¶ 1 NAE behe E Jihova ki hoku Eiki, Nofo koe ki hoku nima toomatau, kae oua keu gaohi ho gaahi fili ko ho tuugava‘e.

2 E fekau e Jihova ae tokotoko o ho malohi mei Saione: ke ke bule i he lotolotoga o ho gaahi fili.

3 E loto matala a hoo kakai i he aho o ho malohi, i he gaahi teuga matamatalelei oe maonioni mei he manāva oe bogibogi: oku iate koe ae hahau o hoo talavou.

4 Kuo fuakava a Jihova, bea e ikai liliu ia, Koe taulaeiki koe o lauikuoga i he lakaga o Melikiseteke.

5 Koe Eiki aia oku i ho nima toomatau te ne ta‘i ae gaahi tu‘i i he aho o hono houhau.

6 Te ne fakamāu i he ao oe hiteni, te ne fakabito ae gaahi botu aki ae gaahi agaaga; e lavea iate ia ae ulu oe gaahi fonua lahi.

7 E inu ia i he vaitafe i he hala: koia te ne hiki hake ai ae ulu.