¶ 1 KE tuu hake ae Otua, tuku ke veteki hono gaahi fili: tuku ke buna foki mei hono ao akinautolu oku fehia kiate ia.

2 Hage koe viligia o mole ae kohu, ke behe be hono viligia akinautolu: hage koe bulu oku vela o vai i he afi, ke auha behe be ae kau agahala i he ao oe Otua.

3 Ka e tuku ke fiefia ae maonioni; ke nekeneka akinautolu i he ao oe Otua: io, ke fiefia lahi aubito akinautolu.

4 Hiva ki he Otua, hiva fakamalo ki hono huafa: fakaogoogolelei ia oku haele i he gaahi toafa i hono huafa ko JIHOVA, bea fiefia i hono ao.

5 Koe tamai ae Otua ki he tamai mate, moe fakamāu ia i hono afioaga maonioni, ki he kau fefine kuo mate ho nau unoho.

6 Oku ai e he Otua ae kau baea i he gaahi fale: oku ne omi kitua akinautolu kuo ha‘i aki ae ukamea fihifihi: ka oku nofo ae kau agatuu i he fonua momoa.

7 E Otua, i hoo muomua atu ki ho kakai, i hoo haele i he toafa; Sila:

8 Nae galulu a mamani, bea gagana moe gaahi lagi foki i he ao oe Otua: io, nae gau‘eu‘e a Sainai i he ao oe Otua, koe Otua o Isileli.

9 E Otua, naa ke tuku hifo ae uha lahi, aia naa ke fakamalohi aki ho tofia, i he ene vaivai.

10 Nae nofo ki ai a ho kakai: E Otua, kuo ke tokonaki i hoo agalelei ki he majiva.

11 Nae foaki mai e he Eiki ae folofola: bea nae toko lahi akinautolu nae fakaha ia.

12 Nae hola vave ae gaahi tu‘i oe kau tau: bea nae tufa ae vete e he fefine nae nofo o leo.

13 Ne ogo hoo mou nofo i he lotolotoga oe gaahi kulo, ka te mou hage koe kabakau oe lube oku ufiufi aki ae siliva, mo hono fulufulu koe koula melomelo.

14 I he veteki i ai e he Mafimafi ae gaahi tu‘i, nae hinehina ia o hage koe uha hinehina i Salimoni.

15 Koe mouga oe Otua oku hage koe mouga ko Besani; koe mouga maoluga o hage koe mouga ko Besani.

16 Koeha oku mou hobohobo ai, akimoutolu koe gaahi mouga maoluga? koe mouga eni oku fili e he Otua ke nofo ki ai; io, e nofo ki ai a Jihova o taegata.

17 Koe gaahi saliote ae Otua oku ua mano, io, koe gaahi toko afe oe agelo: oku iate kinautolu ae Eiki, io, o hage ko ene i Sainai, i he botu maonioni.

18 Kuo ke haele hake ki oluga, kuo ke taki bobula ae fakabobula: kuo ke ma‘u ae gaahi mea foaki ki he kakai; io, ki he kau agatuu foki, koeuhi ke nofo kiate kinautolu a Jihova koe Otua.

19 Fakafetai ki he Eiki, aia oku ne hili kiate kitautolu ae kavega oe mea lelei i he aho kotoabe, io, koe Otua o ho tau fakamoui. Sila.

20 Koia, ko ho tau Otua koe Otua ia oe fakamoui; bea oku ia Jihova koe Eiki ae moui mei he mate.

21 Ka e ta‘i e he Otua ae ulu o hono gaahi fili, moe tumuaki fulufulu oia oku alu be i he ene gaahi talagataa.

22 Nae behe e he Eiki, Teu toe omi mei Besani, teu toe omi  hoku kakai mei he loloto oe gaahi tahi.

23 Koeuhi ke kulokula ho va‘e i he toto o ho gaahi fili, bea moe elelo o hoo faga kuli i ai.

24 Kuo nau mamata ki ho gaahi haeleaga, E Otua; io, koe gaahi haeleaga o hoku Otua, mo hoku Tu‘i, i he fale tabu.

25 Oku muomua ae kau hiva, bea hoko moe kau bulotu ta malie oe gaahi mea faiva; bea oku iate kinautolu ae kau taahine oku ta ae lali iki.

26 Mou fakafetai ki he Otua i he gaahi fakataha, io, ki he Eiki, akimoutolu mei he matavai o Isileli.

27 Oku i ai a Benijimani jii mo ho nau bule, ae houeiki o Juta moe nau fakataha, moe houeiki o Sebuloni, bea moe houeiki o Nafitali.

28 Ko ho Otua kuo ne tuutuuni ho malohi: ke ke fakamalohi, E Otua, aia naa ke fai kiate kimautolu.

29 Koe mea i ho fale tabu i Jelusalema e omi ai e he gaahi tu‘i ae gaahi mea ofa kiate koe.

30 Ke ke tautea ae faga manu oe vao kaho, ae fuu toko lahi oe faga bulu tagata, moe gaahi uhiki‘i bulu oe kakai, ke oua ke nau fakavaivai akinautolu aki ae gaahi koga siliva: ke ke veteki ae kakai oku manako ki he tau.

31 E ha‘u ae gaahi houeiki mei Ijibite; e mafao vave atu ae nima o Itiobea ki he Otua.

32 Ae gaahi buleaga o mamani, mou hiva ki he Otua; hiva aki ae fakamalo ki he Eiki: Sila:

33 Kiate ia oku heka ki he lagi oe gaahi lagi, aia nae i mua be; vakai, oku ne fakaogo atu hono le‘o, bea koe le‘o mafimafi ia.

34 Mou tuku ki he Otua ae malohi: oku i oluga i Isileli a hono nāunāu, mo ene mafimafi oku i he gaahi lagi.

35 E Otua, oku fakamanavahe koe itua i ho gaahi fale tabu: koe Otua o Isileli koia oku ne foaki ae malohi moe faa fai ki hono kakai. Fakafetai ki he Otua.