¶ 1 OUA naa tuku kiate kimautolu, E Jihova, oua naa tuku kiate kimautolu, ka ki ho huafa ae ogoogolelei, koeuhi ko hoo aloofa, bea mo hoo mooni.

2 Koeha e behe ai e he hiteni, Koefe ho nau Otua?

3 Ka ko ho tau Otua oku i he gaahi lagi: kuo ne fai aia kuo ne finagalo ki ai.

4 Ko ho nau gaahi tamabua koe siliva moe koula, koe gaue ae nima oe tagata.

5 Oku ai ho nau gutu, ka oku ikai te nau lea: oku nau ma‘u ae mata, ka oku ikai te nau mamata:

6 Oku nau teliga, ka oku ikai te nau ogo‘i: oku ai ho nau ihu, ka oku ikai te nau nanamu:

7 Oku nau ma‘u ae nima, ka oku ikai te nau ala ki ha mea: oku ai ho nau va‘e, ka oku ikai te nau aeva: bea oku ikai te nau lea aki ho nau kia.

8 Ko kinautolu oku gaohi akinautolu oku nau tatau mo kinautolu: bea oku behe be akinautolu kotoabe oku falala ki ai.

9 E Isileli, ke ke falala kia Jihova; ko ho nau tokoni ia mo ho nau fakaū.

10 E fale o Elone, ke ke falala kia Jihova: ko ho nau tokoni ia mo ho nau fakaū.

11 Akimoutolu oku manavahe kia Jihova, mou falala kia Jihova: ko ho nau tokoni ia mo ho nau fakaū.

12 Kuo manatu‘i e Jihova akitautolu: te ne tabuaki akitautolu; te ne tabuaki ae fale o Isileli; te ne tabuaki ae fale o Elone.

13 Te ne tabuaki akinautolu oku nau manavahe kia Jihova, ae iki moe lalahi.

14 E fakatokolahi akimoutolu e Jihova, bea te mou tubu be, akimoutolu mo hoo mou fānau.

15 Oku mou monuia ia Jihova, aia naa ne gaohi ae lagi mo mamani.

16 Oku o Jihova ae lagi, io, koe gaahi lagi: bea kuo ne foaki a mamani ki he fānau ae tagata.

17 Oku ikai fakamalo kia Jihova ae mate, be ha taha oku alu hifo ki he fakalogobe.

18 Ka te tau fakafetai kia Jihova mei he aho ni o taegata. Mou fakamalo kia Jihova.