¶ 1 TEU ofa kiate koe, E Jihova, ko eku malohi.

2 Ko hoku makatuu a Jihova, mo eku kolo, mo hoku fakamoui; ko hoku Otua, ko hoku malohi, aia teu falala ki ai; ko hoku fakaū, moe malohi o eku moui, mo hoku hufaga maoluga.

3 Teu ui kia Jihova, aia oku gali moia ae fakafetai: koia teu moui ai mei hoku gaahi fili.

4 Nae kabui au e he gaahi mamahi oe mate, bea nae fakamanavahe‘i au e he lomaki mai oe kau tagata agakovi.

5 Nae kabui au e he gaahi mamahi o hetesi: nae talia au e he gaahi tauhele oe mate.

6 I he eku mamahi naaku ui kia Jihova, mo tagi ki hoku Otua: bea ne ogo‘i hoku le‘o mei hono fale tabu, bea nae a‘u atu eku tagi ki hono ao, io, ki hono fofoga.

7 Nae galulu ai a mamani o tetetete; nae gau‘e mo lulululu foki ae tuuga oe gaahi mouga, koeuhi ko ene houhau.

8 Nae alu hake ae kohu i hono houhau, bea nae keina e he afi mei hono gutu: nae tutu aki ia ae fefie.

9 Naa ne ofe‘i hifo foki ae gaahi lagi, o haele hifo: bea nae i hono lalo va‘e ae bouli.

10 Nae heka ia ki he jelubi, bea haele ia: io, nae haele ia i he gaahi kabakau oe matagi.

11 Naa ne gaohi ae bouli ko hono fakalilolilo: ko hono afioaga nae kabui ia e he vai fakabouli moe gaahi ao matolu oe lagi.

12 I he ulo mei hono ao nae mole atu ai a ene gaahi ao matolu, ae uha maka moe gaahi malala‘i afi.

13 Nae mana foki e Jihova i he gaahi lagi, bea fakaha hono le‘o e he Fugani Maoluga; koe uha maka moe gaahi malala‘i afi.

14 Io, naa ne fana atu ene gaahi gahau, bea veteki akinautolu; bea ne fana aki ae gaahi uhila, o veuveuki akinautolu.

15 Nae toki ha ai ae gaahi tafeaga oe vai, bea fakaha ai ae gaahi tuuga o mamani i ho houhau, E Jihova, i he matagi oe mānava o ho houhau.

16 Naa ne fekau mei oluga, naa ne too au, naa ne too hake au mei he gaahi vai lahi.

17 Naa ne fakahaofi au mei hoku fili malohi, bea mo kinautolu nae fehia kiate au: he naa nau malohi lahi kiate au.

18 Naa nau fakataga‘i au i he aho o eku tuutamaki: ka ko hoku tokoni a Jihova.

19 Naa ne omi au ki he botu ataatā lahi; naa ne fakahaofi au, koe mea i he ene fiemalie iate au.

20 Nae totogi e Jihova kiate au o fakatatau ki he eku maonioni; o fakatatau ki he maa a hoku nima kuo ne totogi kiate au.

21 He naaku tauhi ae gaahi hala o Jihova, bea nae ikai teu alu i he agakovi mei hoku Otua.

22 He nae i hoku ao a ene gaahi fakamāu kotoabe, bea nae ikai teu liaki ene gaahi fekau iate au.

23 Bea naaku agatonu foki i hono ao, bea neu taofi au mei he eku hia.

24 Koia kuo totogi ai au e Jihova o fakatatau ki he eku maonioni, bea fakatatau ki he maa a hoku nima i hono ao.

25 I he kakai loto ofa te ke fakaha koe koe aloofa; ki he tagata agatonu te ke fakaha koe koe agatonu;

26 Ki he maonioni te ke fakaha koe ae maonioni; bea ki he tagata agatuu te mo fekuki mo ia.

27 He ko koe te ke fakamoui ae kakai mamahi: ka te ke o hifo ki lalo ae mata fielahi.

28 Bea te ke tutu eku māma: e huluaki eku fakabouli e Jihova ko hoku Otua.

29 He koe mea iate koe naaku halaua ae tau o hao; bea i hoku Otua neu buna kitua i he a maka.

30 Bea koe Otua, oku haohaoa hono hala: oku ahiahi‘i ae folofola a Jihova: koe fakaū ia kiate kinautolu kotoabe oku falala kiate ia.

31 He kohai oku Otua ka ko Jihova be? be kohai ae makatuu ka ko ho tau Otua be?

32 Koe Otua ia oku ne nonoo aki au ae malohi, o fakahaohaoa hoku aluaga.

33 Oku ne gaohi hoku va‘e ke hage koe va‘e oe hainiti, o ne fokotuu au ki hoku gaahi botu maoluga.

34 Oku ne akonaki‘i hoku nima ke tau, koia oku feji‘i ai e hoku nima ae kaufana ukamea.

35 Bea kuo ke foaki foki kiate au ae fakaū o hoo fakamoui: bea kuo boubou hake au e ho nima toomatau, bea i hoo agamalu kuo ke hakeaki‘i au.

36 Kuo ke fakaataatā hoku aluaga i lalo iate au, koia nae ikai hekea ai hoku va‘e.

37 Naaku tuli hoku gaahi fili o ma‘u akinautolu: bea nae ikai teu toe foki kae oua ke auha akinautolu.

38 Kuo nau makafokafo iate au, koia nae ikai ai te nau faa tuu hake: kuo nau to ki hoku lalo va‘e.

39 He naa ke nonoo aki au ae malohi ki he tau: kuo ke fakavaivai ki lalo iate au akinautolu nae tuu hake kiate au.

40 Bea kuo ke foaki foki kiate au ae kia o hoku gaahi fili; koeuhi keu fakaauha akinautolu oku fehia kiate au.

41 Naa nau tagi, ka nae ikai ha taha ke fakamoui: io, kia Jihova, ka nae ikai te ne talia akinautolu.

42 Bea neu toki ta‘i akinautolu o momoji o hage koe efu oku viligia i he matagi: naaku li akinautolu kitua o hage koe belebela i he gaahi hala.

43 Kuo ke fakamoui au mei he gaahi fekeikei oe kakai; bea kuo ke gaohi au koe ulu ki he hiteni: koe kakai nae ikai teu ilo’i te nau tauhi au.

44 Oka nau ka fanogo kiate au, te nau talagofua leva kiate au: koe kau muli te nau fakavaivai akinautolu kiate au.

45 E fakaaau o oji ae gaahi muli, bea te nau manavahe mei ho nau gaahi botu lilo.

46 Oku moui a Jihova; bea fakafetai ki hoku makatuu; bea tuku ke hakeaki‘i ae Otua o eku moui.

47 Koe Otua ia oku lagomia au, o ne fakavaivai ae kakai kiate au.

48 Oku ne fakamoui au mei hoku gaahi fili: io, oku ke hiki au keu maoluga iate kinautolu oku agatuu kiate au: kuo ke fakamoui au mei he tagata agamalohi.

49 Koia teu fakafetai ai kiate koe, E Jihova, i he ao oe hiteni, bea teu hiva aki ae fakafetai ki ho huafa.

50 Oku ne tuku ae fakamoui lahi ki he ene tu‘i; o ne fakaha ae aloofa kiate ia kuo ne bani aki ae lolo, kia Tevita, mo hono hako o taegata.