¶ 1 MOU atu ae fakafetai kia Jihova; he oku agalelei ia: koeuhi oku tologa o taegata a ene aloofa.

2 Ke lea ni e Isileli, oku tologa o taegata a ene aloofa.

3 Ke lea ni ae fale o Elone, oku tologa o taegata a ene aloofa.

4 Tuku ke lea ni akinautolu oku nau manavahe kia Jihova, oku tologa o taegata a ene aloofa.

5 Naaku ui kia Jihova i he mamahi: bea nae talia au e Jihova, mo ne tuku au ki he botu ataatā.

6 Oku kau maaku a Jihova; e ikai teu manavahe: koeha e faa fai e ha tagata kiate au?

7 Oku fai maaku a Jihova mo kinautolu oku nau tokoni au: koia teu mamata ai kiate kinautolu oku nau fehia kiate au.

8 Oku lelei lahi ae falala kia Jihova i he falala ki he tagata.

9 Oku lelei lahi ae falala kia Jihova i he falala ki he gaahi eiki.

10 Nae kabui au e he gaahi buleaga kotoabe: ka i he huafa o Jihova teu fakaauha akinautolu.

11 Naa nau takatakai au; io, naa nau kabui au: ka i he huafa o Jihova teu fakaauha akinautolu.

12 Naa nau kabui au o hage koe faga bi; kuo tamate‘i akinautolu o hage koe afi i he akau talatala: he teu fakaauha akinautolu i he huafa o Jihova.

13 Kuo ke teke‘i malohi au koeuhi keu higa ai: ka nae tokoni au e Jihova.

14 Ko hoku malohi a Jihova mo eku hiva, bea kuo hoko ia ko hoku fakamoui.

15 Koe lea oe fiefia moe fakamoui oku i he gaahi fale fehikitaki oe agatonu: oku fai malohi ae nima toomatau o Jihova.

16 Kuo hiki hake ae nima toomatau o Jihova: oku fai malohi ae nima toomatau o Jihova.

17 E ikai teu mate, kae moui, o fakaha ae gaahi gaue a Jihova.

18 Kuo tautea fakamamahi‘i au e Jihova: ka oku teeki ai te ne tukuage au ki he mate.

19 Too kiate au ae gaahi mataba oe maonioni: teu hu ai, beau fakamalo kia Jihova:

20 Koe mataba eni o Jihova, aia e hu ai ae agatonu.

21 Teu fakamalo kiate koe: he kuo ke ogo‘i au, bea kuo ke hoko ko hoku fakamoui.

22 Koe maka nae liaki e he kau tufuga kuo hoko ia koe fugani maka oe tuliki.

23 Koe gaue eni a Jihova; bea koe mea fakaofo i ho tau ao.

24 Koe aho eni kuo gaohi e Jihova; te tau fiefia bea nekeneka ai.

25 E Jihova, oku ou kole kiate koe, ke ke fakamoui ni: E Jihova, oku ou kole kiate koe, ke ke tuku mai ni ae monuia.

26 Ke monuia ia oku ha‘u i he huafa o Jihova: kuo mau tabuekina akimoutolu mei he fale o Jihova.

27 Koe Otua ko Jihova ia, aia kuo ne fakaha ae māma kiate kitautolu: mou nonoo ae feilaulau aki ae gaahi afo ki he gaahi nifo oe feilaulauaga.

28 Ko koe ko hoku Otua, bea teu fakamalo kiate koe: ko koe ko hoku Otua, teu fakahikihiki‘i koe.

29 Mou atu ae fakafetai kia Jihova; he oku agalelei ia: koeuhi oku tologa o taegata a ene aloofa.