¶ 1 E JIHOVA, ko koe ko ho mau hufaga i he toutagata kotoabe.

2 I he heeki ai fakatubu ae gaahi mouga, bea teeki ai te ke gaohi ae fonua mo mamani, io, talu mei mua o a‘u o taegata, ko koe be koe Otua.

3 Oku ke liliu ae tagata ke auha; bea ke behe, Tafoki, akimoutolu ae fānau ae tagata.

4 He oku tatau i ho ao ae ta‘u e afe moe aneafi i hono hiliage ia, bea moe leo i he bo.

5 Oku ke ave akinautolu o hage koe ave e he vaitafe; oku nau hage koe mohe: i he bogibogi oku nau tatau moe mohuku oku tubu hake.

6 I he bogibogi oku lau mauiui ia, bea tubu hake: i he efiafi oku tuuji hifo ia, bea mae.

7 He oku mau auha i ho houhau, bea oku mau mamahi i ho tubutamaki.

8 Kuo ke tuku e mau gaahi hia i ho ao, bea moe mau gaahi agahala fufu i he māma o ho fofoga.

9 He oku oji atu ho mau gaahi aho kotoabe i ho houhau: oku mau fakaoji ho mau gaahi ta‘u o hage koe talanoa oku lau.

10 Koe gaahi aho o ho mau ta‘u koe ta‘u e fitugofulu; bea kabau e hoko ia i hono malohi ke valugofulu, ko hono malohi koe gaue moe mamahi; he oku tuuji vave ia, bea oku mau buna atu.

11 Kohai oku ne ilo‘i ae malohi o ho houhau? o hage ko ho manavaheia, oku behe ho houhau.

12 Ke behe hoo akonaki‘i akimautolu ke mau lau ho mau gaahi aho, koeuhi ke mau fakatokaga‘i ho mau loto ki he boto.

13 Tafoki, E Jihova, e fefe hono fuoloa? bea ke lolou koeuhi ko hoo kau tamaioeiki.

14 Ke ke fakamakona vave akimautolu aki hoo aloofa; koeuhi ke mau fiefia mo nekeneka i ho mau aho fulibe.

15 Ke ke fakafiefia‘i akimautolu o fakatatau ki he gaahi aho ne ke fakamamahi‘i ai akimautolu, bea moe gaahi ta‘u kuo mau mamata ai ki he kovi.

16 Bea ke tuku ke ha ki hoo kau tamaioeiki a hoo gaue, bea mo ho nāunāu ki he e nau fānau.

17 Bea ke iate kimautolu ae lelei o Jihova ko ho mau Otua: bea ke fokotuu ke mau ae gaue a ho mau nima kiate kimautolu; io, koe gaue a ho mau nima ke fakamau ia.