Vahe 149
1 Koe eginaki ae balofita ke fakamalo ki he Otua koeuhi ko ene ofa ki he jiaji, 5 bea koeuhi koe malohi kuo ne foaki ki he jiaji.
¶ 1 MOU fakamalo kia Jihova. Hiva kia Jihova aki ae hiva foou, moe fakamalo kiate ia i he fakataha oe kakai maonioni.
2 Ke fiefia a Isileli iate ia naa ne gaohi ia: ke fiefia ae fānau a Saione i ho nau Tu‘i.
3 Ke nau fakamalo ki hono huafa i he mee: ke nau hiva fakamalo kiate ia aki ae lali iki moe haabe.
4 He oku fiefia a Jihova i hono kakai: te ne teuteu ae agamalu aki ae fakamoui.
5 Ke fiefia ae kakai maonioni i he nāunāu: ke nau hiva kalaga i ho nau gaahi mohega.
6 Ke i ho nau gutu ae fakamalo lahi ki he Otua, bea i ho nau nima ae heleta oku fakatou mata;
7 Ke atu ae totogi ki he hiteni, moe gaahi tautea ki he kakai:
8 Ke ha‘ijia ho nau gaahi tu‘i aki ae ukamea fihifihi, mo ho nau houeiki aki ae gaahi ha‘i ukamea;
9 Ke fai kiate kinautolu ae fakamāu kuo tohi: kuo behe ae hakeaki‘i o ene kakai maonioni kotoabe. Mou fakamalo kia Jihova.