¶ 1 KE ke aloofa kiate au, E Otua, ke ke aloofa kiate au: he oku falala hoku laumalie kiate koe: io, bea teu hufaga i he malu o ho kabakau, ke oua ke mole o gata ae gaahi kovi ni.

2 Teu tagi ki he Otua fugani maoluga, ki he Otua oku fai ae gaahi mea kotoabe maaku.

3 Bea te ne fekau mei he lagi, o fakamoui au mei he lauikovi oia oku ne fie folo au ke oji. Sila. E fekau atu e he Otua ene aloofa mo ene mooni.

4 Oku i he lotolotoga oe faga laione hoku laumalie: bea oku ou tokoto mo kinautolu kuo vela, io, ae gaahi foha oe tagata, ko ho nau nifo koe gaahi tao moe gahau, bea ko ho nau elelo koe heleta majila.

5 E Otua, ke maoluga lahi hake koe i he gaahi lagi; tuku ke maoluga hake ho nāunāu i mamani kotoabe.

6 Kuo nau teuteu ae kubega ki hoku tuuga va‘e; kuo mabelu ki lalo hoku laumalie: naa nau keli ae luo i hoku ao, bea kuo to ki ai akinautolu. Sila.

7 Oku mau hoku loto, E Otua, oku mau hoku loto: teu hiva mo atu ae fakamalo.

8 Ke a hake, a hoku nāunāu; a hake, ae saliteli moe haabe: teu a hegihegi hake be au.

9 E Eiki, teu fakamalo kiate koe i he ao oe kakai: teu hiva kiate koe i he gaahi buleaga.

10 He oku lahi hoo aloofa o a‘u ki he gaahi lagi, mo hoo mooni ki he gaahi ao.

11 E Otua, ke maoluga lahi hake koe i he gaahi lagi: tuku ke maoluga hake ho nāunāu i mamani kotoabe.