¶ 1 E JIHOVA, kuo tubu o toko lahi akinautolu oku fakamamahi‘i au! oku toko lahi akinautolu aia oku tuu hake o agatuu kiate au.

2 Oku toko lahi akinautolu aia oku behe ki hoku laumalie, Oku ikai ha tokoni kiate ia i he Otua. Sila.

3 Ka ko koe, E Jihova, koe fakaū kiate au; ko hoku nāunāu, moe hiki hake a hoku ulu.

4 Naaku tagi kia Jihova aki hoku le‘o, bea naa ne ogo‘i au mei hono mouga maonioni. Sila.

5 Neu tokoto hifo o mohe; beau a hake; he ko Jihova naa ne tokoni‘i au.

6 E ikai teu manavahe i he gaahi toko mano oe kakai, aia oku agatuu o kabui au.

7 Tuu hake, E Jihova; fakamoui au, E hoku Otua: he kuo ke ta‘i hoku gaahi fili kotoabe i ho nau hui kouahe; kuo ke fejii ae kau nifo oe agakovi.

8 Oku ia Jihova ae fakamoui: ko hoo tabuaki oku i hoo kakai. Sila.