¶ 1 KE monuia be a Jihova ko hoku makatuu, aia oku ne ako ki hoku nima ke tau, mo hoku louhi‘i nima ke tau:

2 Ko hoku leleiaga, mo eku kolo: mo hoku fale maoluga, mo hoku fakamoui; ko hoku fakaū, bea ko ia oku ou falala ki ai; oku ne fakamoulaloa‘i hoku kakai kiate au.

3 E Jihova, koeha ae tagata, oku ke tokaga ai kiate ia! be koe foha oe tagata, koeuhi oku ke finagalo kiate ia!

4 Oku tatau ae tagata moe mea vaiga: ko hono gaahi aho oku hage koe ata oku mole atu.

5 Ofe‘i hifo, E Jihova, ho gaahi lagi, bea ke haele hifo: ala ki he gaahi mouga, bea te nau kohu ai.

6 Li atu ae uhila, bea fakamovete akinautolu: fana‘i atu hoo gaahi gahau, mo fakaauha akinautolu.

7 Fekau mai ho nima mei oluga; fakamoui au, mo fakahaofi au mei he gaahi vai lahi, mei he nima oe fānau ae muli;

8 Akinautolu oku lea aki e ho nau gutu ae vaiga, bea ko ho nau nima toomatau koe nima toomatau oe loi.

9 E Otua, teu hiva aki ae hiva foou kiate koe: teu hiva fakamalo kiate koe aki ae saliteli moe mea faiva oku filo e hogofulu.

10 Koia ia oku ne foaki ae fakamoui ki he gaahi tu‘i: oku ne fakamoui a Tevita ko ene tamaioeiki mei he heleta oe kovi.

11 Fakamoui au, mo fakahaofi au mei he nima oe fānau ae muli; akinautolu oku lea aki e ho nau gutu ae vaiga, bea ko ho nau nima toomatau koe nima toomatau oe loi:

12 Koeuhi ke tatau ho mau gaahi foha moe gaahi akau nae tubu i he e nau talavou; ke tatau ho mau gaahi ofefine moe gaahi maka oe tuliki, kuo ta o fakatatau moe fale fakaeieiki:

13 Koeuhi ke bito ai ho mau gaahi feleoko, oku omi mei ai ae mea kai kehekehe kotoabe: ke fanau e mau gaahi faga sibi i he lau‘i afe moe lau‘i mano i ho mau gaahi hala:

14 Ke malohi ai e mau faga bulu tagata ke gaue; ke oua naa ai ae oho mai, be ae hola kituaa; ke oua naa ai ha lāuga i ho mau gaahi hala.

15 Oku monuia ae kakai koia, aia oku behe: io, oku monuia ae kakai koia, oku Otua aki a Jihova.