¶ 1 OKU bule a Jihova; tuku ke fiefia a mamani; bea nekeneka ae gaahi otu motu.

2 Oku takatakai ia e he gaahi ao moe fakabouli: koe agatonu moe fakamāu koe tuuga io o hono afioaga.

3 Oku muomua ae afi iate ia, bea vela ke oji hono gaahi fili oku takatakai.

4 Nae fakamāma aki a mamani a hono gaahi uhila: nae mamata ae fonua, bea tetetete.

5 Nae vela o vai ae gaahi mouga o hage koe bulu i he ao o Jihova, i he ao oe Eiki o mamani kotoabe.

6 Oku fakaha e he gaahi lagi ene maonioni, bea mamata ae kakai kotoabe ki hono nāunāu.

7 Ke bubutuu akinautolu kotoabe oku nau tauhi ae gaahi fakatātā kuo ta, mo nau bolebole i he gaahi tamabua: lotu kiate ia, akimoutolu kotoabe ae gaahi otua.

8 Nae fanogo a Saione, bea fiefia ai; bea nae fiefia ae gaahi ofefine o Juta koeuhi ko hoo gaahi fakamāu, E Jihova.

9 He ko koe, E Jihova, oku ke maoluga hake ki mamani kotoabe: oku ke maoluga lahi aubito i he gaahi otua kotoabe.

10 Akimoutolu oku ofa kia Jihova, mou fehia ki he kovi: oku fakamoui eia ae laumalie o ene kakai maonioni; oku ne fakamoui akinautolu mei he nima oe kau agahala.

11 Kuo tūtū‘i ae māma ma ae maonioni, moe fiefia ma ae agatonu i loto.

12 Mou fiefia ia Jihova ae kau agatonu; bea fakafetai i he manatu ki he ene maonioni.