¶ 1 E JIHOVA, naa ke ahiahi‘i au, bea kuo ke ilo‘i au.

2 Oku ke ilo‘i eku nofo hifo mo eku tuu hake, oku ke ilo‘i eku gaahi mahalo oku kei mamao.

3 Oku ke a‘i hoku hala mo hoku tokotoaga, bea oku ke ilo‘i hoku hala kotoabe.

4 He oku ikai ha lea i hoku elelo, ka ko koe, E Jihova, oku ke ilo‘i kotoabe.

5 Naa ke kabui au i hoku tua mo hoku ao, o ke hilifaki ho nima kiate au.

6 Koe ilo behe oku fakaofo lahi kiate au; oku maoluga ia, oku ikai teu faa lava‘i ia.

7 Teu alu kife mei ho Laumalie? be teu hola kife mei ho ao?

8 Kabau teu alu hake ki he loto lagi, oku ke i ai: kabau teu gaohi hoku mohega i heli, vakai, oku ke i ai.

9 Kabau teu too mai ae gaahi kabakau oe bogibogi, bea nofo i he gaahi gataaga oe tahi;

10 E tataki foki au e ho nima i ai, bea ko ho nima toomatau te ne buke au.

11 Kabau teu behe, Koe mooni e ufiufi au e he bouli; e hoko ae bo foki koe māma o takatakai iate au.

12 Io, oku ikai fakafufu meiate koe e he bouli; ka oku malama ae bo o hage koe aho: koe bouli moe māma oku na tatau be kiate koe.

13 He kuo ke ma‘u hoku koga loto: naa ke ufiufi au i he manāva o eku fa‘e.

14 Teu fakamalo kiate koe; he oku fakamanavahe mo fakaofo hoku gaohi: oku fakaofo hoo gaahi gaue; bea oku ilo bau ki ai e hoku laumalie.

15 Nae ikai fufu a hoku jino meiate koe, i he gaohi au i he lilo, mo teuteu lelei au i he gaahi botu maulalo oe fonua.

16 Nae afio ho fofoga ki hoku jino oku teeki ai fakaoji; bea nae tohi i hoo tohi hoku gaahi kubu‘i jino kotoabe, aia nae fakatubu fakaholo, i he heeki ai ha kubu e taha.

17 E Otua, hono ikai mahuiga a hoo gaahi fakakaukau kiate au! oku fefe nai hono lahi oia!

18 Kabau teu lau ia, oku lahi hake hono lau i he oneone: o kau ka a hake oku ou kei iate koe.

19 E Otua, koe mooni te ke tamate‘i ae agahala: koia mou alu iate au, akimoutilu ae kau tagata bani toto.

20 He oku nau lea kovi i he agatuu kiate koe, bea ko ho gaahi fili oku nau takua noa  ho huafa.

21 E Jihova, ikai oku ou fehia kiate kinautolu oku nau fehia kiate koe? bea ikai oku ou mamahi iate kinautolu oku nau tuu hake o agatuu kiate koe?

22 Oku ou fehia kiate kinautolu aki ae fehia aubito: oku ou lau akinautolu ko hoku gaahi fili.

23 E Otua, afio‘i au, bea ke ilo‘i hoku loto: ahiahi‘i au, mo ke ilo‘i eku gaahi mahalo:

24 Bea ke vakai be oku ai ha hala kovi iate au, bea ke tataki au i he hala taegata.