¶ 1 MOU kalaga fiefia ki he Otua, ae fonua kotoabe:

2 Hiva aki ae ogoogolelei o hono huafa fakaogoogolelei ae fakamalo kiate ia.

3 Mou behe ki he Otua, Oku ke fakamanavahe koe i hoo gaahi gaue! koe mea i hono lahi o hoo mafimafi e faka moulaloa ai ekinautolu e ho gaahi fili kiate koe.

4 E hu a mamani kotoabe kiate koe, o nau hiva kiate koe; te nau hiva ki ho huafa. Sila.

5 Ha‘u o mamata ki he gaahi gaue ae Otua: oku fakamanavahe ia i he ene gaue ki he gaahi fānau ae tagata.

6 Naa ne liliu ae tahi koe fonua momoa: naa nau alu i he fuu vaitafe i ho nau va‘e: naa tau fiefia iate ia i ai.

7 Oku bule ia i he ene mafimafi o taegata; oku vakai e hono fofoga ki he gaahi buleaga: oua naa hiki hake akinautolu e he kau agatuu. Sila.

8 Akimoutolu ae kakai, mou fakafetai ki ho tau Otua, bea fai ke ogo ae le‘o oe fakamalo kiate ia:

9 Aia oku ne boubou ho tau laumalie i he moui, bea ikai tuku ho tau va‘o ke gau‘e.

10 He kuo ke ilo‘i akimautolu, E Otua: kuo ke ahiahi‘i akimautolu, o hage koe ahiahi‘i oe siliva.

11 Naa ke omi akimautolu ki he kubega; naa ke ai ae mahaki ki he mau kogaloto.

12 Naa ke tuku ke laka ae kakai i ho mau ulu; naa mau alu be i he afi moe vai: ka naa ke omi akimautolu ki he botu mahu.

13 Teu hu ki ho fale moe gaahi feilaulau tutu: teu atu kiate koe o hage ko eku gaahi fuakava,

14 Aia kuo ogo atu mei hoku lougutu, bea lea aki e hoku gutu, i he eku i he mamahi.

15 Teu atu kiate koe ae gaahi feilaulau tutu ae faga manu jino, moe mea namu kakala oe faga sibi tagata; teu atu ae faga bulu moe faga koji. Sila.

16 Ha‘u o fanogo, akimoutolu kotoabe oku manavahe ki he Otua, bea teu fakaha aia kuo ne fai ki hoku laumalie.

17 Naaku tagi kiate ia aki hoku gutu, bea nae fakamalo a hoku elelo kiate ia.

18 Kabau teu tokaga ki he kovi i hoku loto, e ikai fanogo ae Eiki kiate au:

19 Ka koe mooni kuo ogo‘i au e he Otua; nae tokaga ia ki he le‘o o eku lotu.

20 Fakafetai ki he Otua, aia nae ikai te ne liaki eku lotu, be ko ene aloofa iate au.