¶ 1 OKU ou falala kia Jihova: bea oku fefe hoo mou behe ki hoku laumalie, Buna o hage koe manu ki ho mouga?

2 He oku teke e he agahala e nau kaufana, oku nau ai e nau gaahi gahau ki he uka, koeuhi ke nau fana fakafufu be ki he agatonu i loto.

3 Kabau e auha ae gaahi tuuga, koeha e faa fai e he kakai maonioni?

4 Oku i hono fale maonioni a Jihova, koe afioaga o Jihova oku i he lagi oku afio‘i e hono fofoga, oku ahiahi‘i e hono lauifofoga, ae gaahi fānau ae tagata.

5 Oku ahiahi e Jihova ae maonioni: ka koe agakovi mo ia oku manako ki he fakamalohi oku fehia hono laumalie ki ai.

6 Te ne fakauha ki he gaahi agahala ae gaahi tauhele, koe afi, moe sulifa, moe afā fakailifia aubito: koe inaji ia oe nau ibu.

7 He oku ofa a Jihova koe maonioni ki he maonioni; oku afio e hono fofoga ki he agatonu.