3 Nefi

Imibhalo Lengcwele

INcwadzi yaMormon

Sendvulelo naboFakazi
1 Nefi
2 Nefi
Jakobe
Enoshi
Jaromu
Omini
EmaVi aMormon
Mosiya
Alima
Hilamani
3 Nefi
4 Nefi
Mormon
Etheri
Moroni
Sicondziso seNkhomba eNcwadzini yaMormon

3 Nefi

Sehluko 1
Nefi, indvodzana yaHilamani, iyesuka eveni, indvodzana yakhe Nefi igcina imibhalo—Noma tibonakaliso netimangaliso titiningi, lababi bahlela kubulala labalungile—Busuku bekutalwa kwaKhristu buyefika—Sibonakaliso siyaniketwa, nenkhanyeti lensha iyavela—Emanga nenkhohliso kuyandza, netigebengu taGadiyanthoni tibulala labaningi. Cishe ngemnyaka weNkhosi weku 1 kuya kuwesi 4.
Sehluko 2
Bubi kanye netinengiso kuyandza emkhatsini webantfu—EmaNefi kanye nemaLamani ayahlangana kute ativikele etigebengwini taGadiyanthoni—EmaLamani laphendvukile aba mhlophe futsi abitwa ngekutsi ngemaNefi. Cishe ngemnyaka wesi 5 kuya kuwa 16 ngemnyaka weNkhosi.
Sehluko 3
Gidiyani, umholi wemaGadiyanthoni, ufuna kutsi Lakhoniyasi nemaNefi batinikele kanye nemave abo—Lakhoniyasi ubeka Gidigidoni njengendvuna lenkhulu yemabutfo—EmaNefi abutsana eZarahemla kanye naseNala kute ativikele. Cishe ngemnyaka weNkhosi wa 16 kuya kuwa 18.
Sehluko 4
Emabutfo emaNefi ayatehlula tigebengu taGadiyanthoni—Gidiyani uyabulawa, futsi nalowamlandzela esikhundleni sakhe, Zemnariha, uyalengiswa—EmaNefi ayayidvumisa iNkhosi ngekuncoba kwawo. Cishe ngemnyaka weNkhosi wa 19 kuya kuwa 22.
Sehluko 5
EmaNefi ayaphendvuka futsi ayatishiya tono tawo—Mormon ubhala umlandvo webantfu bakubo uphindze umemetela livi laphakadze kubo—Israyeli utawugcogcwa ekusakatweni kwakhe kwesikhatsi lesidze. Cishe ngemnyaka weNkhosi wa 22 kuya kuwa 26.
Sehluko 6
EmaNefi ayaphumelela—Kutikhukhumeta, kunotsa, kanye nekuhlukanisana ngekwetigaba kuyacala—LiBandla liyahlukana ngenca yekuphikisana—Sathane uholela bantfu ekutseni bavukelane ngalokusobala—Baphrofethi labaningi bamemetela kuphendvuka futsi bayabulawa—Babulali babo benta sigungu sekutsatsa umbuso. Cishe ngemnyaka weNkhosi wa 26 kuya kuwa 30.
Sehluko 7
Umehluleli lomkhulu uyabulawa, umbuso uyashabalaliswa, nebantfu bayehlukana baba tive—Jakobe, umphika-Khristu, uba yinkhosi yelicembu leliyimfihlo—Nefi ushumayela kuphendvuka kanye nelukholo kuKhristu—Tingilosi tiyamsita malanga onkhe, futsi uvusa umnakabo ekufeni—Labaningi bayaphendvuka baphindze bayabhajatiswa, Cishe ngemnyaka weNkhosi wa 30 kuya kuwa 33.
Sehluko 8
Tiphepho, kutamatama kwemhlaba, imililo, tivunguvungu, kanye nekubhedvuka kwemvelo kufakazela kubetselwa kwaKhristu—Bantfu labaningi bayafa—Bumnyama bumbonya live tinsuku letintsatfu—Labo labasele balilela simo sabo. Cishe ngemnyaka weNkhosi wa 33 kuya kuwa 34.
Sehluko 9
Ebumnyameni, livi laKhristu limemetela kubhujiswa kwebantfu labaningi kanye nemadolobha ngenca yebubi babo—Ngetulu kwaloko umemetela ngebuNkulunkulu Bakhe, watisa kutsi umtsetfo waMose sewugcwalisekile, futsi umema bantfu kutsi bete Kuye baphindze basindziswe. Cishe ngemnyaka weNkhosi wa 34.
Sehluko 10
Kukhona kuthula eveni emahora lamaningi—Livi laKhristu letsembisa kugcogca bantfu Bakhe njengesikhukhukati sifukamela emantjwele aso—Incenye lenkhulu yebantfu labalungile ilondvolotiwe. Cishe ngemnyaka weNkhosi wa 34 kuya kuwa 35
Sehluko 11
Babe ufakaza ngeNdvodzana Yakhe leTsandzekako—Khristu uyavela futsi umemetela ngenhlawulo yakhe—Bantfu beva emanceba etandleni kanye nasetinyaweni Takhe kanye naseluhlangotsini—Bayakhala batsi Hosana—Ubeka sobala luhlelo kanye nendlela yekubhabhatisa—Umoya wembango wadeveli—Imfundziso yaKhristu kutsi bantfu kufanele bakholwe futsi babhajatiswe baphindze bemukele Moya loNgcwele. Cishe ngemnyaka weNkhosi wa 34.
Sehluko 12
Jesu ubita uphindze unika ligunya kubafundzi labalishumi nakubili—Wetfula inkhulumo kumaNefi lefanako neNshumayelo yaseNtsabeni—Ukhuluma ngeTibusiso—Timfundziso takhe tendlula futsi tibaluleke kakhulu kunemtsetfo waMosi—Bantfu bayaletwa kutsi baphelele njengoba Naye kanye naBabe Wakhe baphelele—Catsanisa naMatewu 5. Cishe ngemnyaka weNkhosi wa 34.
Sehluko 13
Jesu ufundzisa emaNefi uMthandazo weNkhosi—Kufanele babeke emagugu abo ezulwini—Bafundzi labalishumi nakubili ebufundisini babo bayaletwa kutsi bangacabangi ngetintfo letitidzingo tesikhashana—Catsanisa naMatewu 6. Cishe ngemnyaka weNkhosi wa 34.
Sehluko 14
Jesu uyaleta kutsi: Ningehluleli; cela kuNkulunkulu; caphelani baphrofethi bemanga—Wetsembisa insindziso kulabo labenta intsandvo yaBabe—Catsanisa naMatewu 7. Cishe ngemnyaka weNkhosi wa 34.
Sehluko 15
Jesu umemetela kutsi umtsetfo waMosi ugcwalisekile Kuye—EmaNefi anguletinye tetimvu lakhuluma ngato eJerusalema—Ngenca yebubi, bantfu beNkhosi labaseJerusalema abati ngetimvu letihlakatekile taka-Israyeli. Cishe ngemnyaka weNkhosi wa 34.
Sehluko 16
Jesu utawuhambela letinye tetimvu letilahlekile taka-Israyeli—Ngetinsuku tekugcina livangeli litawuhamba liye kubeTive bese liya kuyo indlu yaka-Israyeli—Bantfu beNkhosi batawutibonela ngewabo emehlo uma abuyisa iSiyoni futsi. Cishe ngemnyaka weNkhosi wa 34.
Sehluko 17
Jesu uyala bantfu kutsi bazindle ngemavi Akhe futsi bathandazele kuwacondza—Uphilisa labagulako babo—Uthandazela bantfu, asebentisa lulwimi lolungeke lubhalwe—Tingilosi tiyabasebentela futsi umlilo utungeleta bantfwana babo. Cishe ngemnyaka weNkhosi wa 34.
Sehluko 18
Jesu usungula sidlo seNkhosi emkhatsini wemaNefi—Bayaletwa kutsi bathandaze ngaso sonkhe sikhatsi egameni Lakhe—Labo labadla umtimba Wakhe baphindze banatse ingati Yakhe ngalokungakafaneli bayalahlwa—Bafundzi baniketwa emandla ekuniketa Moya loNgcwele. Cishe ngemnyaka weNkhosi wa 34.
Sehluko 19
Bafundzi labalishumi nakubili bafundzisa bantfu baphindze bathandazela kuba naMoya loNgcwele—Bafundzi bayabhajatiswa baphindze batfola Moya loNgcwele kanye nekusetjentelwa tingilosi—Jesu uyathandaza usebentisa emavi langeke abhalwe—Ufakaza ngelukholo lolukhulu lwalamaNefi. Cishe ngemnyaka weNkhosi wa 34.
Sehluko 20
Jesu uniketa sinkhwa kanye neliwayini ngalokusimangaliso uphindze ubusisela bantfu sidlo seNkhosi—Insali yaJakobe itawufinyelela ekuyatini iNkhosi Nkulunkulu wayo futsi iyawutfola live laseMelika libe lifa—Jesu ngumphrofethi njengaMosi, futsi emaNefi abantfwana bebaphrofethi—Labanye bebantfu beNkhosi batawugcogcelwa eJerusalema. Cishe ngemnyaka weNkhosi wa 34.
Sehluko 21
Israyeli uyawugcogcwa ngesikhatsi sekuvela iNcwadzi yaMormon—BeTive bayawumiswa njengebantfu labakhululekile eMelika—Bayawusindziswa uma bakholwa futsi balalela; kungenjalo, bayawususwa baphindze bashabalaliswe—Israyeli uyawukwakha iJerusalema leNsha, tive letilahlekile tiyawubuya. Cishe ngemnyaka weNkhosi wa 34.
Sehluko 22
Ngetinsuku tekugcina, iSiyoni kanye netikhonkhwane tayo kuyawusungulwa, na-Israyeli utawugcogcwa ngesihawu kanye nangebumnene—Batawuncoba—Catsanisa na-Isaya 54. Cishe ngemnyaka weNkhosi wa 34.
Sehluko 23
Jesu uyawavuma emavi a-Isaya—Uyaleta bantfu kutsi bawahlolisise emavi ebaphrofethi—Emavi a-Samuweli umLamani mayelana neKuvuka ahlanganiswa nemibhalo yabo. Cishe ngemnyaka weNkhosi wa 34.
Sehluko 24
Sitfunywa seNkhosi sitawulungisa indlela yekuTa kwesiBili—Khrisru utawuhlala esihlalweni sekwehlulela—Israyeli uyaletwa kutsi akhokhe kwelishumi nekwemnikelo—Incwadzi yesikhumbuto iyagcinwa—Catsanisa naMalakhi 3. Cishe ngemnyaka weNkhosi wa 34.
Sehluko 25
NgekuTa kwesiBili, labatichenyako kanye nalababi batawushiswa njengemabibi—Elija utawubuya ngaphambi kwalolo suku lolukhulu nalolwesabekako—Catsanisa naMalakhi 4. Cishe ngemnyaka weNkhosi wa 34.
Sehluko 26
Jesu uchaza tonkhe tintfo kusukela ekucaleni kute kube sekugcineni—Tinswane nebantfwana bakhuluma tintfo letimangalisako letingeke tibhalwe—Labo labaseBandleni laKhristu banetintfo tonkhe ngalokufanako emkhatsini wabo. Cishe ngemnyaka weNkhosi wa 34.
Sehluko 27
Jesu uyaleta kutsi liBandla libitwe ngelibito lakhe—Umsebenti kanye nemnikelo Wakhe lohlawulako kuhlanganisa livangeli Lakhe—Bantfu bayaletwa kutsi baphendvuke baphindze babhajatiswe kute bangcweliswe ngaMoya loNgcwele—Kufanele babe njengaJesu. Cishe ngemnyaka weNkhosi wa 34 kuya kuwa 35.
Sehluko 28
Bafundzi labayimfica kulabalishumi nakubili bayafisa futsi batsenjiswa lifa embusweni waKhristu uma bafa—EmaNefi lamatsatfu ayafisa aphindze aniketwa emandla etikwekufa kute ahlale emhlabeni Jesu ate aphindze abuye—Ayatsatfwa aphindze abona tintfo letatingakavunyelwa kutsi tikhulunywe, kungumanje ayasita emkhatsini webantfu. Cishe ngemnyaka weNkhosi wa 34 kuya kuwa 35.
Sehluko 29
Kuvela kweNcwadzi yaMormon kuluphawu lwekutsi iNkhosi seyicalile kugcogca Israyeli kanye nekugcwalisa tivumelwano Tayo—Labo labalahla tembulo Tayo tetinsuku tekugcina kanye netipho batawucalekiswa. Cishe ngemnyaka weNKhosi wa 34 kuya kuwa 35.
Sehluko 30
BeTive betinsuku tekugcina bayaletwa kutsi baphendvuke, bete kuKhristu, babalwe kanye nendlu yaka-Israyeli. Cishe ngemnyaka weNkhosi wa 34 kuya kuwa 35.