¶ 1 KOEHA oku ke fakamamao ai, E Jihova? koeha oku ke fakafufu ai koe i he gaahi aho oe mamahi?

2 I he fielahi ae agakovi oku ne fakataga‘i ae majiva: tuku ke moua akinautolu i he gaahi filioi aia kuo nau fakakaukau ki ai.

3 He oku bolebole ae agahala i he holi a hono loto, o ne fakamalo ki he manumanu aia oku fehia ki ai a Jihova.

4 Koe agahala, i he fielahi o hono mata, e ikai te ne kumi  ki he Otua: oku ikai kau ki he Otua ene gaahi mahalo kotoabe.

5 Oku fakamamahi mau ai be hono gaahi aluaga; oku maoluga lahi hake hoo gaahi fakamāu o ulia iate ia: bea oku ne ifi atu ki hono gaahi fili kotoabe.

6 Kuo behe eia i hono loto, e ikai teu gau‘e: koeuhi e ikai teu i he mamahi mei he toutagata ki he toutagata.

7 Oku fonu hono gutu i he kabe, moe kākā, moe loi: oku i hono lalo elelo ae bauu moe kovi.

8 Oku nofo ia i he gaahi toitoiaga oe gaahi botu kakai: oku fakabogi eia ae maonioni i he gaahi botu fakalilolilo: oku jiojio bau hono mata i he fufu ki he majiva.

9 Oku tokoto tatali be ia i he botu lilo, o hage koe laione i hono ana: oku tali tokoto ia ke ne bo ae majiva: oku ne bo ae majiva, i he ene fakatauvele‘i ia ki he ene hele.

10 Oku ne tulolo o fakavaivai ia, koeuhi ke higa ai ae majiva i he ene malohi.

11 Nae behe eia i hono loto, kuo galo i he Otua: oku fufu eia hono fofoga; e ikai aubito te ne mamata ki ai.

12 Tuu hake, E Jihova; E Otua, hiki hake ho nima: oua naa fakagalogalo‘i ae agavaivai.

13 Koeha oku manuki ai e he agakovi ki he Otua? nae behe eia i hono loto, E ikai te ke eke ki ai.

14 Kuo ke afio‘i ia; he oku ke afio‘i ae bauu moe fakafajifaji, ke totogi ia aki ho nima: oku tuku ia kiate koe e he majiva; ko koe koe tokoni oe tamai mate.

15 Feji‘i ekoe ae nima oe tagata agahala mo agakovi: kumi ene gaahi kovi kotoabe ke oua ke oji.

16 Koe Tu‘i a Jihova, o taegata bea taegata: kuo auha ae hiteni mei hono fonua.

17 E Jihova, kuo ke ogo‘i ae holi ae agavaivai: bea te ke teu‘i ho nau loto, te ke age ho fofoga ke afio‘i:

18 Ke fakamāu ae gaahi tamai mate moe kakai kuo taomia, koeuhi ke oua naa toe fakailifia‘i e he tagata oe fonua.