¶ 1 E OTUA, koeha kuo ke liaki ai akimautolu o taegata? koeha oku kohu ai ho houhau ki he faga sibi o hoo goue?

2 Manatu ki he fakataha o hoo kakai, aia naa ke fakatau i mua; koe faahiga o ho tofia, aia kuo ke huhui; ae mouga ni ko Saione, aia naa ke nofo ai.

3 Hiki hake ho va‘e ki hono gaahi maumau kuo tuu mau be; io, ki he mea kotoabe kuo fai i he agakovi e he fili i he fale tabu.

4 Oku ioho a ho gaahi fili i he lotolotoga o hoo gaahi fakataha; oku nau fokotuu e nau gaahi fuka koe gaahi fakailoga.

5 Nae ogoogo ae tagata o fakatatau mo ene faa fai ke hiki ki oluga ae gaahi toki ki he gaahi akau lahi.

6 Ka koeni, kuo nau maumau‘i aki ae gaahi toki moe hamala ae gaahi mea togitogi kotoabe.

7 Kuo nau li ae afi ki ho fale tabu, kuo nau uli‘i ae afioaga o ho huafa o holoki hifo ia ki he kelekele.

8 Naa nau behe i ho nau loto, Ke tau fakaauha fakataha akinautolu: kuo nau tutu o oji ae gaahi fale lotu oe Otua i he fonua.

9 Oku ikai te mau kei mamata ki he e mau gaahi fakailoga: oku ikai ha balofita e toe: bea oku ikai ha toko taha iate kitautolu oku ne ilo be e fefe hono fuoloa.

10 E Otua, e fefe hono fuoloa oe lauikovi ae fili? e kabe ki ho huafa e he fili o taegata?

11 Koeha oku ke too atu ai ho nima, io, ho nima toomatau? too mai ia mei ho fatafata.

12 He koe Otua ko hoku Tu‘i talu mei mua, oku ne fai ae fakamoui i he lotolotoga o mamani.

13 Naa ke vaeua ae tahi i ho malohi: naa ke foa‘i ae ulu oe gaahi talakoni i he gaahi vai.

14 Oku ke foa‘i o laiki ae gaahi ulu o levaiatani, o ke age ia koe mea kai ki he kakai oku nofo i he toafa.

15 Naa ke vaeua ae matavai moe vaitafe lahi: naa ke fakamomoa ae gaahi vaitafe lahi.

16 Oku oou ae aho, bea oku oou foki moe bo: kuo ke teuteu ae māma moe laa.

17 Kuo ke ai ae gaahi gataaga kotoabe oe fonua; kuo ke gaohi ae faahita‘u mafana moe faahita‘u momoko.

18 E Jihova, manatu ki he mea ni, kuo lauikovi e he fili, bea kuo kabe ki ho huafa ae kakai vale.

19 Oua naa tukuage ae laumalie o ho ofaaga ki he fuu toko lahi oe kau agakovi: oua naa galo iate koe ae fakataha o ho kakai majiva o taegata.

20 Ke ke tokaga ki he fuakava: he oku bito ae gaahi botu fakabouli o mamani i he gaahi nofoaga oe agamalohi.

21 Oua naa ke tuku ke liu mai kuo ma ae kakai kuo taomia: tuku ke fakamalo ki ho huafa ae kau majiva moe vaivai.

22 E Otua, ke ke tuu hake, o lagomaki‘i hoo gaue aau: manatu ki he lauikovi‘i koe e he tagata vale i he aho kotoabe.

23 Oua naa galo ae le‘o o ho gaahi fili: koe maveuveu okinautolu oku tuu hake kiate koe oku tubulekina i he aho kotoabe.