¶ 1 MOU atu ae fakafetai kia Jihova; he oku agalelei ia: koeuhi oku tologa o taegata a ene aloofa.

2 Mou atu ae fakafetai ki he Otua oe gaahi otua: he oku tologa o taegata a ene aloofa.

3 Mou atu ae fakafetai ki he Eiki oe gaahi eiki: he oku tologa o taegata a ene aloofa.

4 Kiate ia aia toko taha be oku fai ae gaahi mea fakaofo lahi: he oku tologa o taegata a ene aloofa.

5 Kiate ia aia nae gaohi i he boto ae gaahi lagi: he oku tologa o taegata a ene aloofa.

6 Kiate ia aia nae folahi a mamani i oluga i he gaahi vai: he oku tologa o taegata a ene aloofa.

7 Kiate ia aia nae gaohi ae gaahi māma lahi: he oku tologa o taegata a ene aloofa:

8 Koe laa ke bule i he aho: he oku tologa o taegata a ene aloofa:

9 Koe mahina moe gaahi fetuu ke bule i he bo: he oku tologa o taegata a ene aloofa.

10 Kiate ia aia nae ta‘i a Ijibite i he e nau uluaki fanau: he oku tologa o taegata a ene aloofa:

11 Mo ne omi a Isileli meiate kinautolu: he oku tologa o taegata a ene aloofa:

12 Aki ae nima malohi, moe nima kuo mafao atu: he oku tologa o taegata a ene aloofa.

13 Kiate ia nae vahe‘i ke vaeua ae Tahi Kulokula: he oku tologa o taegata a ene aloofa:

14 Bea ne bule ke alu a Isileli i hono vahaa: he oku tologa o taegata a ene aloofa:

15 Ka nae tulaki a Felo mo ene kau tau i he Tahi Kulokula: he oku tologa o taegata a ene aloofa.

16 Kiate ia aia nae tataki hono kakai i he toafa: he oku tologa o taegata a ene aloofa.

17 Kiate ia aia nae ta‘i ae gaahi tu‘i lahi: he oku tologa o taegata a ene aloofa.

18 Bea tamate‘i ae gaahi tu‘i nae ogoogo: he oku tologa o taegata a ene aloofa:

19 Ko Sihoni koe tu‘i oe kau Amoli: he oku tologa o taegata a ene aloofa:

20 Mo Oki koe tu‘i o Besani: he oku tologa o taegata a ene aloofa:

21 Bea ne foaki ho nau fonua koe tofia: he oku tologa o taegata a ene aloofa:

22 Koe tofia kia Isileli ko ene tamaio eiki: he oku tologa o taegata a ene aloofa.

23 Aia nae manatu kiate kitautolu i he e tau majiva: he oku tologa o taegata a ene aloofa:

24 Bea ne huhui akitautolu mei ho tau gaahi fili: he oku tologa o taegata a ene aloofa.

25 Oku ne foaki ae mea kai ki he kakano kotoabe: he oku tologa o taegata a ene aloofa.

26 Mou atu ae fakafetai ki he Otua oe lagi: he oku tologa o taegata a ene aloofa.