¶ 1 E OTUA o eku fakamalo, oua naa ke fakalogobe;

2 He kuo mafaa ae gutu oe agahala moe gutu oe kākā kiate au: kuo nau lea kovi kiate au aki ae elelo loi.

3 Naa nau kabui foki au aki ae gaahi lea oe taufehia; mo nau tau‘i au tae hano uhiga.

4 Koe mea i he eku ofa kuo hoko akinautolu ko hoku gaahi fili: ka teu hagahaga lotu be au.

5 Bea kuo nau totogi aki kiate au ae kovi ki he lelei, moe fehia ki he eku ofa.

6 Ke ke fakanofo ae tagata agakovi ke bule kiate ia: bea tuku ke tuu a Setani i hono nima toomatau.

7 Oka fakamāu ia, tuku ke halaia ia: bea tuku ke hoko ene lotu koe agahala.

8 Tuku ke jii be hono gaahi aho; bea ke ma‘u e ha taha kehe ene gaue.

9 Tuku ke tamai mate ene fānau, bea hoko a hono unoho koe fefine kuo mate hono unoho.

10 Tuku ke he mau ai be ene fānau, mo kole: bea tuku ke nau kumi foki e nau ma mei ho nau gaahi botu oku lala.

11 Tuku ke ma‘u e he fakamalohi ae mea kotoabe oku aana; bea maumau‘i e he kau muli ene gaue.

12 Oua naa tuku ha taha ke manavaofa kiate ia: bea oua naa tuku ha taha ke ofa ki he ene fānau oku tamai mate.

13 Tuku ke tuuji hono hako; bea i he toutagata e ha‘u tuku ke tamate‘i ho nau higoa.

14 Ke manatu‘i e Jihova ae hia a ene gaahi tamai; bea oua naa tamate‘i ae agahala a ene fa‘e.

15 Tuku mau ai be ia i he ao o Jihova, koeuhi ke ne tuuji ho nau fakamanatu‘i mei mamani.

16 Koeuhi nae ikai manatu‘i eia ke fakaha ae ofa, ka naa ne fakataga ae tagata majiva mo baea, koeuhi ke ne tamate‘i aia oku mafeji hono loto.

17 Koe mea i he ene ofa ki he kabekabe, koia ke hoko ia kiate ia: koe mea i he ene tae fiefia i he tabuaki, koia ke mamao ia iate ia.

18 Koe mea i he ene fakakofu aki ia ae kabe o hage koe kofu, koia ke hoko ia ki hono kete o hage koe vai, bea hage koe lolo ki hono gaahi hui.

19 Ke tatau ia kiate ia moe kofu aia oku ufiufi aki ia, bea moe noo aia oku nonoo aki mau ai be ia.

20 Tuku eni koe totogi ki hoku gaahi fili mei a Jihova, bea kiate kinautolu oku nau lea aki ae kovi ki hoku laumalie.

21 Ka ke fai ekoe maaku, E Jihova koe Eiki, koeuhi ko ho huafa: koeuhi oku lelei hoo aloofa, ke ke fakamoui au.

22 He oku ou majiva mo baea, bea kuo lavea hoku loto iate au.

23 Kuou mole atu o hage koe ata oka fakaaau ke oji ia: kuo feaveaki au o hage koe faga hee.

24 Oku vaivai hoku tui i he aukai: bea kuo mole ae jino o hoku kakano.

25 Neu hoko foki koe manukiaga kiate kinautolu: i he e nau jio mai kiate au, naa nau kalokalo ho nau ulu.

26 Tokoni‘i au, E Jihova ko hoku Otua: ke ke fakamoui au o hage ko hoo aloofa:

27 Koeuhi ke nau ilo ko ho nima eni; bea ko koe, E Jihova, kuo ke fai ia.

28 Tuku ke nau kabe, ka ke fakamonuia ekoe: oka nau ka tuu hake, tuku ke nau ma; kae tuku ke fiefia a hoo tamaioeiki.

29 Tuku ke kofu a hoku gaahi fili aki ae ma, bea tuku ke nau ufiufi aki akinautolu ae nau bubutuu, o hage koe bulubulu.

30 Teu fakamalo lahi kia Jihova aki hoku gutu; io, teu fakamalo kiate ia i he lotolotoga oe toko lahi.

31 Koeuhi e tuu ia i he nima toomatau oe majiva, ke fakamoui ia meiate kinautolu oku nau fakahalaia hono laumalie.