¶ 1 FAKAFANOGO a hoku kakai ki he eku akonaki: fakatokaga‘i ho mou teliga ki he gaahi lea a hoku gutu.

2 Teu mafaa hoku gutu i he fakatātā: teu fakaha ae gaahi lea fufu mei mua:

3 Aia kuo tau fanogo ki ai bea ilo‘i, bea nae tala ia kiate kitautolu e he e tau gaahi tamai.

4 E ikai te tau fufu ia mei he e nau fānau, ka e fakaha ki he toutagata e hoko ae ogoogolelei o Jihova, mo hono malohi, moe gaahi gaue mana naa ne fai.

5 He naa ne fokotuu mau ae fono ia Jekobe, o ne tuutuuni ae akonaki i Isileli, aia naa ne fekau‘i e tau gaahi tamai, koeuhi ke nau fakailo ia ki he e nau fānau:

6 Koeuhi ke ilo ia e he toutagata e hoko, io, ae fānau e fanau‘i; aia te nau tubu hake o fakaha ia ki he e nau fānau:

7 Koeuhi ke nau amanaki lelei mau ai be ki he Otua, bea oua naa fakagalogalo‘i ae gaahi gaue ae Otua, ka e tauhi ene gaahi fekau:

8 Kae oua naa tatau moe nau gaahi tamai, koe toutagata baogataa mo agatuu; koe toutagata nae ikai te nau teuteu ho nau loto ke lelei, bea nae ikai tuu mau ho nau laumalie i he Otua.

9 Koe fānau a Ifalemi nae too mahafu tau, moe gaahi kaufana, naa nau hola i he aho oe tau.

10 Nae ikai te nau fai ki he fuakava ae Otua, bea nae ikai jii te nau loto ke aeva i he ene akonaki;

11 Bea naa nau fakagalogalo‘i ene gaahi gaue, mo ene gaahi mana naa ne fakaha kiate kinautolu.

12 Naa ne fai ae gaahi mea fakaofo i he ao oe nau gaahi tamai, i he fonua ko Ijibite, i he goue o Soani.

13 Nae vaeua eia ae tahi, bea ne bule ke nau alu atu ai; bea ne gaohi ae tahi ke tuu fakatafugofuga be.

14 Naa ne tataki foki akinautolu i he aho aki ae ao, bea i he bo aki ae māma oe afi.

15 Nae fahi‘i eia ae gaahi makatuu i he toafa, bea age ae inu kiate kinautolu o hage oku mei he loloto lahi.

16 Naa ne omi foki kiate kinautolu ae gaahi vaitafe mei he makatuu, o ne bule ke tafe hifo ae gaahi vai o hage koe gaahi vaitafe lahi.

17 Bea naa nau toe fai aganala kiate ia, i he e nau fakahouhau ki he Fugani Maoluga i he toafa.

18 Bea naa nau ahiahi‘i ae Otua i ho nau loto, i he e nau lea ke ma‘u ae kakano i he e nau holi kovi.

19 Io, naa nau lauikovi‘i ae Otua; naa nau behe, E faa teuteu e he Otua ae keinagaaga i he toafa?

20 Vakai, nae ta‘i eia ae makatuu, bea buna mei ai ae gaahi vai, bea bito o fetafeaki ae gaahi vaitafe; te ne faa tuku mai foki ae ma? e faa tokonaki eia ae kakano ma a hono kakai?

21 Koia nae fanogo ki ai a Jihova, bea houhau ia: koia nae tutu ai ae afi kia Jekobe, bea nae tubu hake foki ae tubutamaki ki Isileli;

22 Koeuhi nae ikai te nau tui ki he Otua, bea nae ikai ha falala ki he ene fakamoui:

23 Ne ogo ene fekau‘i ae gaahi ao i oluga, mo ene too ae gaahi mataba oe lagi,

24 O ne tuku ke to hifo ae mana kiate kinautolu ke nau kai, bea ne foaki kiate kinautolu ae uite oe lagi.

25 Nae kai e he tagata ae mea kai ae kau agelo: naa ne tuku atu ae mea kai ke nau makona ai.

26 Nae bule eia ke maili ae matagi hahake i he lagi: bea ne omi moe matagi toga i he ene mafimafi.

27 Nae fakato hifo eia ae kakano kiate kinautolu o tatau moe efu, moe faga manu kabakau o hage koe oneone oe tahi:

28 Bea naa ne tuku ke to ia i he lotolotoga o ho nau fale fehikitaki, o takatakai i ho nau gaahi nofoaga.

29 Koia naa nau kai, bea nau makona: he naa ne age kiate kinautolu e nau holi.

30 Nae ikai te nau mavahe mei he e nau holi kovi. Ka i he kei i ho nau gutu ae maaga,

31 Nae hoko ae houhau oe Otua kiate kinautolu, o ne tamate‘i ae fugani kakai jino iate kinautolu, bea ne ta hifo ae kau tagata kuo fili i Isileli.

32 Nae hoko ae gaahi mea ni, ka naa nau kei fai agahala be, o ikai tui ki he ene gaahi gaue mana.

33 Koia naa ne fakaoji ai ho nau gaahi aho i he mea vaiga be, mo ho nau gaahi ta‘u i he mamahi.

34 Bea i he ene tamate‘i akinautolu, naa nau toki kumi kiate ia: o nau tafoki o fehui fakavave ki he Otua.

35 Bea naa nau manatu ko ho nau maka ae Otua, bea ko ko nau huhui ae Otua maoluga.

36 Ka naa nau labu kiate ia i ho nau gutu, o nau loi kiate ia aki ho nau elelo.

37 He nae ikai totonu ho nau loto kiate ia, bea nae ikai te nau tuu mau i he ene fuakava.

38 Ka nae fonu ia i he aloofa, o ne fakamolemole e nau hia, bea nae ikai fakaauha akinautolu: io, nae liuga lahi ene fakaafe hono houhau, bea nae ikai te ne ue‘i hake hono houhau kotoabe.

39 He naa ne manatu koe kakano be akinautolu; koe matagi oku mole atu, bea ikai toe ha‘u.

40 Nae liuga fiha e nau fakahouhau kiate ia i he toafa, bea fakamamahi‘i ia i he botu lala!

41 Io, naa nau foki kimui bea ahiahi‘i ae Otua, o nau hūhūmama‘i ae Toko Taha Maonioni o Isileli.

42 Nae ikai te nau manatu ki hono nima, be koe aho naa ne fakamoui ai akinautolu mei he fili.

43 Mo ene fai ene gaahi fakailoga i Ijibite, mo ene gaahi mea mana i he goue o Soani:

44 Naa ne liliu ho nau gaahi vaitafe koe toto; mo ho nau gaahi vai lahi, nae ikai te nau faa inu ai.

45 Nae fekau atu eia kiate kinautolu ae gaahi lago kehekehe, aia nae keina akinautolu; moe faga boto, aia nae fakakovi‘i akinautolu.

46 Nae tuku foki eia ae fua oe nau goue ki he unufe, moe nau gaue ki he faga hee.

47 Naa ne tamate‘i e nau gaahi vaine aki ae uhamaka, moe nau akau koe sukamino aki ae momoko lahi.

48 Nae tuku foki eia e nau faga manu ki he uhamaka, moe nau faga sibi ki he gaahi faijijili vela.

49 Nae li eia ae kakaha o ene ita kiate kinautolu, ae houhau lahi, moe tubutamaki, moe mamahi, i he ene fekau atu kiate kinautolu ae kau agelo oe kovi.

50 Naa ne tofa ae hala ki hono houhau; bea nae ikai te ne fakahaofi e nau moui mei he mate, ka naa ne tukuage e nau moui ki he mahaki lahi;

51 O ne ta‘i ae uluaki fanau kotoabe i Ijibite; koe fugani malohi i he gaahi nofoaga o Hami.

52 Ka naa ne bule ke alu atu a hono kakai oona o hage koe faga sibi, o ne fakahinohino akinautolu i he toafa o hage koe fuu faga sibi.

53 Bea nae tataki fiemalie atu eia akinautolu, koia nae ikai ai te nau manavahe: ka nae lemohekina e he tahi a ho nau gaahi fili.

54 Bea nae omi eia akinautolu o ofi ki hono fale tabu, io, ki he mouga ni aia kuo fakatau e hono nima toomatau.

55 Nae kabuji foki eia ae hiteni mei ho nau ao, o ne vahe‘i kiate kinautolu ae tofia aki ae afo, bea ne bule ke nofo ae gaahi faahiga o Isileli i ho nau gaahi fale fehikitaki.

56 Ka naa nau kei ahiahi‘i mo fakahouhau‘i ae Otua fugani maoluga, o ikai tauhi ene gaahi fekau:

57 Ka naa nau foki kimui, o fai taeagatonu o hage koe nau gaahi tamai: nae alu kehe akinautolu o hage koe kaufana taka kehe.

58 Naa nau fakahouhau ia aki ho nau gaahi botu maoluga o nau fakafuaa ia aki e nau gaahi tamabua kuo ta.

59 Bea i he ogo‘i e he Otua ae mea ni, nae houhau ai ia, o fehia lahi ki Isileli:

60 Koia naa ne liaki ai ae fale fehikitaki o Sailo, ae nofoaga koia nae fokotuu eia i he lotolotoga oe kakai;

61 O ne tukuage hono malohi ke bobula, mo hono nāunāu ki he nima oe fili.

62 Nae fakatukutuku‘i foki eia hono kakai ki he heleta; bea nae houhau ia ki hono tofia.

63 Nae kai ke oji e he afi ho nau kau talavou; bea nae ikai unoho e nau kau taahine.

64 Nae to e nau kau taulaeiki i he heleta; bea nae ikai fai ha tagi e ho nau unoho.

65 Bea nae toki a ai ae Eiki o hage ko ha taha nae mohe, bea hage koe tagata malohi oku kalaga koe mea i he uaine.

66 Bea nae ta‘i eia hono gaahi fili i ho nau botu kimui: naa ne tuku akinautolu ke manukia mau ai be.

67 Bea naa ne liaki ae fale fehikitaki o Josefa, bea nae ikai te ne fili ae faahiga o Ifalemi:

68 Ka naa ne fili ae faahiga o Juta, koe mouga ko Saione aia naa ne ofa ki ai.

69 Bea naa ne laga hono fale tabu o hage koe gaahi fale maoluga, o hage koe fonua aia kuo fokotuu mau ke taegata.

70 Nae fili foki eia a Tevita ko ene tamaioeiki, o ne too ia mei he gaahi loto a sibi:

71 Naa ne omi ia mei he ene muimui i he faga sibi fefine nae talitali bo, ke ne fafaga a Jekobe ko hono kakai, mo Isileli ko hono tofia.

72 Bea naa ne fafaga akinautolu o fakatatau ki he agatonu o hono loto; o ne tataki akinautolu i he boto o hono nima.