Haapotoraa aamu

Eere teie buka i te hoê buka aamu, e haaputuraa râ no te mau parau tumu o te Evanelia tei haapiihia mai e te Peresideni Heber J. Grant. E itehia i roto i te apaparaa tau i muri nei, te hoê haapotoraa aamu no teie mau haapiiraa. Ua tâpûhia te mau ohipa rarahi i te pae oraraa tivira, mai te mau tama‘i e te mau fifi i te pae faarava‘iraa faufaa i te ao taatoa nei. Ua tâpû-atoa-hia e rave rahi mau ohipa faufaa tei tupu i roto i te oraraa o te Peresideni Grant, mai to’na faaipoiporaa, te fanauraa e te poheraa o ta’na mau tamarii.

1856, 22 no Novema	Ua fanauhia mai o Heber Jeddy Grant i Salt Lake City, Utah, ia Rachel Ridgeway Ivins Grant e ia Jedediah Morgan Grant. Ua pohe te metua tane o Heber e iva mahana i muri mai i te fanauraa, e Tauturu Piti oia no te Peresideni Brigham Young i taua taime ra.
1875, 10 no Tiunu	Ua farii oia i te hoê piiraa i roto i te peresideniraa no te Taatiraa a te Feia Apî Tamaroa no te paroita 13 no Salt Lake City.
1880, 6 no Eperera	Ua haamata oia i te tavini ei papa‘i parau no te peresideniraa rahi o te Taatiraa a te Feia Apî Tamaroa.
1880, 30 no Atopa	Ua haamata oia i te tavini ei peresideni titi i Tooele, Utaha.
1882, 16 no Atopa	Ua faatoro‘ahia ei Aposetolo na te Peresideni George Q. Cannon no te Peresideniraa Matamua.
1883–84	Ua haere oia e farerei i te mau pŭpŭ taata marite, te rave ra i te ohipa i pihaiiho i te tahi atu mau ti‘a faatere no te Ekalesia, no te pii e no te faatoro‘a ia ratou i te autahu‘araa no te rave i te ohipa i reira.
1897	Ua tavini ei melo i roto i te peresideniraa rahi no te Taatiraa a te Feia Apî Tamaroa, e ei taata faatere no te ve‘a a te Ekalesia tei parauhia, Improvement Era.
1901, 12 no Atete– 1903, 8 no Setepa	Ua faanahanaho e ua faatere i te misioni matamua no Tapone.
1904, 1 no Tenuare– 1906, 5 no Ditema	Ua faatere i te mau misioni no Peretane e no Europa.
1916, 23 no Novema	Ua faataahia ei Peresideni no te Pŭpŭ Tino Ahuru Ma Piti Aposetolo
1918, 23 no Novema	Faataahia ei Peresideni no Te Ekalesia a Iesu Mesia i te Feia Mo‘a i te mau Mahana Hopea nei
1919, 27 no Novema	Ua haamo‘a i te hiero no Laie, Hawaii.
1920	Ua faatere i te oro‘a haamana‘oraa i te 100raa o te matahiti o te Orama Matamua.
1923, 26 no Atete	Ua haamo‘a i te hiero no Cardston, Alberta.
1924, 3–5 no Atopa	Ua faatere i te amuiraa rahi matamua tei haapurorohia na roto i te ratio
1926	I raro a‘e i te arata‘iraa a te Peresideniraa Matamua, ua haamau te Ekalesia i te faanahonahoraa no te hapiiraa Evanelia.
1927, 23 no Atopa	Ua haamo‘a i te hiero no Mesa, Arizona.
1930, 6 no Eperera	Ua faatere i te oro‘a haamana‘oraa i te 100raa o te matahiti o te faatiaraahia te Ekalesia.
1936	Ua haamau te Peresideniraa Matamua i te Faanahoraa Parururaa a te Ekalesia, tei parauhia i teie mahana, te faanahoraa Totauturu a te Ekalesia.
1940, Fepuare	Ua ro‘ihia i te ma‘i mafatu.
1942, 6 no Eperera	Ua horo‘a oia i ta’na a‘oraa hopea i roto i te amuiraa rahi. No na matahiti e toru i muri mai, na te tahi mau taata e tai‘o i ta’na mau a‘oraa.
1945, 14 no Me	Ua pohe oia i Salt Lake City, Utah.