Vahe 13
1 Oku lāuga a Tevita i he fakatuai oe tokoni. 3 Oku ne lotu ke ma‘u ae ofa. 5 Oku ne vikiviki i he aloofa ae Otua.
Ki he Takimua, koe Same a Tevita.
¶ 1 E JIHOVA, e fefe hono fuoloa mo hoo kei fakagalogalo‘i au? ke taegata? e fefe hono fuoloa o hoo fufu ho fofoga iate au?
2 E fefe hono fuoloa mo eku lauloto mo hoku laumalie, o loto mamahi be i he aho kotoabe? e fefe hono fuoloa moe fielahi kiate au a hoku fili?
3 E Jihova ko hoku Otua, ke ke tokaga mai bea ogo‘i au: fakamāma hoku mata telia naaku mohe i he mohe oe mate;
4 Telia naa behe e hoku fili, Kuou ikuna ia; bea fiefia akinautolu oku fakamamahi‘i au o kau ka gau‘e.
5 Ka kuou falala ki hoo aloofa; e fiefia hoku loto i hoo fakamoui.
6 Teu hiva kia Jihova, koe mea i he ene fai lelei lahi aubito kiate au.