1 N̄aa-ntị, O unu ndị okenye nke nzukọ-nsọ m, ma gee ntị n’olu Chineke dị ndụ; ma nụrụ okwu nile nke amamihe nke a ga-enye unu, dịka unu rịọworo ma kwere dịka ihe gbasara nzukọ-nsọ, na mụọ nile ndị gaworo na mba nile n’ụwa.

2 Lee, a sị m unu, na e nwere ọtụtụ mụọ ndị bụ mụọ ụgha, ndị gapụworo n’ụwa na-eduhie ụwa nile.

3 Ma kwa Setan achoworịị iduhie unu, ka o wee merie unu.

4 Lee, mụ, Onye-nwe, elekwasịwo unu anya, ma ahụwokwa ihe arụ nile dị n’ime Nzukọ-nsọ nke na-ekwupụta aha m.

5 Mana ngọzi ga-adịrị ha bụ ndị kwesịrị ntụkwasị-ọbi ma na-anọgide, ma-ọbụ na ndụ ma-ọbụ n’ọnwụ n’ihi na ha ga-eketa ndụ ebighi-ebi.

6 Mana ahụhụ na-adịrị ha bụ ndị na-eduhie na ndị iru-abụọ, n’ihi na, otu a ka Onye-nwe kwuru, a ga m ama ha ikpe.

7 Lee, n’ezie a sị m unu, e nwere ndị iru-abụọ n’etiti unu, ndị duhieworo ụfọdụ, nke nyeworo onye iro ike; mana lee ụdị ndị dị otu a ka a ga-akpọghachita.

8 Mana ndị iru-abụọ nile ka a ga-amata ma bepụ, ma-ọbụ na ndụ ma-ọbụ n’ọnwụ, ọbụna dịka m chọrọ; ma ahụhụ na-adịrị ha ndị e bepụrụ site na nzukọ-nsọ m, n’ihi na ndị ahụ ka ụwa ga-emeri.

9 Ya mere, ka onye ọbụla kpachara anya ka ọ ghara ime ihe n’anọghị n’ezi-okwu ma, ezi-omume n’iru m.

10 Ma ugbua a bịa, ka Onye-nwe kwụrụ, site na Mụọ, nye ndị okenye nke nzukọ-nsọ ya, ka anyị tụgharịakota uche, ka unu nwee nghọta.

11 Ka anyị tụgharịakọta uche ọbụna dịka mmadụ na ibe ya na-atụgharịkọta uche iru na iru.

12 Ụgbụ a, mgbe mmadụ na-atụgharị uche mmadụ ibe ya na-aghọta ya, n’ihi na ọ na-atụgharị uche dịka mmadụ; ọbụna otu a ka mụ, Onye-nwe, ga-atụgharịkọta uche mụ na gị ka unu wee nwee nghọta.

13 Ya mere, mụ Onye-nwe na-ajụ gị ajụjụ nke a—nye gịnị ka echiri gị echichi?

14 Ikwusa ozi-ọma nke m site na Mụọ, ọbụna Onye-nkasị-obi nke e zipụtara ịkuzi ezi-okwu ahụ.

15 Ma mgbe ahụ unu natara mụọ nile nke unu n’aghọtaghị, ma nabata ha ka nke sitere na Chineke; ma n’ime nke a ikpe ọmaghị unu?

16 Lee unu ga-aza ajụjụ nke a n’onwe unu; otu ọ sila dị, a ga m emere unu ebere; ya onye na-adịghị ike n’etiti unu ka a ga-eme ka o sie ike.

17 N’ezie a sị m unu, onye e chiri echichi site na m ma zipụkwa ya ikwusa okwu nke ezi-okwu site n’Onye-nkasị-obi ahụ, n’ime Mụọ nke ezi-okwu, ọ na-ekwusa ya site na Mụọ nke ezi-okwu ka ọ bụ n’ụzọ ọzọ?

18 Ma ọ bụrụ na ọ bụ n’ụzọ ọzọ ọ bụghị nke Chineke.

19 Ma ọzọ, onye ahụ nke na-anata okwu nke ezi-okwu, ọ na-anata ya site na Mụọ nke ezi-okwu ka ọ bụ site n’ụzọ ọzọ?

20 Ọ bụrụ na ọ bụ n’ụzọ ọzọ ọ bughị nke Chineke.

21 Ya mere, gịnị mere unu enweghi ike ighọta ma mata na onye na-anata okwu ahụ site na Mụọ nke ezi-okwu na-anata ya dịka ọ na-ekwusa ya site na Mụọ nke ezi-okwu?

22 Ya mere, onye na-ekwusa na onye na-anata, na-aghọta onwe ha, ma ha abụọ ka a na-ebuli mụọ ha elu ma ha na-an̄ụrịkọta on̄ụ.

23 Ma nke ahụ na-adịghị ebuli mụọ elu abụghị nke Chineke, ma bụ ọchịchịrị.

24 Nke ahụ bụ nke Chineke bụ ìhè; ma onye natara ìhè, ma nọgide n’ime Chineke, ga-anata ìhè karịa; ma ìhè ahụ ga na-amuke karịa ma na-amuke karịa tutu ruo ụbọchị ahụ zuru oke.

25 Ma ọzọ, n’ezie a sị m unu, ma a na m ekwu ya ka unu wee mata ezi-okwu, ka unu wee chụpụ ọchịchịrị site n’etiti unu;

26 Ya onye e chiri echichi site na Chineke ma e zipụkwa ya, onye ahụ ka a họpụtara ka ọ bụrụ onye kachasị, na-agbanyeghị ọ kachasị nta ma bụrụ odibo mmadụ nile.

27 Ya mere, ọ bụ onye nwere ihe nile; n’ihi na ihe nile nọ n’okpuru ya, ma n’elu-igwe ma n’ụwa, ndụ ahụ na ìhè ahụ, Mụọ ahụ na ike ahụ, e zipụrụ site n’ọchịchọ nke Nna site na Jisus Kraịst, Ọkpara ya.

28 Mana onweghị onye nwere ihe nile m’ọbụghị ma a sachara ya ma mee ka ọdị ọcha site na mmehie nile,

29 Ma ọbụrụ a sachara ma mee ka unu dị ọcha site na mmehie nile, unu ga-arịọ ihe ọbụla unu chọrọ n’aha nke Jisus ma a ga-eme ya.

30 Mana mata nke a, a ga-enye unu ihe unu ga-arịọ; ma otu a a họpụtara unu n’isi, mụọ nile ahụ ga-anọ n’okpuru unu.

31 Ya mere, ọ ga-eru, na ọ bụrụ na unu hụ ngosipụta nke muọ nke unu anaghị aghọta, ma unu anabataghị mụọ ahụ, unu ga-arịọ Nna n’aha nke Jisus; ma ọbụrụ na o nyeghị unu mụọ ahụ, mgbe ahụ ka unu ga-amata na ọ bụghị site na Chineke.

32 Ma a ga-enye unu ike karịrị mụọ ahụ; ma unu ga-ama ọkwa megide mụọ ahụ n’olu ike na ọ bụghị site na Chineke.

33 Ọ bụghị iji okwu ọjọọ mmegide, ka aghara imeri unu, ma-ọbụ itu-ọnụ ma-ọbụ an̄ụrị, ka e wee ghara ijichi unu ebe ahụ.

34 Ya onye natara site n’aka Chineke, ka ọ gụọ ya dịka ihe sitere na Chineke; ma ka ọ n̄ụrịa na ọ bụ onye a gụrụ tozuru-oke ịnata site na Chineke.

35 Ma site n’ikwere na ime ihe ndị a nke unu nataworo, na nke unu ga-anata ma emesịa—ma ala-eze bụ nke Nna nyeworo unu, ma ike imeri ihe nile a na-esiteghị na ya chie.

36 Ma lee, n’ezie a sị m unu ngọzị na-adịrị unu ndị na-anụ okwu m ndị a ugbụ a site n’ọnụ nwa odibo m n’ihi na mmehie unu ka a gbagharaworo unu.

37 Ka nwa odibo m Joseph Wakefield, onye ihe ya dị m ezi mma, na nwa odibo m Parley P. Pratt gagharịa n’etiti nzukọ-nsọ nile ma gbaa ha ume site n’okwu agbam ume;

38 Na kwa nwa odibo m John Corrill, ma-ọbụ ka ha ra bụ ndị odibo m ndị e chiri echichi n’ọkwa-ọrụ nke a, ma ka ha rụọ ọrụ n’ime ubi vine; ma ka onye ọbụla ghara igbochi ha ime nke ahụ m họpụtaworo ha—

39 Ya mere, n’ime ihe a, nwa odibo m Edward Partridge abụghị onye ikpe na-amaghị; otu o sila dị ka o chegharịa ma a ga-agbaghara ya.

40 Lee, unu bụ ụmụ-ntakịrị ma unu agaghị anagide ihe nile ugbụ a; unu aghaghị ito n’amara ma na ọmụma-ihe nke ezi-okwu.

41 Atụla ụjọ, ụmụ-ntakịrị n’ihi na unu bụ nke m, ma emeriwo m ụwa, ma unu so n’ime ndị ahụ Nna m nyeworo m;

42 Ma onweghị otu n’ime ndị a Nna nyere m ga-efu.

43 Ma Nna na mụ bụ otu. A nọ m n’ime Nna, ma Nna nọ n’ime m; ma ọbụrụraa na unu anabatawo m, unu nọ n’ime m ma mụ n’ime unu.

44 Ya mere, a nọ m n’etiti unu, ma a bụ m ezi onye-ozuzu-atụrụ ahụ, na nkume nke Israel. Onye wuru ụlọ n’elu nkume nkea apụghị ịda.

45 Ma ụbọchị ahụ na-abịa mgbe unu ga-anụ olu m na hụ m, ma mata na a bụ m.

46 Chee nche, ya mere, ka ị wee nọrọ na njikere. Ọbụna otu a. Amen.