¶ 1 OKU fakaha e he gaahi lagi ae nāunāu oe Otua; bea oku fakaha e he atā ae gaue a hono nima.

2 Oku lea e he aho ki he aho, bea fakaha e he bo ki he bo ae ilo.

3 Oku ikai ha le‘o be ha lea, oku tae ogo‘i ho nau le‘o.

4 Kuo hoko e nau fua ki he fonua kotoabe, moe nau gaahi lea ki he gataaga o mamani. Kuo fokotuu eia i ai ae nofoaga ki he laa,

5 Aia oku hage koe tagata taane oku ha‘u mei hono botu teuteu, bea fiefia o hage koe tagata malohi ke fakabuebue.

6 Ko hono hoboaga oku mei he gataaga oe lagi, mo hono aluaga ki hono gaahi gataaga: bea oku ikai ha mea e taha e lilo i hono mafana.

7 Koe fono a Jihova oku haohaoa, oku ne liliu ae laumalie: koe fakailo a Jihova oku tuu mau, oku ne fakaboto‘i ae vale.

8 Koe gaahi tuutuuni a Jihova oku totonu, oku nau fakafiefia‘i ae loto: koe fekau a Jihova oku maonioni, oku ne fakamāma ki he mata.

9 Koe manavahe kia Jihova oku maa, bea tologa taegata: koe gaahi fakamāu a Jihova oku mooni mo maonioni kotoabe.

10 Oku totonu ke lahi hake ae holi ki ai i he holi ki he koula, io, i he koula lahi mo lelei: oku hua melie lahi hake ia i he honi mo hono to‘i ae honi.

11 Bea kuo valokia ai foki a ho tamaioeiki: bea i he tauhi ki ai oku lahi hono totogi.

12 Kohai te ne faa ilo ene gaahi he? ke ke fakamaa au mei he gaahi agahala fufu.

13 Bea ke taofi hoo tamaioeiki foki mei he gaahi agahala oku fai i he ilo; ke oua naa nau bule‘i au: koia teu agatonu ai, bea teu maonioni mei he agahala lahi.

14 E Jihova, ko hoku malohi, mo hoku huhui, tuku ke lelei i ho ao, ae gaahi lea a hoku gutu, moe fakakaukau a hoku loto.