Vahe 135
1 Koe eginaki ke fakamalo ki he Otua koeuhi ko ene aloofa, 5 mo ene mafimafi, 8 bea mo ene gaahi fakamāu. 15 Koe mea vaiga be ae gaahi tamabua. 19 Koe mea eginaki ke fakafetai ki he Otua.
¶ 1 MOU fakamalo kia Jihova. Mou fakamalo ki he huafa o Jihova; fakamalo kiate ia, akimoutolu koe kau tamaioeiki a Jihova.
2 Akimoutolu oku tuu i he fale o Jihova, i he gaahi loto a oe fale o ho tau Otua,
3 Fakamalo kia Jihova; he oku agalelei a Jihova: hiva fakamalo ki hono huafa; he oku malie ia.
4 He kuo fili e Jihova a Jekobe maana, mo Isileli ko hono tofia oona.
5 He oku ou ilo oku lahi a Jihova, bea oku maoluga hake ho tau Eiki i he gaahi otua kotoabe.
6 Koe mea kotoabe nae finagalo ki ai a Jihova, koia naa ne fai i he lagi, mo mamani, i he gaahi tahi, moe gaahi botu loloto kotoabe.
7 Oku bule eia ke alu hake ae kakabu mei he gaahi gataaga o mamani; oku ne gaohi ae gaahi uhila moe uha; oku omi eia ae matagi mei hono gaahi feleoko.
8 Koia ia nae ta‘i ae uluaki fanau o Ijibite, ae tagata moe manu.
9 Mo ne fekau atu ae gaahi fakailoga moe gaahi mea fakaofo i he lotolotoga oou, E Ijibite, kia Felo, bea mo ene kau tamaioeiki kotoabe.
10 Koia nae ta‘i ae gaahi buleaga lahi, mo tamate‘i ae gaahi tu‘i malohi;
11 Ko Sihoni koe tui oe kau Amoli, mo Oki koe tu‘i o Besani, moe gaahi buleaga kotoabe o Kenani:
12 Bea nae foaki ho nau fonua koe tofia, koe tofia ki Isileli ko hono kakai.
13 E Jihova, oku tologa o taegata ho huafa; mo ho fakamanatu, E Jihova, ki he gaahi toutagata kotoabe.
14 Koeuhi e fakamāu e Jihova hono kakai, bea e lolou ia koeuhi ko ene kau tamaioeiki.
15 Koe gaahi tamabua oe hiteni koe siliva moe koula, koe gaue ae nima oe tagata.
16 Oku ai ho nau gutu, ka oku ikai te nau lea; oku nau ma‘u ae mata, ka oku ikai te nau mamata;
17 Oku nau ma‘u ae teliga, ka oku ikai te nau fanogo; bea oku ikai ha mānava i ho nau gutu.
18 Ko kinautolu oku gaohi akinautolu oku nau tatau mo kinautolu: bea oku behe be akinautolu oku falala ki ai.
19 E fale o Isileli, ke ke fakafetai kia Jihova: E fale o Elone, ke ke fakafetai kia Jihova:
20 E fale o Livai, ke ke fakafetai kia Jihova: akimoutolu oku manavahe kia Jihova, mou fakafetai kia Jihova.
21 Mou fakafetai kia Jihova mei Saione, aia oku afio i Jelusalema. Mou fakamalo kia Jihova.