¶ 1 MOU fakamalo kia Jihova: he oku lelei ke hiva fakamalo ki ho tau Otua; he oku malie ia; bea oku gali ae fakamalo.

2 Oku laga hake e Jihova a Jelusalema: oku ne tanaki fakataha ae kau Isileli nae fakahe‘i.

3 Oku ne fakamoui akinautolu oku loto mafeji, o ne nonoo ho nau gaahi lavea.

4 Oku ne tala hono lau oe gaahi fetuu; oku ne ui akinautolu kotoabe i ho nau gaahi higoa.

5 Ko ho tau Eiki oku lahi ia, bea lahi hono malohi: ko ene ilo oku taegata.

6 Oku hiki hake e Jihova ae agamalu: oku li eia ae agahala ki he kelekele.

7 Hiva kia Jihova aki ae fakafetai; hiva fakamalo i he haabe ki ho tau Otua:

8 Aia oku ne ufiufi aki ae lagi ae gaahi ao, oku ne teuteu ae uha ki he kelekele, mo ne fakatubu ae mohuku i he gaahi mouga.

9 Oku ne foaki ki he manu ene mea kai, bea ki he faga leveni iki aia oku tagi.

10 Oku ikai fiefia ia i he malohi oe hose: oku ikai fiefia ia i he kau va‘e oe tagata.

11 Oku fiefia a Jihova iate kinautolu oku nau manavahe kiate ia, iate kinautolu oku nau amanaki ki he ene aloofa.

12 Fakamalo kia Jihova, E Jelusalema; fakamalo ki ho Otua, E Saione.

13 He kuo ne fakamalohi ae gaahi sogo o ho gaahi mataba; kuo ne tabuaki‘i hoo fānau i loto iate koe.

14 Oku fakatubu eia ae melino i ho gaahi botu, bea oku ne fakamahu aki koe ae uite oku fugani lelei.

15 Oku ne tuku atu ene fekau ki mamani: oku vave aubito ae lele atu o ene folofola,

16 Oku ne foaki ae uha hinehina o hage koe fulufulu‘i sibi: oku ne tūtū‘i ae hahau huo fefeka o hage koe efuefu.

17 Oku ne laku atu ae uha maka o hage koe gaahi momo‘i mea jii: kohai e faa kataki hono momoko?

18 Oku ne fekau atu ene folofola, bea oku vai ai ia: oku ne bule ke agi ene matagi, bea oku tafe atu ae gaahi vai.

19 Oku ne fakaha ene folofola kia Jekobe, a ene gaahi tuutuuni mo ene gaahi fakamāu ki Isileli.

20 Nae ikai te ne fai behe ki ha buleaga e taha: bea ko ene gaahi fakamāu, nae ikai te nau ilo ki ai. Mou fakamalo kia Jihova.