Vahe 119
ALIFA.
Oku fakaha e he same ni ae gaahi lotu, moe gaahi fakamalo, bea moe gaahi fakailoga oe talagofua.
¶ 1 OKU monui ae haohaoa i he hala, aia oku eveeva i he fono a Jihova.
2 Oku monui akinautolu oku tauhi ene gaahi fakamooni, bea kumi kiate ia aki ho nau loto kotoabe.
3 Oku ikai foki te nau fai ha kovi: oku nau aeva i hono gaahi hala.
4 Kuo ke fekau mai ke mau tauhi mau hoo gaahi akonaki.
5 Oku amujiaage e au kuo fakahinohino ki hoku gaahi hala ke fai ki hoo gaahi tuutuuni.
6 Bea e ikai teu ma, o kau ka tokaga ki hoo gaahi fekau kotoabe.
7 Teu fakamalo kiate koe i he agatonu oe loto, o kau ka ilo hoo gaahi fakamāu maonioni.
8 Teu fai ki hoo gaahi tuutuuni: oua naa ke jiaki aubito au.
BETA.
¶ 9 E fakamaa e he tagata talavou hono hala i he ha? i he ene tokaga ki ai o hage ko hoo folofola.
10 Kuo kumi kiate koe aki hoku loto kotoabe: oua naa tuku au keu he mei hoo gaahi fekau.
11 Kuou fufu hoo folofola i hoku loto, koeuhi ke oua naaku agahala kiate koe.
12 E Jihova, oku monuia a hoo afio: ako kiae au hoo gaahi tuutuuni.
13 Kuo fakaha aki hoku lougutu ae gaahi fakamāu kotoabe a ho fofoga.
14 Naaku fiefia i hono aluga o hoo gaahi fakamooni, o tatau moe gaahi koloa kotoabe.
15 Teu fakalaulauloto ki hoo gaahi akonaki, bea teu tokaga ki ho gaahi hala.
16 Teu fakafiefia‘i au i hoo gaahi tuutuuni: e ikai galo iate au hoo folofola.
KIMELA.
¶ 17 Foaki ke lahi ki hoo tamaioeiki, koeuhi keu moui, bea teu tauhi ki hoo folofola.
18 Ke ke fakaa hoku mata, koeuhi keu mamata ki he gaahi mea fakaofo i hoo fono.
19 Koe muli au i mamani: oua naa fufu hoo gaahi fekau iate au.
20 Oku mafeji hoku laumalie koeuhi ko ene holi ki hoo gaahi fakamāu i he aho kotoabe.
21 Kuo ke valoki‘i ae laukau, akinautolu oku malaia, aia kuo he mei hoo gaahi fekau.
22 Ave iate au ae taukaea moe manukia; he kuou fai ki hoo gaahi fakamooni.
23 Nae nofo foki ae gaahi eiki o lauikovi‘i au: ka nae fakalauloto a hoo tamaioeiki ki hoo gaahi tuutuuni.
24 Ko hoo gaahi fakamooni foki ko hoku fiefiaaga ia mo hoku gaahi akonaki‘i.
TALETA.
¶ 25 Oku bikitai a hoku laumalie ki he efu: ke ke fakamoui au o hage ko hoo folofola.
26 Kuou fakaha hoku gaahi hala, bea naa ke ogo‘i au: ako kiate au hoo gaahi tuutuuni.
27 Gaohi au keu ilo ae hala o hoo gaahi akonaki: bea teu lea ki hoo gaahi gaue fakaofo.
28 Kuo vai a hoku laumalie koeuhi koe ogojia: fakamalohi‘i au o hage ko hoo folofola.
29 Ke ke hiki iate au ae hala oe loi: bea ke tuku mai hoo fono kiate au i he ofa.
30 Kuou fili ae hala oe mooni: bea kuou fokotuu hoo gaahi fakamāu i hoku ao.
31 Kuou bikitai ki hoo gaahi fakamooni; E Jihova, oua naa ke fakama‘i au.
32 Teu lele i he hala o hoo gaahi fekau, ok ke ka fakaataatā hoku loto.
HE.
¶ 33 E Jihova, ke ke ako kiate au ae hala o hoo gaahi tuutuuni; bea teu fai ki ai o a‘u ki he gataaga.
34 Foaki mai kiate au ae faa ilo, bea teu fai ki hoo fono; io, teu tokaga ki ai aki hoku loto kotoabe.
35 Gaohi au keu alu i he hal o hoo gaahi fekau; he oku ou fiefia ai.
36 Fakatokaga‘i hoku loto ki hoo gaahi fakamooni, kae ikai ki he manumanu.
37 Taofi hoku mata mei he vakai ki he mea vaiga; bea ke fakaakeake au i ho hala.
38 Fakamooni hoo folofola ki hoo tamaioeiki, aia oku fakaabaaba kiate koe.
39 Taofi atu hoku manukia aia oku ou manavahe ai: he oku lelei hoo gaahi fakamāu.
40 Vakai, oku ou holi ki hoo gaahi akonaki: fakamoui au i ho maonioni.
VAU.
¶ 41 E Jihova, tuku ke hoko foki hoo gaahi aloofa kiate au, io, ko hoo fakamoui, o hage ko hoo folofola.
42 Behe teu ma‘u ha me ke tali aki kiate ia oku manuki‘i au: he oku ou falala ki hoo folofola.
43 Bea oua naa too aubito ae folofola oe mooni mei hoku gutu; he kuou amanaki lelei ki hoo gaahi fakamāu.
44 Behe teu fai mau ai be ki hoo fono o lauikuoga bea taegata.
45 Bea teu eveeva i he tauataina: he oku ou kumi ki hoo gaahi akonaki.
46 Teu lea foki ki hoo gaahi fakamooni i he ao oe gaahi tu‘i, bea e ikai teu ma ai.
47 Bea teu fakafiefia‘i au i hoo gaahi fekau, aia kuou ofa ki ai.
48 Teu hiki hake foki hoku nima ki hoo gaahi fekau, aia kuou ofa ki ai; bea teu fakalaulauloto ki hoo gaahi tuutuuni.
SAINI.
¶ 49 Manatu‘i ae folofola ki hoo tamaioeiki, aia kuo ke fakaamanaki‘i au ki ai.
50 Ko hoku fiemalieaga eni i he eku mamahi: he ko hoo folofola kuo nefakamoui au.
51 Kuo manuki lahi kite au ae laukau: ka nae ikai teu afe mei hoo fono.
52 E Jihova, naaku manatu ki hoe gaahi fakamāu i mua; beau fakafiemalie‘i au.
53 Kuo bukea au e he ilifia koeuhi koe agahala kuo nau jiaki hoo fono.
54 Ko hoo gaahi tuutuuni ko eku hiva ia i he fale o eku aunofo.
55 E Jihova, kuou manatu ki ho huafa i he bo, beau fai ki hoo fono.
56 Naaku ma‘u eni, koe mea i he eku fai ki hoo gaahi akonaki.
KETA.
¶ 57 E Jihova, ko hoku inaji akoe: naaku behe teu fai ki hoo gaahi folofola.
58 Naaku kole ki hoo ofa aki hoku loto kotoabe: ke ke aloofa mai kiate au e hage ko hoo folofola.
59 Naaku fifili ki hoku gaahi aluaga, beau fakaafe hoku va‘e ki hoo gaahi fakamooni.
60 Neu fakatootoo, bea ikai tuai eku fai ki hoo gaahi fekau.
61 Kuo kaihaajia au e he gaahi kaihaakau oe kau agahala: ka nae ikai galo iate au a hoo fono.
62 Teu tuu hake i he tuuabo malie ke fakafetai kiate koe koeuhi ko hoo gaahi fakamāu maonioni.
63 Oku ou kaumea mo kinautolu ko toabe oku manavahe kiate koe, mo kinautolu oku fai ki hoo gaahi fekau.
64 E Jihova, oku fonu a mamani i hoo aloofa: ke ke ako kiate au a hoo gaahi tuutuuni.
TETA.
¶ 65 E Jihova, kuo ke fei fai lelei ki hoe tamaioeiki, o hage ko hoo folofola.
66 Ke ke ako kiate au ae fakamāu lelei moe faa ilo: he oku ou tui ki hoo gahi fekau.
67 I he heeki ai teu mahaki naaku he: ka koeni kuou fai ki hoo folofola.
68 Oku ke agalelei, bea oku ke fai lelei; ke ke ako kiate au a hoo gaahi tuutuuni.
69 Kuo fakatubu e he fielahi ae loi kiate au: ka teu fai ki hoo gaahi akonaki aki hoku loto kotoabe.
70 Oku tatau ho nau loto moe gako; ka oku ou fiefia i hoo fono.
71 Kuo aoga kiate au a hoku mahaki; goehi keu ilo ai hoo gaahi tuutuuni.
72 Oku lelei lahi kiate au ae fono a ho fofoga i he gaahi afe oe koga koula moe siliva.
IOTA.
¶ 73 Ko ho nima naa ne gaohi au mo fakatonutonu: foaki mai ae boto, koeuhi keu ilo‘i hoo gaahi fekau.
74 Ko kinautolu oku manavahe kiate koe te nau fiefia oka nau ka mamata kiate au; koeuhi naaku amanaki ki hoo folofola.
75 E Jihova, oku ou ilo oku totonu hoo gaahi fakamāu, bea i he agatonu kuo ke fakamamahi‘i au.
76 Oku ou kole kiate koe, tuku ke fakafiemalie‘i au e hoo aloofa, o hage ko hoo folofola ki hoo tamaioeiki.
77 Tuku ke hoko kiate au hoo gaahi aloofa ogogofua, koeuhi keu moui ai: he ko hoo fono ko hoku fiefiaaga ia.
78 Tuku ke ma ae fielahi; he naa nau fai kovi kiate au tae hano uhiga: ka teu fakalaulauloto ki hoo gaahi akonaki.
79 Tuku ke tafoki mai kiate au akinautolu oku manavahe kiate koe, bea mo kinautolu kuo nau ilo‘i hoo gaahi fakamooni.
80 Tuku ke haohaoa hoku loto i hoo gaahi tuutuuni; koeuhi ke oua naaku ma ai.
KAFA.
¶ 81 Oku bogia hoku laumalie i he fie ma‘u hoo fakamoui: ka oku ou amanaki ki hoo folofola.
82 Oku vaivai hoku mata koeuhi ko hoo folofola, oku ou behe, Te ke fakafiemalie‘i au afe?
83 He kuou hoko o tatau moe hin i he ohu afi; ka oku ikai galo iate au hoo gaahi tuutuuni.
84 Oku fiha ae gaahi aho o hoo tamaioeiki? te ke fakamāu afe akinautolu oku fakataga‘i au?
85 Kuo keli e he fielahi ae gaahi luo kiate au, aia oku ikai tatau mo hoo fono.
86 Oku tuu mau hoo gaahi fekau kotoabe: oku tae totonu e nau fakataga‘i au; ke ke tokoni‘i au.
87 Naa nau meimei fakaauha au i mamani ka nae ikai teu jiaki hoo gaahi akonaki.
88 Fakamoui au o hage ko hoo aloofa; koia teu tauhi ai a fakamooni a ho fofoga.
LAMETA.
¶ 89 E Jihova, oku tuu mau hoo folofola i he lagi o lauikuoga.
90 Oku a‘u atu hoo mooni ki he gaahi toutagata kotoabe: kuo ke fokotuu a mamani, bea oku tuu mau ia.
91 Oku nau tologa he aho ni o hage ko hoo gaahi tuutuuni: he ko hoo kau tamaioeiki ae mea kotoabe.
92 Ka ne ikai ko hoku fiefiaaga a hoo fono, behe, neu mate i hoku mahaki.
93 E ikai jii galo iate au hoo gaahi akonaki o lauikuoga: he koia kuo ke fakamoui ai au.
94 Oku aau au, ke ke fakamoui au: he kuou kumi ki hoo gaahi akonaki.
95 Kuo tatali ae agahala kiate au ke tamate‘i au: ka teu fifili ki hoo gaahi fakamooni.
96 Kuou mamata ki hono gataaga oe haohaoa kotoabe: ka oku laulahi aubito a hoo fekau.
MEMA.
¶ 97 Oku ou ofa lahi ki hoo fono: oku ou fakalaulauloto ki ai i he aho kotoabe.
98 Kuo ke gaohi au i hoo gaahi fekau keu boto hake i hoku gaahi fili: he oku iate au mu ai be ia.
99 Oku ou boto lahi hake i he eku kau akonaki kotoabe: he ko hoo gaahi fakamooni ko hoku fakakaukauaga ia.
100 Oku ou ilo lahi hake i he kau mātua, koeuhi oku ou tauhi hoo gaahi akonaki.
101 Naaku taofi hoku va‘e mei he hala kovi kotoabe, koeuhi keu fai ki hoo folofola.
102 Nae ikai teu afe mei hoo gaahi fakamāu: he kuo ke akonki‘i au.
103 Oku hua melie lahi hoo gaahi folofola ki hoku ifo! io, oku melie lahi i he honi ki hoku gutu!
104 Oku ou ma‘u ae boto i hoo gaahi akonaki: koia oku ou fehia ai ki he hala kotoabe oe loi.
NUNA.
¶ 105 Ko hoo folofola koe tūhulu ia ki hoku va‘e, moe māma ki hoku hala.
106 Kuou fuakava, bea teu fai ki ai, keu fai ki hoo gaahi fakamāu maonioni.
107 Oku lahi aubito hoku mahaki: fakamoui au, E Jihova, o hage ko hoo folofola.
108 E Jihova, oku ou kole kiate koe, ke ke ma‘u ae gaahi feilaulau loto lelei a hoku gutu, bea ke ako kiate au hoo gaahi fakamāu.
109 Oku i hoku nima mau ai be a eku moui: ka oku ikai galo iate au hoo fono.
110 Kuo ai e he agahala ae tauhele kiate au: ka ne ikai teu he mei hoo gaahi akonaki.
111 Kuou ma‘u a hoo gaahi fakamooni ko hoku tofia o lauikuoga: he koe fiefiaaga ia o hoku loto.
112 Kuou fakatokaga‘i hoku loto ke fai mau ai be ki hoo gaahi tuutuuni, o a‘u ki he gataaga.
SAMEHA.
¶ 113 Oku ou fehia ki he gaahi mahalo kovi: ka oku ou ofa ki hoo fono.
114 Ko koe ko hoku toitoiaga mo hoku fakaū; oku ou amanaki lelei i hoo folofola.
115 Alu iate au, akimoutolu oku fai kovi: he teu fai ki he gaahi fekau a hoku Otua.
116 Boubou hake au o hage ko hoo folofola, koeuhi keu moui ai: bea oua naa tuku au keu ma i he eku amanaki.
117 Ke ke boubou hake au, bea teu hao ai: bea teu tokaga mau ai be ki hoo gaahi tuutuuni.
118 Kuo ke malaki hifo akinautolu kotoabe oku he mei hoo gaahi tuutuuni: he koe nau kākā koe loi ia.
119 Oku ke jiaki ae kau agahala kotoabe o mamani o hage koe otoota: koia oku ou ofa ai ki hoo gaahi fakamooni.
120 Oku tetetete hoku kakano koe mea i he eku manavahe kiate koe; bea oku ou manavahe ki hoo gaahi fakamāu.
OINI.
¶ 121 Kuou fai ae fakamāu moe agatonu: oua naa tukuage au ki he kau fakamalohi kiate au.
122 Ke ke hoko koe ugaki‘i ki hoo tamaioeiki keu lelei ai; oua naa tuku ke taomia au e he fielahi.
123 Oku vaivai hoku mata koeuhi ko hoo fakamoui, bea moe folofola o hoo maonioni.
124 Fai ki hoo tamaioeiki o hage ko hoo aloofa, bea ke ako kiate au a hoo gaahi tuutuuni.
125 Ko hoo tamaioeiki au; foaki mai ae boto, koeuhi keu ilo ai hoo gaahi fakamooni.
126 E Jihova, kuo hoko ae kuoga ke ke gaue ai: he kuo nau fakataeaoga‘i hoo fono.
127 Koia oku ou ofa lahi hake ki hoo gaahi fekau i he koula; io, i he koula lelei.
128 Koia oku ou behe oku totonu noe gaahi akonaki kotoabe; bea oku ou fehi ki he hala kotoabe oe loi.
BE.
¶ 129 Oku fakamanavahe hoe gaahi fakamooni: koia oku fai ki ai a hoku laumalie.
130 Koe hu loto a hoo gaahi folofola oku foaki ai ae māma; oku omi eia ae boto ki he tae kākā.
131 Neu mafaa hoku gutu, beau holi: he oku ou feiga ki hoo gaahi fekau.
132 Ke ke afio mai kiate au, mo ke aloofa kiate au, o hage ko hoo faa fai kiate kinautolu oku ofa ki ho huafa.
133 Tuutuuni eku gaahi laka i hoo folofola: bea oua naa tuku ke bule kiate au ha hia e taha.
134 Fakamoui au mei he fakamalohi ae tagata: bea teu fai ki hoo gaahi akonaki.
135 Tuku ke ulo mai ho fofoga ki hoo tamaioeiki; bea ke ako kiate au hoo gaahi tuutuuni.
136 Oku tafe hifo ae gaahi vaitafe i hoku mata, koeuhi oku ikai te nau tokaga ki hoo fono.
SATI.
¶ 137 E Jihova, oku ke agatonu, bea oku totonu hoo gahi fakamāu.
138 Oku maonioni bea oku tuu mau aubito hoo gaahi fakamooni aia kuo ke fekau mai.
139 Kuou ojiojiloto i he eku fai feiga, koeuhi kuo galo i hoku gaahi fili hoo gaahi folofola.
140 Oku haohaoa aubito hoo folofola: koia oku ofa ki ai a hoo tamaioeiki.
141 Oku ou jii au mo manukia: ka oku ikai galo iate au hoo gaahi akonaki.
142 Ko hoo maonioni koe maonioni taegata, bea ko hoo fono koe mooni ia.
143 Kuo bukea au e he mamahi moe feiga: ka ko hoo gaahi fekau ko hoku fiefiaaga ia.
144 Oku taegata ae maonioni o hoo gaahi fakamooni: ke ke foaki mai ae boto, bea teu moui ai.
KOFI.
¶ 145 Naaku tagi aki hoku loto kotoa; ke ke ogo‘i au, E Jihova: teu fai ki hoo gaahi tuutuuni.
146 Neu tagi kiate koe; fakamoui au, koeuhi keu fai ki hoo gaahi fakamooni.
147 Naaku muomua i he maa ae aho, beau tagi: neu amanaki i hoo folofola.
148 Oku muomua a hoku mata ki he gaahi leo oe bo, koeuhi keu fakakaukau ki hoo folofola.
149 Ke ke fanogoki hoku le‘o o hage ko hoo aloofa: E Jihova, fakamoui au o hage ko hoo fakamāu.
150 Oku unuunu mai akinautolu oku nau agimui ki he kovi: oku nau mamao mei hoo fono.
151 Oku ke ofi mai, E Jihova; bea oku mooni hoo gaahi fekau kotoabe.
152 Koeuhi ko hoo gaahi fakamooni, kuo fuoloa eku ilo kuo ke fakamāu ia o lauikuoga.
LESA.
¶ 153 Ke ke tokaga ki hoku mahaki, bea ke fakamoui au: he oku ikai galo iate au hoo fono.
154 Ke ke fakamatala eku mea, mo fakahaofi au: fakamoui au o hage ko hoo folofola.
155 Oku mamao ae fakamoui mei he agahala: he oku ikai te nau kumi ki hoo gaahi tuutuuni.
156 Oku lahi hoo gaahi aloofa ogogofua, E Jihova: fakamoui au o hage ko hoo gaahi fakamāu.
157 Oku toko lahi hoku kau fakataga mo hoku gaahi fili; ka oku ikai teu afe mei hoo gaahi fakamooni.
158 Naaku mamata ki he kau talagataa, beau mamahi ai; koeuhi nae ikai te nau fai ki hoo folofola.
159 Ke ke afio ki hono aga o eku ofa ki hoo gaahi akonaki: fakamoui au, E Jihova, o hage ko hoo aloofa.
160 Oku mooni hoo folofola mei hono kamataaga: bea oku tologa o taegata hoo gaahi fakamāu maonioni kotoabe.
SINI.
¶ 161 Kuo fakataga au tae hano uhiga e he gaahi eiki: ka oku fakaabaaba a hoku loto ki hoo folofola.
162 Oku ou fiefia i hoo folofola, o hage koe taha oku ne ilo ae koloa lahi.
163 Oku ou fehia mo fākalilia ki he loi: ka oku ou ofa ki hoo fono.
164 Oku ou fakamalo kiate koe o liuga fitu i he aho, koeuhi ko hoo gaahi fakamāu maonioni.
165 Oku ma‘u ae fiemalie lahi ekinautolu oku ofa ki hoo fono: bea e ikai tūkia akinautolu i ha mea.
166 E Jihova, kuou amanaki ki hoo fakamoui, bea kuou fai ki hoo gaahi fekau.
167 Kuo tauhi e hoku laumalie a hoo gaahi fakamooni; bea oku ou ofa lahi aubito ki ai.
168 Kuou fai ki hoo gaahi akonaki mo hoo gaahi fakamooni: he oku i ho ao hoku gaahi aluaga kotoabe.
TAU.
¶ 169 E Jihova, tuku ke a‘u atu eku tagi o ofi kiate koe: ke ke foaki mai ae boto o hage ko hoo folofola.
170 Tuku ke a‘u atu eku lotu tāumau ki ho ao: fakamoui au o hage ko hoo folofola.
171 E hua aki e hoku lougutu ae fakamalo, oka ke ka ako hoo gaahi tuutuuni kiate au.
172 E lea aki e hoku elelo hoo folofola: he oku maonioni hoo gaahi fekau kotoabe.
173 Ke tokoni au e ho nima; he kuou fili hoo gaahi akonaki.
174 E Jihova, oku ou holi ki hoo fakamoui; bea ko hoo fono ko hoku fiefiaaga ia.
175 Tuku ke moui a hoku laumalie, bea e fakamalo ia kiate koe; bea ke tokoni au e hoo gaahi fakamāu.
176 Naaku he o hage koe sibi kuo mole; ke ke kumi hoo tamaioeiki; he oku ikai galo iate au hoo gaahi fekau.