¶ 1 MOU fakamalo kia Jihova. Mou atu ae fakafetai kia Jihova; he oku agalelei ia: koeuhi oku tologa o taegata a ene aloofa.

2 Kohai e faa fakamatala ki he gaahi gaue lahi a Jihova? kohai e faa fakaha ae fakamalo kotoabe kiate ia?

3 Oku monuia akinautolu oku tokaga ki he fakamāu, mo ia oku fai maonioni i he aho kotoabe.

4 E Jihova, ke ke manatu‘i au aki ae ofa aia oku ke ofa aki ki hoo kakai: ke ke aahi mai kiate au aki hoo fakamoui;

5 Koeuhi keu mamata ki he lelei oia kuo ke fili, koeuhi keu fiefia i he fiefia o ho buleaga, beau vikiviki ai fakataha mo ho tofia.

6 Ko kimautolu moe mau gaahi tamai kuo mau fai agahala, kuo mau fai ae gaahi hia, kuo mau fai kovi.

7 Nae ikai ilo e he e mau gaahi tamai hoo gaahi gaue fakaofo i Ijibite; nae ikai te nau manatu ki hono lahi o hoo gaahi aloofa; ka naa nau fakahouhau kiate ia i he tahi, io, i he Tahi Kulokula.

8 Ka naa ne fakamoui akinautolu koeuhi ko hono huafa, koeuhi ke ne fakailo a hono malohi lahi.

9 Nae valoki foki eia ae Tahi Kulokula, bea momoa ia: koia naa ne tataki akinautolu i he loloto, o hage koe toafa.

10 Bea naa ne fakamoui akinautolu mei he nima oia nae fehia kiate kinautolu, mo ne huhui akinautolu mei he nima oe fili.

11 Bea nae lomaki‘i ho nau gaahi fili aki ae gaahi vai: bea nae ikai hao ha toko taha iate kinautolu.

12 Bea naa nau toki tui ki he ene folofola; naa nau hiva aki ae fakamalo kiate ia.

13 Nae galo leva iate kinautolu ene gaahi gaue; bea nae ikai te nau tatali ki he ene akonaki:

14 Ka naa nau holi kovi aubito i he toafa, bea ahiahi‘i ae Otua i he botu lala.

15 Bea naa ne foaki kiate kinautolu aia naa nau kole; ka naa ne fekau ae tutue ki ho nau laumalie.

16 Naa nau meheka foki kia Mosese i he loto abitaga, mo Elone koe toko taha maonioni a Jihova.

17 Nae mafahi ae kelekele bea folo hifo ai a Tatani, mo ufiufi ai ae kakai o Ebilami.

18 Bea ne tutu ai ae afi i ho nau kakai; bea vela ke oji e he ulo afi ae kau agahala.

19 Naa nau gaohi ae fakatātā oe uhiki‘i bulu i Holebi, bea lotu ki he fakatātā koula.

20 Nae behe e nau liliu ho nau nāunāu ki he fakatātā oe bulu aia oku kai mohuku.

21 Naa nau fakagalogalo‘i ae Otua ko ho nau fakamoui, aia nae fai ae gaahi mea lahi i Ijibite;

22 Koe gaahi gaue fakaofo i he fonua o Hami, moe gaahi mea fakailifia i he Tahi Kulokula.

23 Koia naa ne behe te ne fakaauha akinautolu, ka ne ikai tuu i hono ao i he vahaa a Mosese aia kuo ne fili, ke fakatafoki hono houhau, telia naa fakaauha eia akinautolu.

24 Io, naa nau fehia ki he fonua lelei, nae ikai te nau tui ki he ene folofola:

25 Ka naa nau lāuga i ho nau gaahi fale fehikitaki, o tae tokaga ki he le‘o o Jihova.

26 Koia naa ne hiki hake ai hono nima kiate kinautolu, ke tulaki akinautolu i he toafa:

27 Ke tulaki foki ho nau hako i he ao oe gaahi buleaga, mo fakahe‘i akinautolu i he gaahi fonua.

28 Naa nau ului foki kia Beali‐beoli, mo nau kai ae gaahi feilaulau oe mate.

29 Koia naa nau fakahouhau‘i ia aki e nau gaahi filioi: bea nae oho mai ae mahaki fakaauha kiate kinautolu.

30 Bea nae toki tuu hake a Finiasi, o fai ae fakamāu: bea nae lolomi ai ae mahaki fakaauha.

31 Bea nae lau ia kiate ia koe maenioni i he gaahi toutagata kotoabe o lauikuoga.

32 Naa nau fakahouhau kiate ia foki i he gaahi vai oe fekeikei, bea hoko ae kovi kia Mosese koeuhi ko kinautolu:

33 Koe mea i he e nau fakatubu hono loto, koia naa ne le aki ae lea taegali e hono lougutu.

34 Nae ikai te nau fakaauha ae gaahi buleaga, aia nae fekau e Jihova kiate kinautolu:

35 Ka naa nau nofo fakataha moe hiteni, bea nau ilo e nau gaahi gaue.

36 Bea naa nau tauhi ho nau gaahi tamabua: aia nae hoko koe tauhele kiate kinautolu.

37 Io, naa nau feilaulau aki ho nau gaahi foha mo ho nau gaahi ofefine ki he kau tevolo,

38 Mo liligi ae toto maonioni, koe toto o ho nau gaahi foha mo ho nau gaahi ofefine, akinautolu naa nau feilaulau aki ki he gaahi tamabua o Kenani: bea nae fakakovi‘i ae fonua i he toto.

39 Bea nae fakauli‘i behe akinautolu i he e nau gaahi gaue, bea nau fai feauaki i he e nau gaahi filioi.

40 Koia nae tubu ai ae houhau o Jihova ki hono kakai, bea ne fākalilia ai ki hono tofia oona.

41 Bea naa ne tukuage akinautolu ki he nima oe hiteni; bea nae bule kiate kinautolu akinautolu nae fehia kiate kinautolu.

42 Bea nae fakamalohi‘i akinautolu e ho nau gaahi fili, bea nae fakamoulaloa akinautolu ki ho nau lalo nima.

43 Nae liuga lahi ene fakamoui akinautolu; ka naa nau fakahouhau‘i ia i he e nau fakakaukau, bea nae fakavaivai‘i akinautolu koeuhi koe nau hia.

44 Ka naa ne tokaga ki he e nau mamahi, i he ene ogo‘i e nau tagi:

45 Bea ne manatu‘i a ene fuakava mo kinautolu, bea ne fakatomala o fakatatau mo hono lahi o ene aloofa.

46 Naa ne bule foki ke manavaofa kiate kinautolu akinautolu kotoabe nae ave bobula akinautolu.

47 Fakamoui akimautolu, E Jihova ko ho mau Otua, bea tanaki akimautolu mei he lotolotoga oe hiteni, ke mau fakafetai ki ho huafa maonioni, bea hanuhanu i he fakamalo kiate koe.

48 Fakafetai kia Jihova koe Otua o Isileli talu mei mua o a‘u o taegata: bea tuku ke lea behe e he kakai kotoabe, Emeni. Mou fakamalo kia Jihova.