¶ 1 FAKAFETAI kia Jihova, a hoku laumalie. E Jihova ko hoku Otua, oku ke lahi aubito; kuo kofu aki koe ae fakaabaaba moe mafimafi.

2 Oku ke ufiufi aki koe ae māma o hage koe kofu: oku ke fofola atu ae gaahi lagi o hage koe buibui:

3 Oku ne ai ae gaahi utoboto o hono gaahi fale i he gaahi vai: bea ko ene saliote ae gaahi ao: bea oku haele ia i he gaahi kabakau oe matagi:

4 Oku ne gaohi ene kau agelo ke hage koe matagi; mo ene kau faifekau koe afi oku ulo:

5 Naa ne ai ae gaahi tuuga o mamani, ke oua naa ue‘i ia o lauikuoga.

6 Oku ke ufiufi aki ia ae loloto o hage koe kofu: nae tuu ae gaahi vai o maoluga hake i he gaahi mouga.

7 I hoo valoki naa nau buna; i he le‘o o hoo fatuliji naa nau hola ai.

8 Oku nau alu hake i he gaahi mouga; bea nau alu hifo i he gaahi vahaa mouga ki he botu kuo ke teuteu ki ai.

9 Kuo ke ai hono gataaga ke oua naa alu atu ia i ai; koeuhi ke oua naa toe ha‘u ia ke lofia a mamani.

10 Oku ne fekau atu ae gaahi matavai i he gaahi luo, aia oku tafe i he lotolotoga oe gaahi foi mouga.

11 Oku inu mei ai ae faga manu kotoabe oe vao: bea oku inu o fiu ai ae faga asi hehegi.

12 Oku ma‘u i ai e he manu buna oe atā ho nau nofoaga, oku nau hiva i he gaahi vaa.

13 Oku ne fakaviviku ae gaahi foi mouga mei hono fale afioaga: oku makona ae kelekele i he fua o hoo gaahi gaue.

14 Oku fakatubu eia ae mohuku ma ae faga manu, moe akau ke aoga ki he tagata: koeuhi ke ne omi ae mea kai mei he kelekele;

15 Moe uaine aia oku fakafiefia‘i ae loto oe tagata, moe lolo ke fakagigila hono mata, moe ma ke fakamalohi ae loto oe tagata.

16 Oku fonu i he huhua ae gaahi akau o Jihova; koe gaahi sita o Lebanoni, aia kuo ne to;

17 Oku gaohi i ai e he faga manu buna ho nau bunuga: bea koe sitoaki, ko hono fale koe gaahi akau koe baini.

18 Koe gaahi foi mouga maoluga koe nufaga ia oe faga koji hehegi; bea moe gaahi maka ki he faga koni.

19 Naa ne tuutuuni ae mahina ki he gaahi faahita‘u: oku ilo‘i e he laa hono toaga.

20 Oku ke gaohi ae bouli, bea koe bo ia: bea oku totolo atu i ai ae faga manu kotoabe oe vao.

21 Oku gugulu ae faga laione mui ke ma‘u e nau mea, bea nau kumi e nau mea kai mei he Otua.

22 Oku hobo hake ae laa, bea oku nau fakataha ai, o nau tokoto i ho nau gaahi ana.

23 Oku alu atu ae tagata ki he ene gaue mo ene goue o a‘u ki he efiafi.

24 E Jihova, hono ikai lahi a hoo gaahi gaue! kuo ke gaohi kotoabe ia i he boto: oku fonu a mamani i hoo koloa.

25 Bea oku behe ae tahi lahi ni mo laulahi, aia oku ai ae gaahi mea totolo taefaalaua, ae faga ika iki moe lalahi.

26 Oku alu i ai ae gaahi vaka: oku i ai ae levaiatani koia, aia kuo ke gaohi ke ne fakava ai.

27 Oku tatali akinautolu ni kotoabe kiate koe: koeuhi ke ke foaki kiate kinautolu e nau mea kai i he feituulaa totonu.

28 Koia oku ke foaki kiate kinautolu oku nau tanaki: oku ke mafola ho nima, bea oku bito akinautolu i he lelei.

29 Oku ke fufu ho fofoga, bea nau mamahi ai: oku ke too atu e nau mānava, bea nau mate, bea foki ki ho nau efu.

30 Oku ke fekau atu ho Laumalie, bea oku fakatubu ai akinautolu: bea oku ke fakafoou ae fuga o mamani.

31 E tologa o taegata ae nāunāu o Jihova: e fiefia a Jihova i he ene gaahi gaue.

32 Oku afio ia ki mamani, bea tetetete ia: oku ala ia ki he gaahi foi mouga, bea oku nau kohu ai.

33 Teu hiva kia Jihova i he eku kei moui: teu hiva fakamalo ki hoku Otua i he lolotoga o eku moui.

34 E melie a eku fakakaukau kiate ia: teu fiefia ia Jihova.

35 Tuku ke ojiojigamalie ae kakai agahala mei mamani, bea oua naa kei toe ae kau agakovi. Fakafetai kia Jihova, a hoku laumalie. Mou fakamalo kia Jihova.