Moronaị Nwa-nwoke nke Mọmọn

Onye-amụma ikpe-azụ ndị Nifaị n’ime Akwụkwọ nke Mọmọn (ihe dịka afọ 421 mgbe a mụsịrị Kraịst) Obere oge tutu Mọmọn anwụọ, o nyefere otu akụkọ ndekọta nke a kpọrọ epekele nile nke Mọmọn n’aka nwa ya nwoke Moronaị (OkwMọm. 1:1). Moronaị mechara nchịkọta epekele nile nke Mọmọn. O wee tinye isi nile nke 8 na 9 n’ime Akwụkwọ nke Mọmọn (Mọm. 8:1). O wee dee na nke-nke ma tinye akwụkwọ nke Ita (Ita 1:1–2) na tinye kwa akwụkwọ nke ya nke a kpọrọ akwụkwọ nke Moronaị (Moro. 1:1–4). Moronaị wee rachite epekele nile ahụ na zoo ha n’ugwu Kumora (Mọm. 8:14; Moro. 10:2). N’afọ 1823 Onye-nwe zitere Moronaị dịka Onye biliteworo n’ọnwụ ikpughe Akwụkwọ nke Mọmọn nye Joseph Smith (A—JS 1:30–42, 45; OznỌd. 27:5). O nyere nwa okorọbịa onye amụma ahụ ntụzi-aka kwa afọ site 1823 ruo 1827 (A—JS 1:54) na ikpe-azụ nyefee ya epekele nile ahụ n’afọ 1827 (A—JS 1:59). Mgbe O mechara ntụgharị asụsụ, Joseph Smith nyeghachiri epekele nile ahụ n’aka Moronaị.