¶ 1 E JIHOVA, ke ke manatu kia Tevita, mo ene mamahi kotoabe:

2 A ene fuakava kia Jihova, mo ene lea fakababau ki he Otua malohi o Jekobe;

3 Koe mooni e ikai teu alu ki hoku fale nofoaga, be alu hake ki hoku mohega;

4 E ikai teu tuku ae mohe ki hoko mata, be koe tulemohe ki hoku laumata,

5 Kae oua keu ilo ha botu moo Jihova, koe afioaga ki he Otua malohi o Jekobe.

6 Vakai, naa tau fanogo ki ai i Efalata: bea naa tau ilo ia i he gaahi goue oe vao.

7 Te tau hu ki hono gaahi fale fehikitaki: te tau lotu i hono tuuga va‘e.

8 Tuu hake, E Jihova, ki ho mālōlōaga; akoe, moe buha oe fuakava o ho malohi.

9 Ke kofu aki e hoo kau taulaeiki ae agatonu; bea ke kalaga i he fiefia a hoo kakai maonioni.

10 Koeuhi ko hoo tamaioeiki ko Tevita, oua naa ke fakatafoki ae mata o hoo bani.

11 Kuo fuakava a Jihova i he mooni kia Tevita; e ikai te ne liliu mei ai; Teu fokotuu ki ho nofoa ae fua o ho jino.

12 Kabau e fai e hoo fānau ki he eku fuakava mo eku fakamooni aia teu ako kiate kinautolu, e nofo foki e nau fānau i ho nofoa fakaeieiki o lauikuoga.

13 He kuo fili e Jihova a Saione; kuo ne finagalo ki ai ko hono afioaga.

14 Ko hoku mālōlōaga eni o taegata: teu nofo i heni; he naaku finagalo ki ai.

15 Koe mooni teu tabuaki lahi hono mea kai: teu fakamakona a hono kau majiva aki ae ma.

16 Teu fakakofu foki ene kau taulaeiki aki ae fakamoui: bea ko ene kau maonioni te nau kalaga o le‘o lahi i he fiefia.

17 Teu gaohi ke moto ai ae nifo o Tevita: kuou tuutuuni ae māma ma a eku bani.

18 Teu fakakofu aki hono gaahi fili ae ma: ka e mauiui a hono tatā iate ia.