʻa matamua i Welfare Square i Salt Lake City (40).

6 no Eperera, 1941:

Ua paturuhia oia ei melo no te Pŭpŭ no te Tino Ahuru Ma Piti Aposetolo (42). Ua faatoroʻahia oia i te 10 no Eperera, 1941.

1954:

Ua faatupu oia i te mau amuiraa no te mau taata i roto i te nuu faehau i Tapone, Korea, Okinawa, Philipino e i Guam (55).

Atete 1958:

Ua ratere oia i Afirita Apatoa e i te Fenua Moʻa (59).

27 no Mati,1960:

Ua faatia oia i te tĭtĭ matamua i Europa, i Manchester, Peretane (60).

30 no Setepa, 1961:

Na roto i te faaueraa a te Peresideniraa Matamua, ua faaite oia i te faanahoraa no te faatuatiatiraa i te mau faanahonahoraa atoa a te Ekalesia (62).

24 no Setepa, 1962:

Ua pohe o Fern Lucinda Tanner, te vahine a Harold B. Lee (63).

17 no Tiunu 1963:

Ua faaipoipo oia ia Freda Joan Jensen i roto i te hiero no Salt Lake City (64).

26 no Atete, 1966:

Ua pohe o Maurine Lee Wilkins, te tamahine a Harold B. Lee (66).

23 no Tenuare, 1970:

Ua paturuhia oia ei Peresideni no te Pŭpŭ no te Tino Ahuru Ma Piti Aposetolo e ei Tauturu Hoê no te Peresideni Joseph Fielding Smith (70).

2 no Tiurai, 1972:

Ua pohe te Peresideni Joseph Fielding Smith (73).

7 no Tiurai, 1972:

Ua faatoroʻahia e ua faataahia oia ei Peresideni no te Ekalesia (73).

25–27 no Atete, 1972:

Ua peresideni oia i te amuiraa area rahi i Mexico City (73).

20 no Setepa,1972:

Ua faatia oia i te Amaa no Ierusalema i Garden Tomb (73).

5 no Atopa, 1972:

Ua faaitehia i te ao atoa nei te faanahonahoraa no te mau ohipa totauturu (73).

6 no Atopa, 1972:

Ua paturuhia oia ei Peresideni no te Ekalesia i roto i te hoê amuiraa hanahana (73).

14 no Ditema, 1972:

Ua faatiahia te Misioni no te Fenua êê a te Ekalesia (73).

8 no Mati, 1973:

Ua faatia oia i te tĭtĭ matamua i te fenua Asia i Seoul, Korea (73).

24–26 no Atete, 1973:

Ua peresideni oia i te amuiraa area rahi i Munich i te fenua Helemani (74).

26 no Ditema, 1973:

Ua pohe te Peresideni Harold B. Lee i Salt Lake City (74).

31 no Ditema, 1973:

Te mau numera no te hopea matahiti: 3.321.556 melo; 630 tĭtĭ; 4.580 paroita; 108 misioni; 17.258 misionare; 15 hiero.