¶ 1 E JIHOVA, ke ke fanogo ki he mea totonu, tokaga ki he eku tagi, fakafanogo ki he eku lotu, aia oku ikai mei he lougutu kākā.

2 Ke ha‘u mei ho ao a hoku fakamāu; ke afio‘i e ho fofoga aia oku totonu.

3 Naa ke ahiahi‘i hoku loto; naa ke aahi kiate au i he bouli; kuo ke ahiahi‘i au, ka e ikai te ke ilo ha mea; kuo bau be hoku loto e ikai hala hoku gutu.

4 Bea koe mea i he gaahi gaue ae tagata, i he folofola o ho lougutu kuou taofi aki au mei he gaahi aluaga oe fakaauha.

5 Ke ke tokoni eku alu atu i ho gaahi hala, ke oua naa hekea hoku va‘e.

6 E Otua naaku ui kiate koe, he te ke ogo‘i au: ke ke fakatokaga‘i ho teliga kiate au, bea fanogo ki he eku lea.

7 Fakaha hoo aloofa fakamanavahe, akoe oku ke fakamoui aki ho nima toomatau akinautolu oku falala kiate koe meiate kinautolu oku tuu hake kiate kinautolu.

8 Ke ke tauhi au o hage koe tama‘i mata, fakafufu au i he malu o ho kabakau,

9 Mei he kau agakovi aia oku nau taomia au, mei hoku gaahi fili fakabo, oku nau kabui au.

10 Kuo a‘i akinautolu aki ho nau fuu jino: oku nau lea fakafielahi aki ho nau gutu.

11 Koeni kuo nau kabui akimautolu i ho mau gaahi aluaga: kuo nau fakamamau ho nau mata o jio hifo ki he kelekele;

12 O hage koe laione oku holi ki he kai, bea hage koe laione mui oku toitoi i he gaahi botu lilo.

13 Tuu hake, E Jihova, o taofi ia, li ia ki lalo: fakahaofi hoku laumalie mei he tagata agakovi, aia ko hoo heleta:

14 E Jihova, mei he kau tagata oku i ho nima, mei he kau tagata o mamani, oku nau ma‘u ho nau inaji i he moui ni, akinautolu oku ke fakabito ho nau kete aki hoo koloa fufu: oku nau fonu i he gaahi fānau, bea oku nau tuku hono toe oe nau koloa ki he e nau kau valevale.

15 Ka ko au, teu mamata ki ho fofoga i he maonioni: teu fiemalie au, o kau ka a hake, i ho tatau.