Vahe 5
1 Oku lotu a Tevita, bea fakaha ene fakalaulauloto i he lotu. 4 Oku ikai fiemalie ae Otua ki he kau agahala. 7 Oku fakaha e Tevita ene tui, bea lotu ki he Otua ke ne tataki ia, 10 bea fakaauha hono gaahi fili, 11 mo fakamoui ae maonioni.
Ki he Takimua i he Nekiloti, koe Same a Tevita.
¶ 1 KE ke fofoga mai ki he eku gaahi lea, E Jihova, tokaga ki he eku fakalaulauloto.
2 Ke ke fanogo ki he le‘o o eku tagi, E hoku tu‘i, mo hoku Otua: he teu lotu be kiate koe.
3 Ko hoku le‘o te ke ogo‘i E Jihova, i he bogibogi; i he bogibogi teu o hake eku lotu kiate koe, beau haga hake.
4 He oku ikai koe Otua koe oku fiemalie i he agahala: bea e ikai nonofo mo koe ae kovi.
5 E ikai tuu i ho ao ae kau vale: oku ke fehia ki he kakai fai kovi kotoabe.
6 Te ke fakaauha akinautolu oku lea loi: e fākalilia a Jihova ki he tagata bani toto mo kākā.
7 Ka ko au, teu hu ki ho fale i he lahi o hoo aloofa: bea i he manavahe kiate koe teu hu i he fale tabu o hoo maonioni.
8 Tataki au, E Jihova, i hoo maonioni koeuhi ko hoku gaahi fili; fakatotonu ho hala i hoku mata.
9 He oku ikai ha mooni i ho nau gutu; oku matuaki kovi ho nau loto; ko ho nau kia koe fonualoto kuo matagaki; oku nau labu aki ho nau elelo.
10 Ke ke fakaauha akinautolu, E Otua; tuku ke nau higa i he e nau gaahi fakakaukau anautolu; ke ke li kitua akinautolu i he lahi oe nau talagataa; he kuo nau agatuu kiate koe.
11 Kae tuku ke fiefia akinautolu kotoabe aia oku falala kiate koe: ke nau kalaga mau ai be i he fiefia, koe mea i hoo malu‘i akinautolu: tuku ke fiefia iate koe akinautolu oku ofa ki ho huafa.
12 He ko koe, E Jihova, te ke tabuaki ae maonioni; te ke kabui aki ia ae ofa o hage koe fakāu.