Cronolohiya ng Kasaysayan ng Simbahan

Joseph Smith (1805–44) isinilang kina Joseph Smith Sr. at Lucy Mack Smith, Sharon, Vermont (tingnan sa JS—K 1:3).

Natanggap ni Propetang Joseph Smith ang Unang Pangitain sa isang kakahuyan sa mga Kabayanan ng Palmyra at Manchester, New York, malapit sa kanyang tahanan (tingnan sa JS—K 1:15–17).

Dinalaw si Joseph Smith ni anghel Moroni at sinabi ang tungkol sa talaan na Aklat ni Mormon. Nakita ni Joseph ang mga laminang ginto na nakalagak sa isang malapit na burol (Cumorah) (tingnan sa JS—K 1:27–54).

Tinanggap ni Joseph Smith ang mga laminang ginto mula kay Moroni sa Burol ng Cumorah (tingnan sa JS—K 1:59).

Iginawad ni Juan Bautista ang Pagkasaserdoteng Aaron kina Joseph Smith at Oliver Cowdery sa Harmony, Pennsylvania (tingnan sa D at T 13; JS—K 1:71–72).

Tinanggap nina Joseph Smith at Oliver Cowdery ang Pagkasaserdoteng Melquisedec mula kina Pedro, Santiago, at Juan malapit sa Ilog Susquehanna na nasa pagitan ng Harmony, Pennsylvania, at Colesville, New York (tingnan sa D at T 128:20).

Natapos ang pagsasalin ng Aklat ni Mormon. Ipinakita sa Tatlong Saksi at sa Walong Saksi ang mga laminang ginto (tingnan sa 2 Ne. 11:3; 27:12–13; D at T 17).

Makakukuha na ng mga unang limbag na sipi ng Aklat ni Mormon, Palmyra, New York.

Itinatag ang Simbahan sa Kabayanan ng Fayette, New York.

Tumawag ng unang mga misyonero na mangangaral sa mga Lamanita (mga Katutubong Amerikanong Indian) (tingnan sa D at T 28; 30; 32).

Inutusan ang mga Banal na magtipon sa Ohio (tingnan sa D at T 37; 38: 31–32).

Inihayag ang pook para sa lunsod ng Sion (ang Bagong Jerusalem) sa Independence, Missouri kay Propetang Joseph Smith (tingnan sa D at T 57; S ng P 1:10).

Sina Sidney Rigdon at Frederick G. Williams ay itinalaga bilang mga Tagapayo sa Panguluhan ng Simbahan (tingnan sa buod ng D at T 81) at pinagkalooban ng mga susi nitong huling kaharian (tingnan sa buod ng D at T 90; talata 6).

Nagsimulang magsitakas ang mga Banal mula sa mga mandurumog sa Jackson County, Missouri patawid ng Ilog Missouri at patungo sa Clay County.

Nilisan ni Pangulong Joseph Smith ang Kirtland, Ohio, patungo sa Missouri bilang pinuno ng Kampo ng Sion upang sumaklolo sa mga Banal na pinaalis sa Jackson County.

Itinatag ang Korum ng Labindalawang Apostol, Kirtland, Ohio (tingnan sa D at T 107:23–24).

Sinimulan ang pagtatag ng Unang Korum ng Pitumpu, Kirtland, Ohio.

Ang Doktrina at mga Tipan ay tinanggap bilang isang pamantayang banal na kasulatan ng Simbahan, Kirtland, Ohio.

Inilaan ang Templo ng Kirtland (tingnan sa D at T 109).

Nagpakita si Jesucristo kina Joseph Smith at Oliver Cowdery sa Templo ng Kirtland. Sina Moises, Elias, at Elijah ay nagpakita at iginawad ang mga susi ng pagkasaserdote (tingnan sa D at T 110).

Si Heber C. Kimball at anim na iba pa ay dumating sa Liverpool, Inglatera, sa unang misyon ng Simbahan sa ibayong dagat.

Ang pangalan ng Simbahan ay tiniyak sa pamamagitan ng paghahayag (tingnan sa D at T 115:4).

Ibinilanggo si Propetang Joseph Smith at ang iba pa sa Piitan ng Liberty, Liberty, Clay County, Missouri (tingnan sa D at T 121–123).

Ang pagbibinyag para sa mga patay ay hayagang ipinahayag ni Propetang Joseph Smith.

Inilaan ni Elder Orson Hyde ang Banal na Lupain para sa pagbabalik ng mga anak ni Abraham (tingnan sa D at T 68:1–3; 124:128–129).

Itinatag ang Samahang Damayan para sa mga kababaihan, Nauvoo, Illinois.

Ipinagkaloob ang unang buong endowment ng templo.

Pagkakamartir kina Joseph Smith at Hyrum Smith sa Piitan ng Carthage (tingnan sa D at T 135).

Sinimulang tawirin ng mga Banal na taga-Nauvoo ang Ilog Mississippi patungong kanluran. Ilan sa mga Banal na nagmula sa silangan ay naglayag mula sa New York City patungong California na lulan ng barkong Brooklyn.

Tinawag ang Batalyon ng Mormon sa paglilingkod militar para sa Estados Unidos sa Iowa.

Nilisan ng pangkat ng mga tagabunsod ni Pangulong Brigham Young ang Winter Quarters upang maglakbay patungong kanluran (tingnan sa D at T 136).

Dumating si Pangulong Brigham Young sa Lambak ng Salt Lake.

Sinang-ayunan sa kumperensya ng Simbahan sina Pangulong Brigham Young, Elder Heber C. Kimball, at Elder Willard Richards bilang Unang Panguluhan.

Sinira ng mga kerwe ang mga pananim sa Lambak ng Salt Lake. Naligtas ang mga sakahan mula sa ganap na pagkasira nang kainin ng kawan-kawan na mga seagull (ibong-dagat) ang mga kerwe.

Itinatag ni Richard Ballantyne ang Panlinggung Paaralan.

Ang Deseret News ay nagsimulang malathala sa Salt Lake City.

Naantala ang mga Willie at Martin handcart company sa maagang pag-unos ng niyebe. Sila’y natagpuan ng pangkat na tagasagip na nagmula sa Lambak ng Salt Lake.

Muling itinatag ang Samahang Damayan sa ilalim ng tagubilin ni Pangulong Brigham Young.

Itinatag ang Samahang Retrenchment (Pagsupil sa Kamunduhan) ng mga Dalagita, na siyang sinundan ng programang Mga Kabataang Babae.

Itinatag ang Samahan para sa Mutwal na Pag-unlad ng Mga Kabataang Lalaki, na siyang sinundan ng programang Mga Kabataang Lalaki.

Inilaan ang Templo ng St. George. Natanggap ni Pangulong Brigham Young ang paghahayag na isaayos ang samahan ng pagkasaserdote at mga istaka ng Sion.

Idinaos ni Aurelia Spencer Rogers ang unang pulong ng Primarya sa Farmington, Utah.

Sinang-ayunan si John Taylor bilang Pangulo ng Simbahan. Ang Mahalagang Perlas ay tinanggap bilang isang pamantayang banal na kasulatan.

Paghahayag kay Pangulong John Taylor tungkol sa samahan ng mga Pitumpu.

Sinang-ayunan si Wilford Woodruff bilang Pangulo ng Simbahan.

Sinang-ayunan ang “Manifesto” sa pangkalahatang kumperensya, na ipinahahayag ang pagtigil sa pagsasagawa ng maramihang pagpapakasal (tingnan sa OP—1).

Inilaan ni Pangulong Wilford Woodruff ang Templo ng Salt Lake na 40 taong ginawa.

Naging Pangulo ng Simbahan si Lorenzo Snow.

Nakatanggap si Pangulong Lorenzo Snow ng paghahayag sa St. George na nagbigay-inspirasyon sa kanya na bigyang-diin ang ikapu (tingnan sa D at T 119).

Naging Pangulo ng Simbahan si Joseph F. Smith.

Natanggap ni Pangulong Joseph F. Smith ang pangitain tungkol sa pagtubos sa mga patay (tingnan sa D at T 138).

Naging Pangulo ng Simbahan si Heber J. Grant.

Sinimulan ang Programang Pangseguridad ng Simbahan upang tulungan ang mga maralita noong panahon ng Matinding Kahirapan; ito’y naging programang pangkapakanan ng Simbahan. Ito ay bunga ng isang paghahayag na noon ay natanggap ni Pangulong Heber J. Grant.

Unang pagtawag sa mga kaagapay ng Labindalawa.

Naging Pangulo ng Simbahan si George Albert Smith.

Sinang-ayunan si David O. McKay bilang Pangulo ng Simbahan.

Si Elder Harold B. Lee, sa ilalim ng tagubilin ng Unang Panguluhan, ay nagpahayag na lahat ng programa ng Simbahan ay pag-uugnayin sa pamamagitan ng pagkasaserdote upang palakasin ang mag-anak at ang bawat indibidwal.

Ang pagdaraos ng gabing pantahanan ng mag-anak ay muling binigyang-diin.

Naging Pangulo ng Simbahan si Joseph Fielding Smith.

Mga bagong magasin ng Simbahan—Ensign, New Era, at Friend—ay sinimulang ilathala.

Naging Pangulo ng Simbahan si Harold B. Lee.

Naging Pangulo ng Simbahan si Spencer W. Kimball.

Ipinahayag ni Pangulong Spencer W. Kimball ang muling pagtatatag sa Unang Korum ng Pitumpu.

Dalawang paghahayag ang idinagdag sa Mahalagang Perlas. Noong 1981, ang mga ito ay napagkasunduang maging D at T 137 at 138.

Sinang-ayunan ng Simbahan ang paghahayag na nagkakaloob ng pagkasaserdote sa bawat karapat-dapat na kasaping lalaki nang walang pagsasaalang-alang sa lahi o kulay ng balat (tingnan sa OP—2).

Nalathala ang LDS na edisyon ng Biblia n1 Haring Santiago na lakip ang mga pantulong sa pag-aaral.

Ang mga bagong edisyon ng Aklat ni Mormon, Doktrina at mga Tipan, Mahalagang Perlas ay nalathala sa wikang Ingles.

Itinalaga ang mga Panguluhan ng Pook, na ang mga kasapi ay tinawag mula sa mga Pitumpu.

Naging Pangulo ng Simbahan si Ezra Taft Benson.

Muling itinatag ang Pangalawang Korum ng Pitumpu.

Naging Pangulo ng Simbahan si Howard W. Hunter.

Naging Pangulo ng Simbahan si Gordon B. Hinckley.

Ang posisyong kinatawan ng rehiyon ay itinigil. Pagpapahayag ng isang bagong posisyon sa pamumuno na tatawaging Awtoridad ng Pook.

“Ang Mag-anak: Isang Pagpapahayag sa Mundo” na mula sa Unang Panguluhan at Kapulungan ng Labindalawang Apostol ay nalathala.

Oordenan ang mga Awtoridad ng Pook bilang mga Pitumpu. Ipinahayag ang Pangatlo, Pang-apat, at Panlimang Korum ng Pitumpu.

Ipinahayag ni Pangulong Hinckley ang pagpapatayo ng mas maliliit na templo.

Umabot sa 10 milyon ang kasapi sa Simbahan.

Ipinahayag ni Pangulong Hinckley ang layuning makapagbukas ng 100 templo sa pagsapit ng taong 2000.