Buod ng Kasaysayan

Ang sumusunod na kronolohiya ay nagbibigay ng maikling buod ng kasaysayan para sa mga turo ni Pangulong Ezra Taft Benson sa aklat na ito.

Agosto 4, 1899	Isinilang sa Whitney, Idaho, kina George Taft Benson Jr. at Sara Dunkley Benson.
1912 hanggang 1913	Inako ang maraming responsibilidad sa bahay habang nasa misyon ang kanyang ama sa hilagang bahagi ng Estados Unidos.
1914 hanggang 1919	Nag-aral at nagtapos sa Oneida Stake Academy sa Preston, Idaho.
1918	Tinawag na maglingkod bilang assistant Scoutmaster (isang lider ng mga kabataang lalaki) sa kanyang ward sa Whitney.
1920	Nakilala si Flora Smith Amussen, ang kanyang mapapangasawa.
1921	Nag-aral sa Utah Agricultural College (na ngayon ay Utah State University) sa Logan, Utah.
Hulyo 13, 1921	Inorden ng kanyang ama bilang elder.
Hulyo 15, 1921, hanggang Nobyembre 2, 1923	Naglingkod bilang full-time missionary sa British Mission.
Agosto 25, 1924, hanggang Hunyo 1926	Naglingkod si Flora sa full-time mission sa Hawaiian Islands.
Taglagas 1924	Sinamahan ang kanyang kapatid na si Orval sa pagbili ng bukid ng pamilya sa Whitney.
Tagsibol 1926	Nagtapos sa Brigham Young University.
Setyembre 10, 1926	Pinakasalan si Flora sa Salt Lake Temple.
Setyembre 1926 hanggang Hunyo 1927	Nag-aral sa Iowa State College of Agriculture and Mechanical Arts (ngayon ay Iowa State University of Science and Technology), at nagtapos ng master’s degree sa agricultural economics.
Hunyo 1927	Bumalik sa bukid ng pamilya sa Whitney.
1929	Tinanggap ang trabaho bilang county agricultural agent para sa Franklin County, Idaho. Iniwan ang bukid at lumipat sa kalapit na Preston, Idaho.
1930 hanggang 1939	Nagtrabaho bilang agricultural economist at specialist sa University of Idaho Extension Division.
Enero 1935 hanggang Nobyembre 1938	Naglingkod bilang unang tagapayo sa stake presidency ng Boise Stake.
Nobyembre 1938 hanggang Marso 1939	Naglingkod bilang pangulo ng Boise Stake.
1939 hanggang 1943	Nagtrabaho bilang executive secretary para sa National Council of Farmer Cooperatives sa Washington, D.C. Nanirahan kasama ang kanyang pamilya sa Bethesda, Maryland.
Hunyo 1940	Tinawag na maglingkod bilang pangulo ng Washington Stake sa Washington, D.C.
Hulyo 26, 1943	Tinawag na maglingkod bilang miyembro ng Korum ng Labindalawang Apostol.
Oktubre 7, 1943	Inorden na Apostol at itinalaga ni Pangulong Heber J. Grant bilang miyembro ng Korum ng Labindalawang Apostol.
Enero 1946 hanggang Disyembre 1946	Naglingkod bilang pangulo ng European Mission, na tumutulong sa paghahatid ng temporal at espirituwal na tulong sa mga Banal sa mga Huling Araw matapos itong wasakin ng Ikalawang Digmaang Pandaigdig.
Hulyo 16, 1946	Inilaan ang Finland para sa pangangaral ng ebanghelyo.
Enero 1953 hanggang Enero 1961	Naglingkod bilang United States secretary of agriculture sa ilalim ng pamumuno ni President Dwight D. Eisenhower.
Enero 1964 hanggang Setyembre 1965	Muling naglingkod bilang pangulo ng European Mission.
Nobyembre 10, 1966	Muling inilaan ang Italy para sa pangangaral ng ebanghelyo.
Abril 14, 1969	Inilaan ang Singapore para sa pangangaral ng ebanghelyo.
Oktubre 26, 1969	Inilaan ang Indonesia para sa pangangaral ng ebanghelyo.
Disyembre 30, 1973	Itinalaga bilang Pangulo ng Korum ng Labindalawang Apostol.
Nobyembre 10, 1985	Itinalaga bilang Pangulo ng Ang Simbahan ni Jesucristo ng mga Banal sa mga Huling Araw.
Oktubre 24, 1986	Inilaan ang Denver Colorado Temple.
Agosto 28, 1987	Inilaan ang Frankfurt Germany Temple. (Siyam na templo ang inilaan noong siya ang Pangulo ng Simbahan.)
Oktubre 2, 1988	Personal na ibinahagi ang kanyang huling mensahe sa pangkalahatang kumperensya. (Pagkaraan ng Oktubre 1988, hindi na siya nakapagsalita sa pangkalahatang kumperensya dahil mahina na ang kanyang katawan. Mga tagapayo niya sa Unang Panguluhan ang nagbasa ng kanyang mga sermon o bumanggit mula sa mga dating mensaheng ibinigay niya.)
Agosto 14, 1992	Nagdalamhati sa pagkamatay ng asawa niyang si Flora.
Mayo 30, 1994	Namatay sa bahay niya sa Salt Lake City, Utah, mga dalawang buwan bago sumapit ang kanyang ika-95 kaarawan.