Jisus Kraịst

Kraịst (otu okwu Grik) na Mesaia (otu okwu Hibru) pụtara “onye e tere mmanụ”. Jisus Kraịst bụ Onye Nna buru-ụzọ mụ na mụọ (Ndị-Hib. 1:6; OznỌd. 93:21). Ọ bụ Onye Nna Mụtara Nanị Ya na anụ arụ (Jọn 1:14; 3:16). Ọ bụ Jehova (OznỌd. 110:3–4) ma ebu-ụzọ chie ya echichi nye nnukwu ọkpụkpọ oku ya tutu e kee ụwa. N’okpuru ntụzi-aka nke Nna ahụ, Jisus kere ụwa na ihe nile nọ n’elu ya (Jọn 1:3, 14; Moses 1:31–33). Meri mụrụ ya na Betlehem, biri ndụ mmehie na-adịghị, na chụọ aja mmehie zuru oke maka mmehie nile nke mmadụ nile site n’ikwafu ọbara ya na-inye ndụ ya n’elu obe (Mat. 2:1; 1 Nif. 11:13–33; 3 Nif. 27:13–16; OznỌd. 76:40–42). O bilitere site n’ọnwụ, si otu a mesie ike na mbilite n’ọnwụ ga-adịrị mmadụ nile. Site n’aja mmehie nke Jisus na mbilite n’ọnwụ ya, ndị ahụ nile na-echegharị site na mmehie ha nile na rubere iwu-nsọ nile nke Chineke isi nwere ike ibi ebighi-ebi ha na Jisus na Nna ahụ (2 Nif. 9:10–12; 21–22; OznỌd. 76:50–53, 62).

Jisus Kraịst bụ mmadụ kachasị ịdị ukwuu a mụworo n’elu ụwa nke a. Ndụ ya bụ ihe atụ zuru oke otu mmadụ nile kwesịrị ibi. Ekpere nile, ngọzi nile, na emume nile nke ọkwa nchụ-aja kwesịrị ka e mee ha n’aha ya. Ọbụ Onye-nwe nke ndi-nwe nile, Eze nke ndị eze, Onye Okìke, Onye-nzọpụta, na Chineke nke ụwa nile.

Jisus Kraịst ga-abịa ọzọ n’ike na ebube ichi eze n’elu ụwa n’oge ichi ọchịchị otu puku afọ ahụ. N’ụbọchị ikpe-azụ, ọ ga-ekpe mmadụ nile ikpe (Alma 11:40–41; JS—Mat. 1).

Nchịkọta nke ndụ ya (n’usoro ihe ndị mere eme)

Ọmụmụ Jisus na ije-ozị ya ka e buru ụzọ gbaa ama ha, Luk 1:26–38 (Aịsa. 7:14; 9:6–7; 1 Nif. 11).
A mụrụ ya, Luk 2:1–7 (Mat. 1:18–25).
E biri ya ugwu, Luk 2:21.
E kụtara ya na temple, Luk 2:22–38.
Ndị maara ihe letara ya, Mat. 2:1–12.
Josef na Meri kuuru ya gbalaga Ijipt, Mat. 2:13–18.
E wee kpọrọ ya bịa biri na Nazaret, Mat. 2:19–23.
Jee leta temple mgbe ọ dị afo iri na abụọ, Luk 2:41–50.
O nwere ụmụnne ndịkom na ụmụnne ndịnyom, Mat. 13:55–56 (Mak 6:3).
E mere ya baptism, Mat. 3:13–17 (Mak 1:9–11; Luk 3:21–22).
Ekwensu wee nwaa ya ọnwụnwụ, Mat. 4:1–11 (Mak 1:12–13; Luk 4:1–13).
O wee kpọọ ndị na-eso ụzọ ya, Mat. 4:18–22 (Mat. 9:9; Mak 1:16–20; 2:13–14; Luk 5:1–11, 27–28; 6:12–16; Jọn 1:35–51).
O wee nye Iri na Abụọ ahụ ike, Mat. 10:1–4 (Mak 3:13–19; Luk 6:12–16).
Nye Okwu Chukwu e kwuru n’elu Ugwu, Mat. 5–7.
Ọ wee bu-ụzọ kwupụta ọnwụ nke ya na mbilite n’ọnwụ ya, Mat. 16:21 (Mat. 17:22–23; 20:17–19; Mak 8:31; 9:30–32; 10:32–34; Luk 9:22; 18:31–34).
E wee nwogharịa ya, Mat. 17:1–9 (Mak 9:2–8; Luk 9:28–36).
O wee zipu iri mmadụ asaa ahụ, Luk 10:1–20.
O mere mbata nke mmeri ya n’ime Jerusalem, Mat. 21:1–11 (Mak 11:1–11; Luk 19:29–40; Jọn 12:12–15).
O hiwere oriri-nsọ, Mat. 26:26–29 (Mak 14:22–25; Luk 22:19–20).
Taa ahụhụ ma kpee ekpere na Getsemane, Mat. 26:36–46 (Mak 14:32–42; Luk 22:39–46).
A raara ya nye, e jidere ya, ma rapụ ya gbalaga, Mat. 26:47–56 (Mak 14:43–53; Luk 22:47–54; Jọn 18:2–13).
A kpọgidere ya n’obe, Mat. 27:31–54 (Mak 15:20–41; Luk 23:26–28, 32–49; Jọn 19:16–30).
E mere ka o si n’ọnwụ bilie, Mat. 28:1–8 (Mak 16:1–8; Luk 24:1–12; Jọn 20:1–10).
O pụtara ìhè gosi onwe ya mgbe o bilitesiworo n’ọnwụ, Mat. 28:9–20 (Mak 16:9–18; Luk 24:13–48; Jọn 20:11–31; Ọlndoz. 1:3–8; 1 Ndị-Kọ 15:5–8).
Ọ rịgoro n’elu-igwe, Mak 16:19–20 (Luk 24:51–53; Ọlndoz. 1:9–12).

Ebube nke Jisus Kraịst

Ị pụta ìhè nile nke Kraịst mgbe o nweta sịwororị anụ arụ

Mgbe Jisus siri n’ọnwụ bilie, o bụrụ ụzọ pụta ìhè gosi Meri onwe ya, Mak 16:9 (Jọn 20:11–18).
Jisus na mmadụ abụọ n’ime ndị na-eso ụzọ na-aga na-akparịta ụka n’ụzọ Emeus, Luk 24:13–34.
Jisus pụtara ìhè nye Ndị-ozi, ndị metụrụ aka ya nile na ụkwụ ya aka, Luk 24:36–43 (Jọn 20:19–20).
Jisus pụtara ìhè nye Tọmas, Jọn 20:24–29.
Jisus pụtara ìhè nye ndị na-eso ụzọ n’osimiri Taiberịas, Jọn 21:1–14.
Jisus kwusara ozi-ọma ruo iri ụbọchị anọ mgbe mbilite n’ọnwụ ya gasịrị, Ọlndoz. 1:2–3.
Stifen hụrụ Jisus ka ọ na-eguzo n’aka-nri nke Chineke, Ọlndoz. 7:55–56.
Jisus pụtara ìhè nye Sọl, Ọlndoz. 9:1–8 (NAJS, Ọlndoz. 9:7; Ọlndoz. 26:9–17).
Ndị karịrị narị mmadụ ise hụrụ Kraịst anya, 1 Ndị-Kọ 15:3–8.

Ibu-amụma nile banyere ọmụmụ na ọnwụ nke Jisus Kraịst

Ịchị-eze otu puku afọ nke Kraịst

Ịgba-ama a gbara banyere Jisus Kraịst

Anyị na-ekwu maka Kraịst, anyị na an̄ụrị-on̄u n’ime Kraịst, anyị na-ekwusa maka Kraịst, anyị na-ebu amụma maka Kraịst, 2 Nif. 25:26.
Akwụkwọ nke Mọmọn bụ ime ka ndị Juu na Jentaịlụ nabata na Jisus bụ Kraịst ahụ, 2 Nif. 26:12 (Ibe irụ Akwụkwọ nke Mọmọn).
Ndị amụma nile na akwụkwọ nsọ nile na-agba-ama maka Kraịst, Jekọb 7:11, 19.
Chọọ Jisus a nke ndị amụma nile na Ndị-ozi nile deworo maka ya, Ita 12:41.

Ikike

Jisus na-ezi ha ihe ka onye nwere ikike, Mat. 7:28–29 (Mak 1:22).
Ọkpara nke mmadụ nwere ike n’elu ụwa igbaghara mmehie nile, Mat. 9:6.
Jisus na-eji ikike na-enye ndị mụọ na-adighị ọcha iwu, ha na-an̄a kwa ya nti, Mak 1:27 (Luk 4:33–36).
Jisus wee chie iri na abụọ ahụ echichi ka ha nwee ike, Mak 3:14–15.
Okwu nke Jisus dịịrị ike, Luk 4:32.
Nna ahụ e werewo ikpe nile nye Ọkpara ahụ, Jọn 5:22, 27.
Chineke jiri ike na Mụọ Nsọ tee Jisus mmanụ, Ọlndoz. 10:38.
Kraịst ka e buru ụzọ chie echichi tutu atọọ ntọ-ala nke ụwa, 1 Pita 1:20 (Ita 3:14).
Kraịst nwere ọtụghe-ụzọ nile nke ala mụọ na nke ọnwụ, Mkpu. 1:18.

Ikpe

Nna ahụ e nyewo Ọkpara ahụ ikpe n’aka, Jọn 5:22.
Ọbụrụ na mụ ọnwe m kpee ikpe, ikpe m bụ ezie, Jọn 8:16.
Chineke chiworo ya echichi ịbụ onye-ikpe nke ndị dị ndụ na ndị nwụrụ-anwụ, Ọlndoz. 10:42 (2 Tim. 4:1).
Chineke ga-ekpe ihe nzuzo nile nke mmadụ nile ikpe site n’aka Jisus Kraịst, Ndị-Rom 2:16.
Anyị nile ga-eguzo n’iru oche ikpe nke Kraịst, Ndị-Rom 14:10 (2 Ndị-Kọ 5:10; Alma 12:12; Mọm. 3:20; 7:6; Ita 12:38; OznỌd. 135:5).

Ima-atụ nke Jisus Kraịst

Ma ọbụghị ma mmadụ ga-eso ụkpụrụ nke Ọkpara Chineke dị ndụ, a gaghị azọpụta ya, 2 Nif. 31:16.
O ga-adị mma ka unu zuo-oke ọbụna dịka m, 3 Nif. 12:48.
Nke a ka unu ga-echeta ime mgbe nile, ọbụna dịka m meworo, 3 Nif. 18:6.
E doziwo m ihe ima-atụ nye unu, 3 Nif. 18:16.
Ọrụ nile nke unu hụworo m na-arụ nke ahụ ka unu ga-arụ kwa, 3 Nif. 27:21, 27.
Ndị nile bụ ndị na-eso Jisus Kraịst n’ezi okwu, ga-adị ka ya, Moro. 7:48.

Iwekwasị onwe anyị aha Jisus Kraịst

Gbaa aka-ebe na unu dị na njikere ibukwasị onwe unu aha nke Kraịst, site na baptism, 2 Nif. 31:13.
Ọ ga-adị m mma na unu ga-ebukwasị onwe unu aha nke Kraịst, Mosa. 5:6–12 (Mosa. 1:11).
Ndị ọbụla nke chọrọ ibukwasị onwe ha aha nke Kraịst, ha sonyere Nzukọ-nsọ nke Chineke, Mosa. 25:23.
Ndị ahụ nile bụ ndị kwere na Kraịst n’ezi-okwu wekwasịrị onwe ha aha nke Kraịst, Alma 46:15.
Ọnụ-ụzọ nke elu-igwe ghere oghe nye mmadụ nile ọbụla ndị ga-ekwere n’aha nke Jisus Kraịst, Hil. 3:28.
Ngọzi na-adịrị onye nke e nwetara na-enwe okwukwe n’aha m n’ụbọchị ikpe-azụ, Ita 4:19.
Ha nọ na njikere iwekwasị onwe ha aha nke Ọkpara ahụ, Moro. 4:3 (OznỌd. 20:77).

Ọdịdị nke Kraịst tutu anụ arụ

Onye-isi Nzukọ-nsọ

Ụdị nile ma-ọbụ akara nile nke Kraịst

Ebel wetakwara ụfọdụ n’ime ụmụ eburu ụzọ mụ n’ime igwe ewu na atụrụ ya nye onyinye, Jen. 4:4 (Moses 5:20).
Were nwa gị nwoke nke i nwere nanị ya, suree ya aja nsure-ọkụ, Jen. 22:1–13 (Jekọb 4:5).
Onye-nwe nyere ụmụ Israel iwu ka ha were nwa-atụrụ zuru oke, chụọ-aja, Ọpụ. 12:5, 21, 46 (Ọnọgụ. 9:12; Jọn 1:29; 19:33; 1 Pita 1:19; Mkpu. 5:6).
Nke a bụ nri nke Onye-nwe nyeworo unu ka unu rie, Ọpụ. 16:2–15 (Jọn 6:51).
I ga-eti oke nkume ahụ ihe, mmiri ga-esi kwa n’ime ya pụta, ka ndị m wee n̄uọ, Ọpụ. 17:6 (Jọn 4:6–14; 1 Ndị-Kọ 10:1–4).
Mkpi ahụ ga-ebu kwa n’arụ ya oke ajọ omume ha nile, Lev. 16:20–22 (Aịsa. 53:11; Mosa. 14:11; 15:6–9).
Moses welitere agwọ ọla bras elu iji zọpụta ndị ahụ bụ ndị legidere ya anya, Ọnọgụ. 21:8–9 (Jọn 3:14–15; Alma 33:19; Hil. 8:14–15).
Jona wee nọ n’afọ azụ ahụ ụbọchị atọ, Jona 1:17 (Mat. 12:40).